被勸退

kycada

兒子差不多4歲，確診自閉症，排緊E加S，在主流幼稚園K1(細仔做大B),一星期上緊3堂私人訓練，上左3個月左右，幼稚園勸退我，話兒子不適合在這幼稚園上，叫我去找happy school ！好失望，好唔開心！開學才一個月，覺得學校好絕情，完全唔被機會再觀察一下！學校也開曬學，根本好難其它學校！我完全不知道怎麼辦好！我應該去找找一些包容的學校？停學一年上訓練？希望大家可以俾d意見我，thanks !!!
邊度有d包容學校？九龍區

FW9837

kycada 發表於 17-10-11 11:04
兒子差不多4歲，確診自閉症，排緊E加S，在主流幼稚園K1(細仔做大B),一星期上緊3堂私人訓練，上左3個月左右 ...

http://www.swd.gov.hk/tc/index/site_pubsvc/page_rehab/sub_listofserv/id_daytraining/id_integrated2/

應該找些兼收學校， 你看看如上網址， 找到較合適 的再打電話問問

kycada

FW9837 發表於 17-10-11 11:24
http://www.swd.gov.hk/tc/index/site_pubsvc/page_rehab/sub_listofserv/id_daytraining/id_integrated2/ ...

明白，謝謝你
但兼收位不是政府派？自己可以in ? 我唔太知道

FW9837

kycada 發表於 17-10-11 11:52
明白，謝謝你
但兼收位不是政府派？自己可以in ? 我唔太知道

呢個我唔係咁清楚， 但有兼收嘅學校起碼佢地有照顧呢類學生嘅經驗， 若果有位應該會收吧。 呢個係我推算， 因我小朋友入咗學， 到上咗半年發現比其他小朋友慢， 而家先排做CAC, 但學校方便話佢地有兼收， 叫我唔駛擔心。。。
所以我諗你都可以試下問下

kycada

FW9837 發表於 17-10-11 12:03
呢個我唔係咁清楚， 但有兼收嘅學校起碼佢地有照顧呢類學生嘅經驗， 若果有位應該會收吧。 呢個係我推算， ...

好吖，我打電話去問下，大包圍先，thank you

lobb2015

樓主，請問你經濟能力如何? 如果每個月可以拿到八九千元出來的話，我愚見認為你仔去上密集式訓練的用處比上一般幼稚園大。
幼稚園一個月就叫你走是好衰，好冇愛心。但另一個角度諗，幼稚園是否對你仔的情況最有幫助? 我認為不是。
每天上幼稚園，但去到渾渾噩噩，只是浪費你仔的青春。換另一間有愛心的幼稚園又如何? 基於人手問題，老師想幫你仔都唔可以忽略其他同學。
咁當然，如果資源不許可就另計。

lobb2015

講多句，如要申請幼稚園，除了兼收位學校之外，你也可申請有到校服務的幼稚園。

kycada

lobb2015 發表於 17-10-11 12:32
樓主，請問你經濟能力如何? 如果每個月可以拿到八九千元出來的話，我愚見認為你仔去上密集式訓練的用處比上 ...

上緊半密集了，一星期三日，也差不多6千(emoji)(emoji)‍♀️

KCHK

kycada 發表於 17-10-11 22:05
上緊半密集了，一星期三日，也差不多6千(emoji)(emoji)‍♀️

樓主,有無諗下密集增加5日先谷一下?因為現在找到主流學校機會率唔高, 而且做K1 大B都追唔到同班同學的能力( 除非你入個間學術要求好高)真係好好把握黃金6歲的時間

lobb2015

KCHK 發表於 17-10-12 11:47
樓主,有無諗下密集增加5日先谷一下?因為現在找到主流學校機會率唔高, 而且做K1 大B都追唔到同班同學的能力 ...

我完全同意 KCHK 的意見

legolas625

其實學校話小朋友點樣唔適合? 你係咪讀名幼?

你可以去搵D不熱門、收生不足的村校，最好有到校服務。至於有兼收位的學校，佢地係有經驗，但未必有愛心，或者不想多收普通位的SEN學位。

另一條路，上5日密集趁細谷好小朋友，因為而家唔追，愈大差距會愈大。

仲有，問下你私人訓練老師意見，係咪而家不宜讀主流。

mama.olive

同意樓上所講，其實3-6歲黃金期，A仔要把呢段時間追，建議樓主考慮上5日密集

Baby豬1209

轉校吧！呢個幼稚園再勉強落去只會浪費小朋友時間，既然樓主有三天密集，不如加到5天密集吧！再寄信去全日班既幼稚園，呢種好多好似係輪侯，唔使面試

Pakpak_mama

kycada 發表於 17-10-11 22:05
上緊半密集了，一星期三日，也差不多6千(emoji)(emoji)‍♀️

請問大機構的密集訓練是否要排好耐？訓練包括什麼？我找到間約5千元3天密集訓練的，但說明只有老師，是否合理？

fandd

回覆 kycada 的帖子

如覺得小朋友未能適應主流幼稚園學習，便不應蹉跎歲月，宜趁早安排其入讀五天密集式訓練課程，因六歲前的治療黃金期是最寶貴的，盡量不要錯過...... 當然費用是很昂貴，而且未必人人皆成功(視乎病患程度)......
但若付擔得起，確實非常值得一試！

kycada

legolas625 發表於 17-10-13 10:06
其實學校話小朋友點樣唔適合? 你係咪讀名幼?

你可以去搵D不熱門、收生不足的村校，最好有到校服務。至於有 ...

密集訓練老師覺得我兒子可以讀主流，特殊老師意見主要認為學校包容與體諒否？
兒子現在讀主流是比較有名的大型連鎖幼稚園，不算名幼，學校老師話佢比較動來動去，不專心聽書，話自己學校比較學術型，應該去happy school

kycada

Pakpak_mama 發表於 17-10-15 17:15
請問大機構的密集訓練是否要排好耐？訓練包括什麼？我找到間約5千元3天密集訓練的，但說明只有老師，是否 ...

我果間要9200，五日班，有特殊老師，言語老師，感覺綜合老師

kycada

三日和五日差不多吧？已經不是一星期一天五日9200，負擔比較吃力

fandd

其實都唔使根據邊類老師既意見！如果小朋友喺課室唔能夠坐定定，聽老師既指示，根本就好難適應到主流幼稚園及小學既學習生活。點解我強調要讀五日既密集式訓練課程，其中一項好重要既原因就係要學「坐定定、聽指示、與人溝通」。唔喺6歳前訓練好，日後即使入讀一間包容性大、關愛度高既學校，肯定小朋友亦會面對很多學習和社交上既問題。
所以，為小朋友作任何決定前，大家真係要審慎檢視子女既情況。

yy405405

請問係唔係X南幼稚園？