有沒有小朋友是妥瑞症兒童

bowiekashu

大家好，我小朋友今年6歲，剛剛升上小一，近呢3個星期我發現佢成日控制唔到自己咁扭頸斬眼，近日連聲音都開始出埋，上網搵過資料，發現好多症狀都同妥瑞症好相似，我地已經睇過家庭醫生，眼科醫生同腦科醫生，都話唔覺得身體上有問題，我地好擔心，但上網搵到呢個症嘅資訊唔算好多，有冇人嘅小朋友或自己曾經或現在係叫個症嘅患者？可否分享一下資訊？因為我同我先生都好驚好擔心，搵唔到任何醫院或醫生可以幫到我，每一日我都食唔安坐唔樂，每日自己獨自以淚洗面。希望有同樣情況嘅人可以給予我一點支持及資訊，感激(emoji)(emoji)

寶貝兒媽咪

八月份，我都發現我個仔有發出怪聲嘅情況，不過並沒有特別動作，我都懷疑係妥瑞症，於是搵咗兒科醫生，腦電圖、磁力共振都做埋，冇事，不過都係懷疑，暫時對日常生活並沒有太大影響

bowiekashu

寶貝兒媽咪 發表於 17-10-21 23:04
八月份，我都發現我個仔有發出怪聲嘅情況，不過並沒有特別動作，我都懷疑係妥瑞症，於是搵咗兒科醫生，腦電 ...

你仔仔幾歲？目前情況如何？

寶貝兒媽咪

bowiekashu 發表於 17-10-21 23:24
你仔仔幾歲？目前情況如何？

我小朋友六歲，初期發聲較多，我上網見有時可能源於壓力，我盡量少給予壓力，多些鼓勵，兒科醫生説不要太著意佢嘅聲音及動作，佢放鬆了，自己慢慢會好轉，現在我覺得他的聲音少了，應該有好轉，下星期去覆診，再看看醫生點講

bowiekashu

寶貝兒媽咪 發表於 17-10-22 15:53
我小朋友六歲，初期發聲較多，我上網見有時可能源於壓力，我盡量少給予壓力，多些鼓勵，兒科醫生説不要太 ...

請問你睇邊位醫生？政府醫院有睇嗎？聽講睇中醫都得，我仔發生左3個星期左右，依家我地book左林中健醫生11月初睇，另book左24號睇中醫

寶貝兒媽咪

bowiekashu 發表於 17-10-22 17:08
請問你睇邊位醫生？政府醫院有睇嗎？聽講睇中醫都得，我仔發生左3個星期左右，依家我地book左林中健醫生11 ...

我睇楊澤銘醫生，因為小兒情況好輕微，冇睇政府，亦冇睇中醫

bowiekashu

寶貝兒媽咪 發表於 17-10-22 17:53
我睇楊澤銘醫生，因為小兒情況好輕微，冇睇政府，亦冇睇中醫

你仔仔是否剛升上小一？係因為唔適應而產生壓力嗎？

寶貝兒媽咪

bowiekashu 發表於 17-10-22 17:57
你仔仔是否剛升上小一？係因為唔適應而產生壓力嗎？

他剛升上小一，未開始上學前曾經說過驚上小學，而我亦冇意間俾咗壓力佢，當發現佢開始有此症狀才醒覺，於是於學業上並沒有再給予壓力，只會盡量鼓勵佢，當見他功課上懶懶閒時，就交托給丈夫處理，自己入房冷靜一下，以免自己會責罵他以至做成壓力

Takhangyan

bowiekashu 發表於 17-10-19 06:09
大家好，我小朋友今年6歲，剛剛升上小一，近呢3個星期我發現佢成日控制唔到自己咁扭頸斬眼，近日連聲音都開 ...

妥瑞症應該睇精神科
未有這些症狀時 小朋友情緒上有冇其他問題？

bowiekashu

Takhangyan 發表於 17-10-22 21:33
妥瑞症應該睇精神科
未有這些症狀時 小朋友情緒上有冇其他問題？

有時都會發下脾氣，但發生左今次呢啲情況後我地先知原來佢好收埋自己

LeeCC

朋友兒子有妥瑞症，看丁錫全醫生，丁醫生本人都是患者

gylbaby

LeeCC 發表於 17-10-25 21:07
朋友兒子有妥瑞症，看丁錫全醫生，丁醫生本人都是患者

我囝有動作型抽動症狀，我都系睇丁鍚全。我都懷疑丁醫生系患者（我見佢成日眨眼）。丁醫生話咁細個吾會食藥，除非症狀好影響生活，否則都吾洗理佢，咖啡因吾好掂，會加重抽動。

bowiekashu

gylbaby 發表於 17-10-26 09:19
我囝有動作型抽動症狀，我都系睇丁鍚全。我都懷疑丁醫生系患者（我見佢成日眨眼）。丁醫生話咁細個吾會食 ...

我仔早幾日都係睇丁醫生，因為聽講佢好多呢方面經驗而且自己都係患者，睇完醫生話我仔係抽動症，但只係好輕微，叫我唔駛擔心，話9成嘅人會三幾個月內無事，話唔係妥瑞，叫我地唔好比佢食／飲有咖啡因嘅野就ok，唔駛食藥，因為佢同我分享左好多經驗，聽完佢講之後我個心都定啲

ling_WY

回覆 bigboyenzo 的帖子

請加我入group。謝謝!!

day_bo

bowiekashu 發表於 17-10-27 11:12
我仔早幾日都係睇丁醫生，因為聽講佢好多呢方面經驗而且自己都係患者，睇完醫生話我仔係抽動症，但只係好 ...

請問見醫生時，醫生會父母和小朋友分開見，還是父母和小朋友一齊在場傾？

day_bo

bowiekashu 發表於 17-10-27 11:12
我仔早幾日都係睇丁醫生，因為聽講佢好多呢方面經驗而且自己都係患者，睇完醫生話我仔係抽動症，但只係好 ...

請問你囝現在好番D未?
丁醫生睇一次大約幾多錢? 是否每分鐘計?
我仔上月開始有抽動問題...好擔心...