音小vs德雅 （虛心請教）

taxibird

音小本身唔算好差，只係成日比家長唱衰，我覺得兩間都係二線學校，但賣點唔同，各有千秋，視乎樓主想小朋友接受咩類型教育

小鼠

多謝各位意見我唸等埋自行放榜就有決定

gogymiu

章太郎 發表於 17-11-17 22:38
一般係小朋友谷得就德雅，不過以谷校來說，德雅升中都係一般般，似乎教學方法唔太有效。
同意樓上話兩間學 ...

德雅升中成績好好喎，點解話係一般？

章太郎

gogymiu 發表於 17-11-18 14:58
德雅升中成績好好喎，點解話係一般？

(emoji)

PCMW

德雅

gogymiu

章太郎 發表於 17-11-18 23:03
本帖最後由 章太郎 於 17-11-18 23:11 編輯

派上智聖母玫瑰係好，但因為係同校網，只要B1都有機會抽到 ...

如果純粹德雅升中成績，以小六學生band 1 百份比去睇，唔會差過宣小，九小。

如果純粹比較考獲區外名校去睇一間學校既競爭力，亦可能會有偏差。宣小，九小既家長群偏向進取，德雅家長群偏向保守。

非常同意，男生向深水埗網的確比較輸蝕。 比較女生有三間女中，的確選擇較少。

但依據我理解，選中學，可以跟小學校網，亦可選住址校網。

另外，德雅比較適合可以坐定定，專注型既小朋友。學校非常注重紀律。

純粹分享
大家交流下意見

小鼠

gogymiu 發表於 17-11-20 08:48
如果純粹德雅升中成績，以小六學生band 1 百份比去睇，唔會差過宣小，九小。

如果純粹比較考獲區外名校 ...

德雅聽落幾好，但點解德雅排名又唔太高呢？請指教

apple1990

小鼠 發表於 17-11-20 13:25
德雅聽落幾好，但點解德雅排名又唔太高呢？請指教

什麼小學排名？乜香港有架咩？就算有可信性又幾高？ 排名計算標準又係咩？

gogymiu

小鼠 發表於 17-11-20 13:25
德雅聽落幾好，但點解德雅排名又唔太高呢？請指教

好多傳統名校排名高，有理想既大校舍，有各樣獎項課外活動比賽去support..加上家長們既熱心追捧，排名既野，見仁見智啦。

就好似我本人，中學時代，向一間寂寂無名既中學讀書。同區既人，好多都話間學校好好，但當我話比人知，我學校係邊間，10個有9.5 個都話無聽過。

畢業後20年，我今時今日同人講番"寶血會上智英文書院", 一樣有好多人唔識。 會問我，咩學校黎架？ 好好架？ 咁間學校好定唔好呢？  係唔係一定好有名氣，就係好學校呢？ 無人識，就唔係好學校？

香港其實有好多低調既學校。德雅我覺得係其中一間。 我囡囡而家讀緊，所以比較了解。人人都話鍾意九龍城網，有幾多人知深水埗網有咁多優質中學呢？ 德雅咁多年歷史既一間學校，如果座落九龍城，我估計一定係名校了。

德雅唔催谷學生課外活動上既表現。 唔會迫你一體一藝，唔會迫你去參加乜野比賽。 而家出面間間學校都期望學生周身刀，好難得仲有一間學術優質既學校，只一條心培養小朋友品格，和學術成績。

百貨百客，我自己唔會覺得德雅係最好，但好適合我個女。 要求學生全能發展既名校，我地無考過，應該話係無考慮過。

apple1990

gogymiu 發表於 17-11-20 13:48
好多傳統名校排名高，有理想既大校舍，有各樣獎項課外活動比賽去support..加上家長們既熱心追捧，排名既野 ...

寶血上智都唔識？！ 不敢相信！
非常認同妳觀點，德雅係石果僅存少數只要求學生品格及學術嘅優質學校！

mamath

gogymiu 發表於 17-11-20 13:48
好多傳統名校排名高，有理想既大校舍，有各樣獎項課外活動比賽去support..加上家長們既熱心追捧，排名既野 ...

請問學術上有几辛苦? 功課是否很多, 做到很晚呢? 家長要多少時間陪做功課及温習?

gogymiu

mamath 發表於 17-11-20 17:12
請問學術上有几辛苦? 功課是否很多, 做到很晚呢? 家長要多少時間陪做功課及温習?
...

