妳地以前啲小學老師係咪都會打學生?

Charlie妹

我讀小學時，曾經俾英文老師用間尺打手掌，飛本簿落地下，要我去執返。而原因只不過是我抄寫生字時，本來有5個生字要寫在另一版，唔知點解當時我諗住慳位，就寫在footage個位，佢就勁鬧。嗰陣覺得勁無辜，覺得我又唔係無寫，解釋咗，佢再話仲有咁多版你用得晒咩？又試過有次男同學摸我大脾同心口，我大聲話: 你再摸我告你非禮㗎! 點知就俾老師聽到，捉咗我兩個出去，會惡咁問我，你要知道非禮係好嚴重嘅指控吓! 佢係咪真係有摸你，摸你邊度，你好講啦！我當時好驚，就話都係無事啦～佢再話我講大話，呢啲嘢唔准亂講。之後另一個男同學又摸我同其他女同學心口幾次，我地見佢就用手遮住心口同走開，無人話俾老師聽。呢間唔係名校，只是地區一間幾多家長追棒的小學，但只留給我好唔愉快嘅經歷。希望而家已改善。

little_yolky

Charlie妹 發表於 17-11-8 08:30
我讀小學時，曾經俾英文老師用間尺打手掌，飛本簿落地下，要我去執返。而原因只不過是我抄寫生字時，本來有 ...

你當時應該要話俾家長聽, 俾我今時今日有咁既事, 我唔會放過任何人, 包括老師同個男同學。

回答你問題：是的, 我讀小學時老師係會打人的。

Jane1983

我讀小學時，只見過校長用間尺打一個同學。當年校長係好得人尊重的謙謙君子，個同學係好有問題的小朋友，我而家仲記得佢個名

YolandaTam

我老公當年試過俾小學老師扭耳仔至流血，結果99去校長度投訴。呢件係做佢新抱以來聽過佢做得最啱，最有型嘅事。

Charlie妹

little_yolky 發表於 17-11-8 10:24
你當時應該要話俾家長聽, 俾我今時今日有咁既事, 我唔會放過任何人, 包括老師同個男同學。

回答你問題：是 ...

我有話俾媽咪聽，但我當時叫佢唔好同老師講，因為怕老師會嬲我。而家件事對我已無影響，但現在到我女兒開始上小學，(她沒有任何事情發生)，心裡忽然又出現呢件事。

EDMOND888

我記得以前老師會飛粉刷或粉筆去不留心上課的同學，曳的會的去校長室好大力打手拍，因見過一次個男同學俾打手拍，打完個同學個樣好似痛到飛起咁，最記得一次個PE老師代班主任準備放學，人人執書包，但我執書包就俾佢好大力咁拍左頭一下，話我好咁快執好書包放學，好唔鐘意學校咩，果時自己體能差上PE課比較輸蝕，個PE老師只喜歡在運動會攞到獎的同學，對果d同學係兩個様

olivia511

講體罰要提埋幾多年前bor~

我廿五年前既小五、小六, 係仲有間尺打, 不過打黎打去都係嗰幾個~

little_yolky

Charlie妹 發表於 17-11-8 10:42
我有話俾媽咪聽，但我當時叫佢唔好同老師講，因為怕老師會嬲我。而家件事對我已無影響，但現在到我女兒開 ...

即係內心深處對你有影響囉。平時同小朋友傾多D偈, 了解下學校情況。

Jane1983

至於非禮，如果個同學咁離譜，摸你心口和大腿，難得老師發現咗，梗係講出來。你因為怕事，所以話無事，雖然不幸，但亦好難怪老師。另外，指控男仔非禮亦真係好嚴重的指控，唔係講笑的。

去到你女，記住教佢乜嘢係對與錯，要保護自己，點樣stand up for yourself，自信、堅強、據理力爭，呢d唔係驚非禮都有用。

retriever

Jane1983 發表於 17-11-8 10:39
我讀小學時，只見過校長用間尺打一個同學。當年校長係好得人尊重的謙謙君子，個同學係好有問題的小朋友，我 ...

當年。。。

老師係用 米尺 打手板，有約1CM 厚的木尺。

打屁股用兵乓球拍。 好正架，學生可選突膠粒，定反膠粒。

諗起都好回味。。。 呵呵。

little_yolky

Jane1983 發表於 17-11-8 10:48
至於非禮，如果個同學咁離譜，摸你心口和大腿，難得老師發現咗，梗係講出來。你因為怕事，所以話無事，雖然 ...

唔可以怪樓主, 當年佢咁細個, 老師咁惡, 好驚的。佢以為自己做錯事。

Jane1983

回覆 little_yolky 的帖子

唔係怪樓主，只係我小學都有遇過不平事，但即刻縮晒唔係常態，尤其自己完全無錯。

babywoman

我小學，中學都未見過老師打學生。曳同學最多被罰企課室外。

bobbob

retriever 發表於 17-11-8 11:27
當年。。。

老師係用 米尺 打手板，有約1CM 厚的木尺。

乜講到bxsm咁

bobbob

樓主年紀唔細？我記得幾廿年前已經禁咗體罰，而家更加無可能

little_yolky

Jane1983 發表於 17-11-8 12:13
回覆 little_yolky 的帖子

唔係怪樓主，只係我小學都有遇過不平事，但即刻縮晒唔係常態，尤其自己完全無錯 ...

因為係非禮呢D事, 對於女仔嚟講壓力係好大既, 俾人咁兇, 縮都好正常。

Charlie妹

Jane1983 發表於 17-11-8 12:13
回覆 little_yolky 的帖子

唔係怪樓主，只係我小學都有遇過不平事，但即刻縮晒唔係常態，尤其自己完全無錯 ...

因為我媽咪話著泳衣的部分唔掂得，廣告都咁講，咁佢摸我大脾，我當時係覺得自己理虧，加上老師咁惡(我而家覺得佢唔想有咩事要驚動校長)。其實係個別老師問題。

little_yolky

Charlie妹 發表於 17-11-8 12:28
因為我媽咪話著泳衣的部分唔掂得，廣告都咁講，咁佢摸我大脾，我當時係覺得自己理虧，加上老師咁惡(我而家 ...

100%係老師問題。

BTW, 我小朋友件泳衣好似潛水衣咁喎。

Charlie妹

little_yolky 發表於 17-11-8 12:30
100%係老師問題。

BTW, 我小朋友件泳衣好似潛水衣咁喎。

我而家做人媽咪梗係知道點處理啦～
關係年紀問題，打手板係初小嘅事，只記得後來無再打了。

little_yolky

Jane1983 發表於 17-11-8 12:13
回覆 little_yolky 的帖子

唔係怪樓主，只係我小學都有遇過不平事，但即刻縮晒唔係常態，尤其自己完全無錯 ...

你無聽過好多風化案, 女仔唔想報警, 唔想俾人知。依家係宣傳多咗至好咗D。