物理治療 or 脊醫

Terencema7

文仔媽 發表於 17-10-26 17:01
朋友兒子今年F6， 成績應該可以考獲理工大學三寶（物理治療，職業治療， 放射治療）
但家人希望他爭取赴英 ...

讀完物理治療，拎左物理治療師資格先，物理治療師係傳統西醫體系，一定有工做，同埋私人執業都可以，加埋保險認受。

香港和英國物理治療師培訓仲係學士，英國仲係3年制，非常抵讀，而脊醫多數都碩士以上，所以讀左物理治療學學士先會合理d.

我會建議讀左物理治療，做左物理治療師，立即過澳洲麥覺理大學或Bond U, 讀脊醫碩士，因為應該兩三年搞掂，或過美國讀脊醫博士，應該4年左右，返黎就物理治療師加脊醫加埋有博士同醫生稱謂。

返黎可以開診所，收到專科醫生診金價錢。

另一考慮，係理大讀完物理治療，立即apply 澳洲技術移民（如冇外國護照），之後用公民身份讀脊醫，4年後物理治療師，脊醫加澳洲護照。

Terencema7

文仔媽 發表於 17-10-26 17:01
朋友兒子今年F6， 成績應該可以考獲理工大學三寶（物理治療，職業治療， 放射治療）
但家人希望他爭取赴英 ...

不過如果有脊醫學會全數獎學金，可選擇去英國AECC 讀左5年脊醫課程先，讀完都係23歲，再係英國報兩年制物理治療碩士，攞埋英國註冊都係25歲，返黎做打工5年物理治療師，儲d 錢，30歲開脊醫加物理治療診所，開展事業。

加埋黎緊脊醫可能係香港有課程，同埋理大東華學院都極需要物理治療教員，可選擇讀埋PhD，進身教研行列，又係一條出路。

Terencema7

chocolatebean 發表於 17-11-14 11:31
你好PROF, 有晒多年PLAN 比樓主考慮

起碼Chiropractor 係香港攞到醫生稱謂，物理治療師係香港不能直接睇病人，要西醫轉介，此舉香港西醫係利益下必定極力反對物理治療師直接睇病人。

而脊醫可以直接睇病人，生意角度同社會地位上，脊醫係香港必然社會地位較高。

Terencema7

文仔媽 發表於 17-11-20 22:21
感謝你的指引，很有用！現在清晰好多了！

不用客氣，醫療專業方面可以隨時問我，我非常熟悉。

Terencema7

文仔媽 發表於 17-11-22 20:15
太好了，我遇到熱心的專業人士！再次請教，兒子就讀Phy Chem,Bio M2, 理工的物理治療DSE 要幾分才能入到呢 ...

理工今年DSE 最低果個都29，31會比較穩陣，而IB 成績最低39。

放射治療師/放射技師人工係公私醫院應該相同，物理治療師比較多工作地方，例如私人執業等等，不過兩者都可取。

Terencema7

文仔媽 發表於 17-11-22 20:15
太好了，我遇到熱心的專業人士！再次請教，兒子就讀Phy Chem,Bio M2, 理工的物理治療DSE 要幾分才能入到呢 ...

計分上，生物會有優勢。

面試時，可表現對物理治療係香港發展o既抱負同埋睇法，要表現對行業熱心，話自己做過病人或家人試過物理治療呢d 就比較行貨。

如果有運動員底會比較有著數，同學要有獨立和成熟特質。

Terencema7

brother4 發表於 17-11-22 21:16
英國讀物理冶療要面對病人不同英語發音，一般點克服／聽明白？

一般都可以，現在有大量港人子女於英國大學修讀物理治療，聽講有一間二線有1/6是香港人，將會回港執業。

但留意，由於兩地文化不同，英國比較優閒，節奏慢，唔同香港QEH, 所以留英治療師回港要適應。

Terencema7

jessimm 發表於 17-11-23 10:37
認識有子女於英國大學修讀物理治療: 一個留英執業, 一個回港入HA, 一個正在讀Yr2
...

回港要有適應期，因為文化不，香港學生係木人行出黎，一畢業基本上可以立即做到骨科，神經科，胸肺科，但由於英國實習時，不會太密集睇病人，所以返港後一開工同本地畢業生會有點分別。

DSE best 5, 有30分可博

Terencema7

iloveo 發表於 17-12-8 11:00
我想知脊醫在香港是否正識醫生?可發病假纸或保險受嗎?

脊醫 Chiropractor 係西方國家中文翻譯名或英漢字典解釋會是“脊椎指壓治療師”，係其中一個醫療專業，但非西醫醫療體系一員。

香港很特別，Chiropractor 有註冊，中文被稱為“脊骨神經科醫生” ，但他們不是西醫，所以係醫院管理局係冇脊醫呢個職位，所以香港脊醫都是私人執業。

香港脊醫係立法會投票，係投衞生服務界，即護士和其他專職醫療界別，不是西醫和牙醫的醫學界。脊醫不是西醫，中醫和牙醫，所以不能開勞工處認可病假證明書。

脊醫不是西醫，所以不能開處方藥物和做手術。部分保險公司認可脊醫服務，可以保險賠償，通常跟物理治療同一個範疇，有部分需要西醫轉介，才可賠償。

Terencema7

補充，香港暫時有200多位脊醫，其實都仲好有市場，因為脊醫當自己專科西醫咁收費，起錶可能都8舊水，一日10個症都$8000，所以吸金力都強。

但注意，脊醫會有兩個困局:

