收全reject但永不言敗 再接再厲 揮手區

vipwing02

暫時公佈兩間，全reject
預咗全炒粉麵飯

szeman1019

全reject 揮手

sangria

Beautypeople 發表於 17-10-21 02:43
到！報6間已收四間rejected，一間等結果，一間聽日in，不過心已灰唔去了！寧願呢聽日盡情去玩好過～ 呢幾個 ...

叻！！！

栗子媽

大家加油呀，唔好懷疑小朋友能力，競爭太大，而且好多家長同小朋友係一開始就為呢個遊做準備，所以點都有啲差別，我前面留言都講咗暫時無offer，不過唔緊要，我都好開心小朋友喺連串面試中係成長咗，大膽咗，進步咗，呢樣嘢係我最欣慰嘅

我都同小朋友講依家入唔到呢幾間學校都唔緊要，因為好多小朋友一齊面試，一定有其他小朋友比我哋做得好，老師會揀出一啲最啱嘅學生去讀，面試時盡力做就足夠，我哋一定有書讀，只要入到去嘅間間都係好學校，只要我哋比心機做好嚟，邊間學校嘅老師同學都一樣咁好。

雖然小朋友似明似唔明，但我同爸爸都咁同佢講，希望鼓勵佢，同時亦令佢知道一時嘅得失唔係最重要，最重要係自己努力過盡力過，所以各位家長都唔好灰心，小朋友嘅能力比我哋想像中強㗎，唔好因一時挫折而打沉自己同小朋友嘅信心，大家一齊加油。

Cherrycho

栗子媽 發表於 17-10-21 09:57
大家加油呀，唔好懷疑小朋友能力，競爭太大，而且好多家長同小朋友係一開始就為呢個遊做準備，所以點都有啲 ...

講得好好，can’t agree more
祝大家找到合適小朋友的學校

nelsonyp

baby2012me 發表於 17-10-21 09:13
看完晒大家留言好有同感
我又係要揮手，0 offer
每次來到interview都好深感受，見到佢地要早起身，馬上進入 ...

係， 不斷反省。。。 係咪我做得唔夠好？ 唔谷係咪真係錯？

Wong2013

請問大家有冇同小朋友講面試結果?
如果小朋友問你地會點答?

栗子媽

Wong2013 發表於 17-10-21 11:17
請問大家有冇同小朋友講面試結果?
如果小朋友問你地會點答?

佢知道我睇2nd in名單有問，兩間我都照直同佢講入唔到第二次面試，但都同佢講唔緊要，只要我哋盡力做，一次比一次做得更好已經好好，叫佢唔使介意嘅。

scytsin

每次聽小朋友面試完出黎講返個情況我都覺得好失望，因為小朋友表現唔到，做唔到我叫佢做既野，明明係屋企畫畫講故事好地地，一面試乜都唔記得

我又控制唔到自己情緒，搞到大家都唔開心

我真係唔想再玩呢個遊戲，呢個遊戲令我不斷懷疑小朋友能力

BB_dragon_2012

nelsonyp 發表於 17-10-21 11:11
係， 不斷反省。。。 係咪我做得唔夠好？ 唔谷係咪真係錯？

好有同感!

JKR

首先，直私面試要講天時地利人和，面試時間只為十幾分鐘至一小時，老師好難睇清楚每個小朋友特質，所以有無second in ,有無offer,真係未必同小朋友能力有關。況且今年龍年係出生率最高峰，間間都3000-8000人報名，而位只有百幾二百個，成功率咁低，唔成功係好正常的。

個人建議，面試後無需要同小朋友講結果，就算有offer（除了最心儀一定會讀的），無需要同小朋友講，如果小朋友問起就話未有結果，要遲啲先知。因為講咗第一個結果，小朋友就會再追問其它結果。4-5歲小朋友無必要承受呢啲無謂壓力，亦唔好因為面試結果而影響小朋友自信以及親子關係。家長知道結果後幾唔開心都要係踏入門口後收起負面情緒。

正面來睇，參加面試也會有得著。很多學校都重視小朋友禮貌，喜歡小朋友有閱讀習慣，有良好表達能力（看圖說故事），係準備面試期間唔多唔少都會幫小朋友係呢幾方面準備下，如果能夠持續下去，小朋友一生受益。

考直私小一只為小朋友讀書生涯的開始，條條大路通羅馬，其實好多官津都係好學校，唔係直私先係好學校。名氣高的學校未必係最適合小朋友的學校。沒有最好只有最適合。呢段時間可以開始了解唔同的官津，著手準備大抽獎以及叩門。