其實真係要視乎小朋友既適應能力，同埋k3 時的學術底子。

德小出名英文課程好，校本課程為主（英文教科書只係參考）。但亦相對需要小朋友英文能力要求較高。小一課程有人覺得輕鬆，有應付得辛苦，好難一概而論。

數學既教學內容亦同外間課程有所不同。學校跟據校本課程去教，同坊間教學進度不同。 而學校提供既工作紙，亦著重思考。

功課我唔覺得多。聽舊生家長講，德雅一直有聽取家長意見去改良功課政策。小一功課5-7樣。假期都係7-8樣。 抄寫少。質比量大。

另外，德小有功課堂，小朋友可以在校完成大部分功課，回家可以用多d 時間去重溫教學範圍。

聽番好多德小家長分享，德雅的確唔係輕鬆的學校。但小朋友讀上去，學術根基好穩。 另外我認識一位舊生，佢形容德雅學校升中後，向band 1 學校讀書大部分都能輕鬆應付。

希望幫到你。

lulumelody

apple1990 發表於 17-11-20 14:53
寶血上智都唔識？！ 不敢相信！
非常認同妳觀點，德雅係石果僅存少數只要求學生品格及學術嘅優質學校！:go ...

其實好多實幹又好的中學，因不太活躍學界而唔出名。但佢地出的學生好有料而實務。

小鼠

gogymiu 發表於 17-11-20 17:30
其實真係要視乎小朋友既適應能力，同埋k3 時的學術底子。

德小出名英文課程好，校本課程為主（英文教科書 ...

多謝你既意見！其實我係比較鐘意德雅，但見排名唔高就令我有疑惑。我希望自己囝囝可以係間有愛心既學校讀書。請問知道德雅男仔係咪比較難逹B1成績？

gogymiu

小鼠 發表於 17-11-20 19:15
多謝你既意見！其實我係比較鐘意德雅，但見排名唔高就令我有疑惑。我希望自己囝囝可以係間有愛心既學校讀 ...

男仔女仔一樣架。。德雅既男仔真係算乖，同埋淡定。

德雅好重視品格，對學生要求都比較嚴謹，有家長會擔心校規太嚴，對男仔不利，但我認識既高班男仔，有部分都好活躍好陽光，親切有禮。

小鼠

gogymiu 發表於 17-11-20 19:20
男仔女仔一樣架。。德雅既男仔真係算乖，同埋淡定。

德雅好重視品格，對學生要求都比較嚴謹，有家長會擔 ...

我囝間幼稚園都嚴嚴地同谷。我唸佢唔唔反叛都仲應付到。請問知道升B1太約有幾多成嗎？

gogymiu

小鼠 發表於 17-11-20 19:30
我囝間幼稚園都嚴嚴地同谷。我唸佢唔唔反叛都仲應付到。請問知道升B1太約有幾多成嗎？
...

本帖最後由 gogymiu 於 17-11-20 20:07 編輯

呢個問題都好難答，學校其實從來都唔會公佈數字，亦唔習慣公開%.. 所以一路都話，學校係好含蓄好保守

不過跟據最近兩屆小六升中家長群自己既統計，沒有學生升上band 3中學， 同級當中只有幾位升讀band 2 中學。。。 而最近幾年小六畢業生人數較少（sars 後出生）

如跟據升中家長群資料，band 1 %超過80%...

當然。。好多名校家長見到呢d 數字又會話係假。。。唔真實。。無確實數字支持之類。。

所以數字參考下就算，始終要揀一間學校仲有好多因素要考慮。

小鼠

gogymiu 發表於 17-11-20 20:07
本帖最後由 gogymiu 於 17-11-20 20:08 編輯

本帖最後由 gogymiu 於 17-11-20 20:07 編輯

好非詳盡，多謝你既資料

lulumelody

想問德雅一班有幾多人?一星期有幾多堂英文係net教?

crystalupala

gogymiu 發表於 17-11-20 17:30
其實真係要視乎小朋友既適應能力，同埋k3 時的學術底子。

德小出名英文課程好，校本課程為主（英文教科書 ...

多謝你分享！得知德雅功課政策一直有調整，好好呀！我仔仔都考到德雅，好想知道依家情況。我自己係德雅同上智校友，以前德雅真係好多功課，返下午班果幾年，真係晚晚做到十一點，睇來而家口好好多！

德雅同上智都係咁低調，以前真係無人識上智，其中一個低調例子係，會考A-level年代，年年都有師姐考8A, 後來到我上到中四，先知學校唔准take多過8科，怕同學分心。當時每年會考放榜，傳媒都會報導10A9A狀元，只考8科既上智，自然無人知佢禾稈冚珍珠。A-level年代，上智入大學率每年都係近100%，真係無人入唔到大學，其實好勁！