被學校懷疑過度活躍/專注力不足 - 智能評估

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 智能評估 › 被學校懷疑過度活躍/專注力不足

查看: 5270\|回覆: 7	go 被學校懷疑過度活躍/專注力不足 [複製鏈接]

Miffy_Joey

複式洋房

Rank: 3 Rank: 3


	452

1^#

發表於 17-11-5 00:28 |只看該作者 |倒序瀏覽 |打印

想問下呀仔學校輔導組老師打電話比我2次, 話今年小一的呀仔上堂成日旭身旭世, 已經多次提示, 但沒有改善, 已被安排坐在老師的正前面! 輔導組老師話我仔的雙班主任有多年教小一的經驗, 現在懷疑呀仔專注力有問題, 令佢上堂不停旭! 但另一方面學業成績唔錯, 兩個月內的功課和考試都全部達80分以上, 所以我們一直都冇懷疑仔上堂係冇專注而聽唔到書! 因佢回家後可自行處理當日的功課, 我們亦發現佢係明白當日學習的內容!

其實我自己都覺仔是一直比同齡的小朋友活躍, 鍾意旭身旭世, 坐唔定! 幼稚園老師在佢k2時有提過呀仔是好多小動作, 坐唔定, 仲影埋相比我睇呀仔的情況! 但3年幼稚園的老師同時亦表示呀是聰明, 領悟能力強, 記憶力好好, 情感語言能力強! 所以我們覺得仔冇特別需要, 覺得佢只是比較活潑好動的小朋友!

我想在此請教下各位, 我現在應如何入手? 因小學輔導組主任希望我們跟進一下呀仔的情況, 主任話仔已開始到影響到其他小朋友學習的情況, 主任話1擔心如再遲d跟進會影響呀仔的情緒發展! 同時主任亦話唔排除仔可能係資優! 想問下各位, 如小朋友是過度活躍症/專注力不足的小朋友上學是否會真跟唔到學校學習進到呢? 我們可向咩機構求助? 去確定仔是有專注力不足/過度活躍呢?
謝謝解答

1 0 0 0

返回頂部

roybird

大宅

Rank: 5 Rank: 5


	1222

2^#

發表於 17-11-10 03:00 |只看該作者

回覆樓主：

本帖最後由 roybird 於 17-11-10 03:02 編輯

有ADHD唔一定跟唔到學校進度，除非學校唔比足夠支援。以你咁講，小朋友暫時學習上冇問題，仲有可能double exceptional只係比較好動。但以學校既角度，如果佢影響到周圍既同學，但有需要處理。長遠嚟講，如果小朋友既學校十分傳統好谷既，對仔仔之後既學習可能有影響，因為太一成不變，太靜態，仔仔未必太投入到，如果學習得唔到滿足感，甚至覺得被壓抑，佢既需要得唔到釋放，就有可能出現情緒問題，更難解決。

返回頂部

roybird

大宅

Rank: 5 Rank: 5


	1222

3^#

發表於 17-11-10 03:13 |只看該作者

回覆樓主

首先樓主要明白，每個小朋友性格同學習方法都唔同，有小朋友淨聽書可以學得好，有啲小朋友必須動手做，就算大人都有啲會覺得來回踱步對記憶有幫助。就算真係有特殊需要，例如adhd，都唔一定代表會學得差，或者會麻煩。只需要你同仔仔一齊搵出最適合自己既方法。

至於ADHD,你可以多啲喺屋企留意呢幾點，仔仔平時喐身喐世係有冇pattern? 有冇做野或者工作範圍凌亂冇條理？你同佢講野時，佢會唔會冇心聽你講，甚至會打斷你？有冇容易被四周事物分心？你可以將你既觀察同老師討論。

最後，如果仔仔真係有需要喐動，可以買個fidget spinner 比佢，等佢喐動既需要被釋放，自己冇咁騷擾其他同學，係真係有用，學校既professor 係SEN專家都係咁教我地做。不過要事前同學校溝通，亦要話俾仔仔知呢個唔係普通玩具，以免被同學攞咗嚟玩

返回頂部

Miffy_Joey

複式洋房

Rank: 3 Rank: 3


	452

4^#

發表於 17-11-10 23:58 |只看該作者

roybird 發表於 17-11-10 03:13
首先樓主要明白，每個小朋友性格同學習方法都唔同，有小朋友淨聽書可以學得好，有啲小朋友必須動手做，就算 ...

多謝你的分享!

呀仔郁動似要有節奏, 做功課時枱面是比較亂, 多言, 好喜歡問問題, 問我U型管度點去水? 點解扭旦機的齒輪, 同車的motor 咁似但扭旦機唔會自動旭? 喜歡打斷別人的話, 冇耐性, 好急, 一諗到就要問/做... 一咪衝衝衝(emoji)

返回頂部

roybird

大宅

Rank: 5 Rank: 5


	1222

5^#

發表於 17-11-11 00:12 |只看該作者

Miffy_Joey 發表於 17-11-10 23:58
多謝你的分享!

呀仔郁動似要有節奏, 做功課時枱面是比較亂, 多言, 好喜歡問問題, 問我U型管度點去水? 點 ...

本帖最後由 roybird 於 17-11-11 00:13 編輯

睇嚟做吓評估都係一個選擇，雖然知既唔多，但你講既都有ADHD/資優既traits, 唔影響學習當然冇問題，但喺制度下就要去解決，發現咗真係有需要的話，學校先有原因幫手，如果唔係只能被迫將你仔仔shape到佢地覺得係”好學生”既模樣。
之前講既fidget spinner, 用to-do list同唔同folder 分類文件，如果佢太衝動可以教佢調節呼吸，同比仔仔多啲自主既探索，相信對佢都會有幫助，都可以多啲同佢從其他人既角度諗，訓練同理心

返回頂部

taviatsui