中文學習：我女兒的文章解開了我多年來的謎團

2jkidsfather

李大人 發表於 18-3-17 22:35
康熙皇帝母語滿文滿語，亦係用北京話學漢文，難道今天現代人會質疑康熙皇帝漢文能力？馬來西亞華人，母語多 ...

你列舉的例子並不恰當。 康熙說滿語， 是用在滿文系統， 固然不能利用滿語學習中文。 如果你懂得客家話， 不妨試用客家話讀出我這段文字， 我保證你不能跟足每個字讀出來。 但你用粵語或普通話也能讀得出這段文字。
試想，你絕對不能用粵語或普通話來說出英文來， 這樣說明什麼呢？
再舉一個例子。如果日本是全世界最強的國家， 每個人一窩蜂想去學日文，首先第一件事就是要學懂說日語，不會有人說用粵語(香港人母語)或普通話去學日文的。

其實，利用粵語或普通話學習中文，是能夠達到一樣的效果，絕不會出現利用普通話學中文會比較優勝這一回事。如果不是政治考慮(你想想，為什麼康熙會用北京話學中文？)， 根本無需要用普通話去學習中文。

為什麼在香港用普通話 學中文， 並沒有達到教育局或政治人物預期的效果呢？為什麼那麼多爭拗呢？
就是因為用粵語學習中文，是不遑多讓，效果更加比較好。

因為在香港，母語就是粵語。

整番句粵語口頭話做結尾:
一句講曬，在香港，學中文，用粵語。
學普通話，去普通話班上堂。
想中文好， 多讀多寫。
搞掂!

2jkidsfather

李大人 發表於 18-3-20 10:48
你的舉例完全錯誤，滿族文化生活在大草原，又㸃可用滿文學習漢文化，並不是甚麼考慮，廣東話本身來自廣州附 ...

你用唱廣東歌作例子係無意思， 填詞人無話過要出一篇上等中文作品，反而佢哋係走地道通俗路線。

至於閔南話，from wiki:

「...1945年台灣戰後時期，國民政府開始在台灣推行國語教育。因此，1945年之後，台灣才是真正全面開始學習國語。戒嚴時期，民辦學校的閩南語教育一度終止，而官辦國民學校則全面採用國語教學，沒有教授閩南語，甚至是在校園內進行「少講方言」的教育政策。在「講台灣國語（台語式國語）會被嘲笑」，「同學講台灣話要罰款或帶狗牌當眾羞辱」的大環境下，社會上還曾出現過歧視講台語的現象。因此，許多熱衷於保護母語文化的知識分子及社會精英對當時的教育語言政策極為不滿。...」

算唔算政治因素呢?

可能你理解嘅「中文」，同我理解嘅「中文」 唔係同一樣嘢。
你將中文同普通話用「等號」連上咗。

個人取態，任君選擇。
所持理據，不敢苟同。

2jkidsfather

2jkidsfather 發表於 18-3-20 11:27
你用唱廣東歌作例子係無意思， 填詞人無話過要出一篇上等中文作品，反而佢哋係走地道通俗路線。

至於閔南 ...

補充: 中文好唔好，係同閱讀及寫作有關， 唔係因你講普通話！

judy

如果乜都扯上政治，就很難溝通，學語言本身要同該國最多人明為上策，聽説讀寫亦一樣，如作家作一篇文章，用的語句，只有小部份人明，會造成詞不達意現象，這篇文章會變成方言文，例如作者用客家話語句，就只有客家人明，不要固步自封吧～

中文是我手寫我心，不是我手寫我口。香港地，不懂普通話的人很多，但佢地冩出來的不會成為"方言文"。

中文之美在於每個字都有其意義，除非刻意我手寫我口，不重視字義詞義，才會變方言文。

2jkidsfather

李大人 發表於 18-3-20 11:51
如果乜都扯上政治，就很難溝通，學語言本身要同該國最多人明為上策，聽説讀寫亦一樣，如作家作一篇文章，用 ...

你以上所講的，同「中文」有關嗎？

我無抗拒普通話，我係抗拒用普通話學中文!
中文好唔好，係同閱讀及寫作有關，唔係因你講普通話!

如果不扯上政治，教育局便無須叫學校推行普通話學中文嘛！

留言在此，並不是想改變你的看法，是想讓其他人明白：

想中文好，多讀多寫。
學普通話，去普通話班上堂。

用普通話學好中文，係無必然關係。

剛看了新聞，「...中國XXXX領導是中國XXXX主義最本質的特徵...」這樣的中文是用普通話學中文的人寫的。真的是「好」中文嗎？

2jkidsfather

李大人 發表於 18-3-20 13:12
舉例，香港中小學生作文，甚至廣東話書本，時常用上爸爸叫，媽媽叫，弟弟叫，哥哥叫，狗叫，貓叫，猩猩叫 ...

其實呢個唔係一個「絕對」是非題。你最多可以話咁嘅中文唔靚唔標準。
咪解釋畀學生聽點樣先係書面語囉。使唔使丟棄咗廣東話母語， 走去學第二個語言呀？

MrBeast

李大人 發表於 18-3-20 13:12
舉例，香港中小學生作文，甚至廣東話書本，時常用上爸爸叫，媽媽叫，弟弟叫，哥哥叫，狗叫，貓叫，猩猩叫 ...

我地口同鼻ow冇用，其實香港正苦有做普教中的研究，有本事你可攞來看，攞唔到就諗下點解。
有冇諗過好多好多年前中國人都是用粵語，點解又可以作好多好詩？

judy

舉例，香港中小學生作文，甚至廣東話書本，時常用上爸爸叫，媽媽叫，弟弟叫，哥哥叫，狗叫，貓叫，猩猩叫，世上只有動物用叫作為溝通，犯左語句病，就係用廣東話學中文口語化後果

用普通話我手寫我口的文章，也是"方言文"。

judy

港府己証明了用普通話教中文，不會提高中文水平。

用普通話學中文，頂多是能自然地把"巴士"說成"公共汽車"而己。

幾千年來，外江佬也好、福建人也好、廣東人也好，甚至韓國人、越南人，吱吱喳喳，未聽過嘅，你根本就唔知佢講咩，但佢地一樣寫得出規範中文。

有人研究過，幾千年來，中國各地方言異，但仍能統一，而不是歐州的四分五裂，最主要原因，就是大家都用規範中文。

judy

上堂上課無分别。
係返學唔係番學。

little_yolky

judy 發表於 18-3-20 14:36
港府己証明了用普通話教中文，不會提高中文水平。

用普通話學中文，頂多是能自然地把"巴士"說成"公共汽車" ...

所以秦始皇對中國後世既長期統一, 做出咗好大既貢獻。

judy

康有為、梁啟超，孫中山，佢地何曾用普通話學中文，佢地寫唔寫得出中文？

蒋介石、毛澤東、林彪的普通話難聽到死，一個領導中國打敗日本仔、一個係開國元首、一個打下半壁江山。

識唔識普通話、普通話準唔準，和學中文、和學生能力根本無關係。

judy

所以秦始皇對中國後世既長期統一, 做出咗好大既貢獻。

所以某啲人想將普通話當成規範中文，根本就係唔識嘢！

MrBeast

李大人 發表於 18-3-20 14:07
唐詩係用客家話，粵語㸃樣形成，唔該讀下歷史～呵呵

真是第一次聽wor，你會唔會好似侵侵咁吹得就吹架？

MrBeast

李大人 發表於 18-3-20 14:07
唐詩係用客家話，粵語㸃樣形成，唔該讀下歷史～呵呵

話時話我都想聽下客家話唸唐詩會係點樣樣 ，壓唔壓won