有無人好似我咁諗，覺得小朋友活躍反而要讀傳統學校?

danielmama0615

如題

其實坐唔定外向多野講，看似很活躍的小朋友=適合活動教學?  如接受傳統教學，規模過激行為，不是更好? 同樣地，文靜型谷得小朋友=適合傳統?  如接受活動教學，又會否令小朋友更外向活躍呢？

有無人好似我咁諗，覺得小朋友活躍反而要讀傳統學校，以規範佢嘅行為紀律？（身邊朋友個個話我仔醒目活躍語文強，讀啲唔好咁傳統的好啲）

ps我仔暫有救恩，但心儀傳統直私，但無offer

moniko

有諗過。 但結論係人應該向自己專長行， 而非壓抑專長。 坐得定可以係優點， 夾硬要佢活動教學， 唔適應， 最後可能抗拒學業。 掉轉要活躍小朋友坐定， 可能佢運學都唔想返。

亦都可以套用叫魚去爬樹既例子。

amymak888

moniko 發表於 17-11-18 00:16
有諗過。 但結論係人應該向自己專長行， 而非壓抑專長。 坐得定可以係優點， 夾硬要佢活動教學， 唔適應，  ...

講得岩

karen55407

danielmama0615 發表於 17-11-17 23:55
如題

其實坐唔定外向多野講，看似很活躍的小朋友=適合活動教學?  如接受傳統教學，規模過激行為，不是更好 ...

我認同

supermom1

其實要睇學校包容度，呢點反而更重要！
學校是用什麼方式去處理？有聽過有啲學校唔比小朋友放小息，但亦有學校反而比小朋友在操場跑，等小朋友可以消耗體力，之後上堂可以定啲！

JoyceNgYY

danielmama0615 發表於 17-11-17 23:55
如題

其實坐唔定外向多野講，看似很活躍的小朋友=適合活動教學?  如接受傳統教學，規模過激行為，不是更好 ...

我仔同你仔都幾似，可能我仔更甚。。。

我都有諗過你呢個問題，但當我見到身邊有位同我仔相似，但入咗傳統學校，家長3日唔埋2日就收電話(成績冇問題，老師打親黎都係投訴行為問題)既時候，我就覺得，小朋友未抗拒，大人都已經謝咗。。。係呢啲學校比人label咗係曳學生，絕對唔會係好事，小朋友圈子會講，家長群也好快會知。。。

Btw，我小朋友讀緊救恩。另外，收佢既學校，都係活動教學的，可想而知，都唔輪到我揀 不過，我想話你知，活動教學唔代表學校唔規範佢哋紀律，係2件事黎。就例如食午飯前，佢哋要安靜準備好餐具，攞咗飯盒，一齊祈完禱，先可以坐係位安靜地食飯，食完飯先可出去玩。簡單點講，應活動時活動，但要安靜時都一定要安靜，呢種要能收要能放不是更好更適合嗎？將來出來社會做事，都唔係一味坐定定守紀律就叫做好呀。。。

alantam2017

想法正確，見過d活躍份子(老豆+仔)入d happy school直情快樂到忘記左呈分試，到P5先問我點算，我話首三志願band3快樂下去，然後早d出黎社會炒樓炒股。

99dogdog

alantam2017 發表於 17-11-18 01:15
想法正確，見過d活躍份子(老豆+仔)入d happy school直情快樂到忘記左呈分試，到P5先問我點算，我話首三志願 ...

呢啲似乎係極端個別例子！

supermom1

JoyceNgYY 發表於 17-11-18 01:10
本帖最後由 JoyceNgYY 於 17-11-18 01:15 編輯

我仔同你仔都幾似，可能我仔更甚。。。

認同，如果老師日日鬧小朋友，呢位同學可能會被其他同學排擠，家長又會受到好大壓力！

alantam2017

99dogdog 發表於 17-11-18 01:24
呢啲似乎係極端個別例子！

真人真事，冇厄你
如果本身(包括父母)已經係控制力差同自覺性差，千祈唔好入happy school

1998Ruby1998

想法正確，不過都要睇學校如何處理。有 d 老師係好容不下活躍學生。

我自己細個就係坐唔定，多野講，好需要互動嘅學生。讀一間傳統女校，基本上係一開始就被標籤為「問題學生」，每隔幾日就被老師投訴話我不適宜讀呢間學校。學校好多職責、比賽、小組我都唔可以參與，老師一定唔會揀我。有退休老師返黎代課，佢話我聲線好聽響亮，不論廣東話、英語、普通話都字正腔圓，完全係朗誦、合唱團材料，唔明點解老師會埋沒我（老師揀曬 d 乖學生，儘管佢地語文能力未必好）。最記得係呈分兩年，班主任好討厭坐唔定、多野講嘅學生，結果成績表全部操行 B－。

