求請教

cklaam

我仔仔19個月大，健康院轉介了去尤德做評，今天我第一次去尤德見姑娘，姑娘聽左我仔仔的情況，建議我私人出去做左評估先，可以盡快幫到仔仔排訓練，因她認為我仔仔情況都算嚴重，另外尤德果邊都會開會幫我排快期做評估，但都要等大半年至1年。我剛打去耀x問，評估現要排到出年4月，請問仲可起邊度找兒科醫生做評估？定還是等政府？

KCHK

可以找兒童心理學家做或找精神科醫生做評估， 不過兩者都唔平， 記得問份report 要幾耐先出到。

fandd

回覆 cklaam 的帖子

STEP or LINKS 都可以!

最近有朋友到STEP做評估,約等一星期後便可做,約$8500.

MiraLeung

cklaam 發表於 17-10-31 16:58
我仔仔19個月大，健康院轉介了去尤德做評，今天我第一次去尤德見姑娘，姑娘聽左我仔仔的情況，建議我私人出 ...

我仔都係19m，我都係早兩星期去左尤德見姑娘，姑娘話要排1年，下年10月先會打俾我，但又冇叫我去私人度做評估
上星期喺協康幫阿仔做感統評估，佢全程都係喊，咩都唔做到，個治療師都話我仔咁樣就算去做私人評估都冇咩結果，唯有等佢大啲情緒穩定啲冇咁抗拒陌生人先

lobb2015

MiraLeung 發表於 17-11-1 14:28
本帖最後由 MiraLeung 於 17-11-1 14:56 編輯

我仔都係19m，我都係早兩星期去左尤德見姑娘，姑娘話要排 ...

就好似招聘廣告話要請有工作經驗嘅人，但冇嘢做嘅人又點會有工作經驗呢？

雖然話啲仔大大吓會喊少啲，但係始終都要開始訓練㗎嘛！

咁你仔喊，評估唔到，即係有冇開 course? 如果冇，你多啲帶你仔去遊樂場，波波池，沙灘，草地，自己訓練吓先。

lobb2015

MiraLeung 發表於 17-11-1 14:28
本帖最後由 MiraLeung 於 17-11-1 14:56 編輯

我仔都係19m，我都係早兩星期去左尤德見姑娘，姑娘話要排 ...

就好似招聘廣告話要請有工作經驗嘅人，但冇嘢做嘅人又點會有工作經驗呢？

雖然話啲仔大大吓會喊少啲，但係始終都要開始訓練㗎嘛！

咁你仔喊，評估唔到，即係有冇開 course? 如果冇，你多啲帶你仔去遊樂場，波波池，沙灘，草地，自己訓練吓先。

MiraLeung

lobb2015 發表於 17-11-2 09:58
就好似招聘廣告話要請有工作經驗嘅人，但冇嘢做嘅人又點會有工作經驗呢？

雖然話啲仔大大吓會喊少啲，但 ...

冇開course啊，我仔一日到黑都扭去街，但又唔肯落地，一味要揹。我日日帶佢去遊樂場同遊戲室，見其他小朋友玩得好開心佢都唔肯落地，去10次可能得一兩次肯落，玩一陣又叫揹，唔揹就喪喊。勁抗拒陌生人，玩得好地地有陌生人過黎講兩句，佢就即刻要抱要揹。湊到我都好氣餒，係咪要睇精神科?

lobb2015

MiraLeung 發表於 17-11-2 11:42
冇開course啊，我仔一日到黑都扭去街，但又唔肯落地，一味要揹。我日日帶佢去遊樂場同遊戲室，見其他小朋 ...

我未睇精神科。因為懶惰啫。咁細個，醫生唔會開藥。睇都冇用。如果有錯請指教。

另外，係睇你資源如何。有錢嘅話，想睇咪睇囉。

關於帶阿仔玩，我自己就好落力嘅。要講到好好玩呀，用扮可愛嘅聲講呀咁。要自己都好雀躍呀，自己走埋一份，跳嚟跳去咁。我可以攪到阿仔由唔想玩變好好玩。但都好累㗎。我老公做成日睇住我做，但佢都學唔到。

MiraLeung

lobb2015 發表於 17-11-2 13:01
我未睇精神科。因為懶惰啫。咁細個，醫生唔會開藥。睇都冇用。如果有錯請指教。

另外，係睇你資源如何。 ...

我仔係直頭唔肯落地，放佢落地就抱住我對腳喪喊一味叫要咩咩(揹)