1. 不能開正規病假

2. 保險未必全部Cover

3. 病人很痛時，不能用藥和針，去到好嚴重情況例如骨折，需要做手術時，都沒有其角色，因為需要真正西醫專科醫生：骨科專科醫生

Terencema7

MICMATL 發表於 17-12-23 10:23
回覆 Terencema7 的帖子

想讀物理治療， 香港POLY機會很微， 請問英國或澳洲， 邊間U最好又收海外生？

大部分英國同澳洲物理治療學學位都可以於香港直接註冊，無需於香港實習，免執業試，但如於台灣大學物理治療畢業則需要考執業試。

英國物理治療，較出名大學有Keele U, Birmingham, Manchester....等

澳洲就 Curtin....U melb...UQ...等等

不過邊間都冇所謂，攞到牌 就得，入讀前打去問一問香港物理治療師管理委員會該課程是否可以點港直接註冊，香港政府冇公開海外邊間大學唔使考執業試，不過大部分英澳美都不用考。

Anyway, 如果等到，2018年東華學院應該會開物理治療學，而公開大學都會開辦費佢地個醫療學院已經動工。

Terencema7

DKmum 發表於 17-12-24 21:33
我女現在英國讀中學，有興趣以non jupas申請理大物理治療, 去過入學講座，佢哋並沒有透露A level 收生條件 ...

讀Bio 會有著數，理大會計多d 比重，對學生都係好，有Bio 底子，到Year one 讀生理學非常有用，可以話你聽year one 生理學可以唔使溫習都可以坐B 望A, 另外，教職員必會選擇有生物底學生，起碼易上手，易教。

Non jupas, IB 收39分起，GCEAL 就唔多清楚的。

Terencema7

DKmum 發表於 17-12-24 21:33
我女現在英國讀中學，有興趣以non jupas申請理大物理治療, 去過入學講座，佢哋並沒有透露A level 收生條件 ...

如果等到，2018年9月東華學院會開物理治療，呢個課程肯定可以係香港註冊。我估黎緊年頭招生

Terencema7

jessimm 發表於 17-12-23 11:03
英國: Birmingham, bradford, UEA, Keele, Conventry. 現時在港HA placement有少少難, 可能要找private cl ...

係香港HA 實習應該係冇可能，有香港院校想用offsore programme 形式開辦英國大學物理治療課程，想在港上課，在HA 實習，但都傾唔掂。
重有點解係英國大學讀要返黎香港實習呢？根本冇呢個需要，英國當地大學只會認可當地醫院實習經驗，HA 冇義務協助。如果英國物理治療學生想係暑假期間attach 香港物理治療服務，可直接聯絡香港私人物理治療所，有時可能可以請你做短期物理治療助理。

Terencema7

DKmum 發表於 17-12-24 21:33
我女現在英國讀中學，有興趣以non jupas申請理大物理治療, 去過入學講座，佢哋並沒有透露A level 收生條件 ...

物理治療師唔使物理叻，當然亦不能差，因為當中會運用物理學原理儀器，和研究人體力學。
但始終都係醫人工作，生物會重要一點。

物理和生物，當然係選擇生物，以往HKAL, 好多物理治療學生A level 一係收Phy Chem Bio 3個A level, 呢班多數係想入Med, 另一班係Bio Chem 兩個AL, 加Math and Stat AS.

Terencema7

jessimm 發表於 17-12-25 00:12
我識兩位英個留學生曾經在HA 做placement. 呢個係elective placement. 點解要選撰番香港HA做placement, 可 ...

oic...可能會Oversea placement, PolyU 個物理治療診所都會收。

不過海外物理治療畢業生要留意，由於文化差異，加上香港課程和實習比較intensive, 所以海外畢業生回流本港入醫管局，會有適應期，畢業生應虛心學習和工作，因在職同事會用同一把尺去量度新同事。
但又咁講，海外畢業生亦未必志在醫管局，私人市場可能發展更吸引。

Terencema7

kenchtam 發表於 18-3-6 23:40
回覆 Terencema7 的帖子

請問英國哪間二線大學？可否PM 我？謝謝！

Anyway, 東華學院9月會開物理治療課程

Terencema7

iloveo 發表於 18-4-2 07:54
想再問下，去英國讀脊醫回來的前途比去其他國家讀，是否一樣？因英國得三間U 有得讀。但两間無ranking。另 ...

其實脊醫學院一般排名唔會高，因為多數只單一有脊醫課程，最出名會係澳洲麥覺理大學。
同物理治療一樣，目標只求車牌，李健定駕駛學院，冇所謂。

Terencema7

wyl 發表於 18-6-23 15:16
請問東華個物理治療課程仲未有牌，讀唔讀得過呢？會唔會讀完執唔到業？學費都要每年10萬，會唔會好冒險？ ...

一定攞到牌，放心

Terencema7

wyl 發表於 18-6-23 15:16
請問東華個物理治療課程仲未有牌，讀唔讀得過呢？會唔會讀完執唔到業？學費都要每年10萬，會唔會好冒險？ ...

政府想做多d 物理治療師，東華舉手，佢極度歡迎，東華呢個團體咁歷史悠久，我唔信唔比佢過