傳統學校的確讓我學會自律守禮、謙卑、服從，但係代價就係每隔幾日就收電話投訴，被老師標籤為曳學生，風紀科長冇得做，服務團體、合唱團等活動都冇份。活躍唔係問題，學校點處理／教導活躍學生自制，先係重點。活動教學唔代表冇紀律，只不過係會早 d 教學生養成自律自控，學會收放自如，遊戲時遊戲，認真時認真。傳統學校就會「家長式管理」，多規矩，小錯也會重罰，警惕學生行為必須得當。

alantam2017

1998Ruby1998 發表於 17-11-18 02:24
想法正確，不過都要睇學校如何處理。有 d 老師係好容不下活躍學生。

我自己細個就係坐唔定，多野講，好需 ...

你只係撞倒個差老師啫，代課老師有讃你丫

1998Ruby1998

回覆 alantam2017 的帖子

唔止一個老師差，年年唔同班主任同科目老師，只有英文科嘅老師冇對我咁差，小一到小六都係咁。代課老師讚我，當刻我只感到更悲哀。
有一次個老師叫我去幫手寫迎接教育局人員嘅稿。我好開心，以為機會黎。點知最後個老師揀左個乖學生出去讀我份詞，個教育局人員好欣賞佢，話佢份稿作得好，推薦佢去參加 d 培育課程。班同學都奇怪，問點解我冇出去讀，而會係另一個同學。果刻完全係 林妙可同楊沛宜 咁。

somoon

....

cutieringo

1998Ruby1998 發表於 17-11-18 02:24
想法正確，不過都要睇學校如何處理。有 d 老師係好容不下活躍學生。

我自己細個就係坐唔定，多野講，好需 ...

你細個同我一樣 我諗返轉頭我應該讀活動教學果類，但宜家到我囡係⋯專注、聽話果類⋯岩讀傳統學校做填鴨果隻，但自己既經歷反而想幫佢揀活動教學唔想佢俾框框限制左！

chingchub

識有朋友個仔多野講，坐唔定，讀幼稚園時老師好包容，但小一入左傳統津校，講紀律，成日接學校電話要佢個仔改善，個小朋友初初係會成日聊同學傾計又出位，我朋友收呢啲投訴都好冇面，又覺俾人label,都會懷疑個仔係咪真係有問題，想過帶佢去專業人士度check。後尾幾個月後適應左大有改善，再冇俾學校投訴。所以係咪一定適應唔到冇人知呢。。。

pbhe

YC221 發表於 17-11-18 02:17
首先要了解何謂活動教學? 活動教學是透過分組討論學習, 喜歡表達, 主動和討論的孩子應該較適合。活動教學也 ...

非常同意。好似我個仔勁鐘意參與活動，要落手落腳學習，佢又好鐘意答問題。如果成日坐定定聽書，佢應該會慢慢失去返學學習動機。讀傳統紀律超嚴的學校，分分鐘比老師label曳，再叻更有創意都冇人欣賞，一系成日比人罰，一系做隐形人。佢兩種學校都有offer, 但我都揀活動教學，等佢多D落手落腳學習，keep住學習興趣，訓練埋社交tim. 要佢咁鐘意答問題的性格比老師打壓我都過意唔去。不過，我都有問過佢意見既。

dorothy8

danielmama0615 發表於 17-11-17 23:55
如題

其實坐唔定外向多野講，看似很活躍的小朋友=適合活動教學?  如接受傳統教學，規模過激行為，不是更好 ...

但我身邊有朋友咁做 (因為唔想俾錢讀書) 而逼佢去讀名津

因性格好動, 經常俾老師罰, 扣分,  佢媽媽依家都要接受現實, 打算轉讀直資中學...

Charlotte_mom

dorothy8 發表於 17-11-18 09:30
但我身邊有朋友咁做 (因為唔想俾錢讀書) 而逼佢去讀名津

因性格好動, 經常俾老師罰, 扣分,  佢媽媽依家都 ...

弊在俾人label左曳仔，想搵好直資收就難。聽過個case傳統b1校，成績唔夠直上，小56操行c，直資自行無望，只能靠抽獎