而家只係十月，距離下年小一開學仲有10個月，家長不如係呢段時間多和小朋友陪讀，培養小朋友閱讀興趣，多做生活常識介紹，例如超市購物，公共交通系統，多帶小朋友去科學館太空館郊野公園，呢啲既可以幫助小朋友適應下年升上小一，也可以增強親子關係。

大家加油！最緊要唔好同人比較，每個小朋友都係獨一無二，都是最好的！

栗子媽

scytsin 發表於 17-10-21 12:43
每次聽小朋友面試完出黎講返個情況我都覺得好失望，因為小朋友表現唔到，做唔到我叫佢做既野，明明係屋企畫 ...

家長唔好氣餒呀，唔好俾咁大壓力自己同小朋友，每個人特質唔同，性格好多都係天生帶嚟嘅，有時都勉強唔嚟。

相信大部分小朋友面試嘅臨場發揮都唔夠平時好，始終得5歲人仔，要面對所有陌生嘅人與事已經唔容易，仲要回答各式問題同考驗，對好多成年人都有壓力同緊張，何況係一個5歲嘅小朋友。

明白家長做咗好多準備功夫，知道小朋友發揮唔好，係會有啲失望，但唔好怪責小朋友，佢哋已經好叻叻喇，家長同小朋友都要調節吓心態，依家只係啱啱開始，將來仲有好長路要行，唔好因為呢件事情影響自己同小朋友嘅關係同情緒

Sarahroman

nelsonyp 發表於 17-10-21 11:11
係， 不斷反省。。。 係咪我做得唔夠好？ 唔谷係咪真係錯？

谷唔一定好 揾到適合小朋友學習既方法就可以的了 不要灰心

Sarahroman

scytsin 發表於 17-10-21 12:43
每次聽小朋友面試完出黎講返個情況我都覺得好失望，因為小朋友表現唔到，做唔到我叫佢做既野，明明係屋企畫 ...

放鬆d 我同仔仔面試完都有問仔仔面試既野但佢話唔識講番比我聽做左咩 所以我之後都無迫佢 結果佢都入到2nd in 所以相信自己小朋友 大家輕鬆去嘗試就可以的了

W_cindy

雖然明知競爭激烈，但當收到的reject越來越多會覺得非常沮喪，自己很失敗⋯⋯

Yvonne203

W_cindy 發表於 17-10-21 16:04
雖然明知競爭激烈，但當收到的reject越來越多會覺得非常沮喪，自己很失敗⋯⋯
...

有同感！

nelsonyp

W_cindy 發表於 17-10-21 16:04
雖然明知競爭激烈，但當收到的reject越來越多會覺得非常沮喪，自己很失敗⋯⋯
...

一間都無嘅感覺真係好差。。。

etang1222

上年同今年係最艱難㗎，應該係“前無古人，後無來者”。面試競爭激烈的苦況，相信只有我地自己知。過幾年同人講返，人地都唔會明。
距離明年9月還有10個月，大家加油，千萬不要放棄。希望在明天。
不如樓主在標題加埋“正能量放送區”，我地互相勉勵，一齊繼續努力。
P.S., 我今年都要報小一，宜家都未有offer
大家加油，不要放棄。

taitaimama

兩年前的虎年，我幫大仔報了12間直私，真係無任何一間直私offer。無辦法等大抽獎，好唔好彩派到間借位俾我區嘅津校，咁都無辦法啦，咪叩門囉，所以我們又報了差不多10間去叩，都叩唔到！老實說叩門仲難，每間學校每班有2個叩門位，就算學校大有4班即係得8個位，津官學校在這階段一定會收最好的學生，所以很多做卷，我個仔都是全軍覆沒！
再冇辦法，叩唔到都要讀，一路讀一路叩，連老公都驚咗死谷大仔入咗現校的精英班，我們只是希望大仔能考回自己果區，於是一年級下學期又再插班，諗住現校頭20名為應該跳得出掛，誰知道熱校（注意不是神校）同一般學校的學術的差別那麼大嗎？他仍然是全rejected ⋯⋯
我從不懷疑自己孩子的智能，亦不是好灰心，但現實是這個競爭由大仔延伸到依家，今年仲加埋細仔，真的少d自己調節都會瘋！但我也相信總有條路是我們的小孩都可以走的，只要有堅強、不放棄、正面的家長去支持和引領他們！