有人可以教我點做嗎？阿仔返左學1個月後突然唔肯返學！

Jeff1313

小兒今年剛升上一年級，剛9月佢每一日都好開心，好主動咁返學！我地仲開心佢可以咁快就適應，點知佢9月尾開始返學時就會話肚痛，開頭我地仲以為佢因之前腸胃炎個肚仲有唔舒服，就唔覺得有奇怪，點知過左1星期佢都仲係咁，直到10月頭佢開始失控，有1日佢肚痛原因趕唔切坐校車，我地就直接送佢返學校，到學校佢又話要去廁所，之後就喊住話要走，唔想留係到，好鐘意媽咪想同媽咪爸爸一齊，最後要老師同學校社工一齊帶佢上課室，但放學佢就好開心，會講返佢今日學校做左乜，但第二日佢又係咁，我都有同班主任貨傾過係咪佢係學校發生過咩事，但老師話佢無野，係剛從幼稚園升小學環境轉變佢一時未能適應，要同佢傾多d計，唔好鬧，比佢知道唔係佢自己一個去面對，媽咪同爸爸都會一齊係佢身邊，依d我通通都有照做，每日同佢傾計，問佢係學校有咩事發生拎佢唔鐘意返，佢一時會話「返學時間好長，我想返幼稚園」、「我想同媽咪一齊」、「我想返去剛開學時，冇咁多功課同默書」，每次我都會同佢傾開解佢，佢就好似冇野咁，但第二朝佢一出門口好唔開心，見到校車就會掉頭走喊住唔肯上車，我有咩方法可以幫到佢.........！我開始有d頂唔順....又唔可以鬧佢，我又要控制我自己

little_yolky

Jeff1313 發表於 17-10-9 08:48
小兒今年剛升上一年級，剛9月佢每一日都好開心，好主動咁返學！我地仲開心佢可以咁快就適應，點知佢9月尾開 ...

佢夠唔夠瞓?

0030

學校功課多不多～有些小朋友壓力大，心理影響身理會出現肚子痛及胃抽筋的情況～

pocoyo123

學校多測默? 壓力大? 功課多?

佢一定有原因唔想返學, 情況惡化, 可能要轉校

poodlema

搵學校社工傾傾?

Jane1983

佢學校係咪好多功課、默書測驗果種？小朋友會唔會係由 happy 幼稚園升讀傳統多寫字、默書的小學，所以唔適應，內心驚恐搞唔掂？你有無幫吓佢在功課上接軌？佢唔肯返學，但放學做功課和溫習又如何呢？

Jane1983

如果你認真分析過，學校而家的workload和程度，係超過小朋友現時能應付的，就認真考慮吓，一係轉校，轉去程度適合的學校。小朋友唔係一定要在小學已經好勁先可以出頭，佢咁細個，要鍾意返學先有機會讀得好。一係家長好投入係小朋友的學習中，在佢跟唔到、甩晒轆的時候，做佢隻小船的舵手，過程中唔好鬧，係無限愛心和支持，到佢企穩先淡出。

little_yolky

Jane1983 發表於 17-10-9 11:33
如果你認真分析過，學校而家的workload和程度，係超過小朋友現時能應付的，就認真考慮吓，一係轉校，轉去程 ...

我細女都好嗲, 不過幼稚園教得好, 所以比較自律(溫書以外)。佢都好掛住我架, 小一時, 佢响本英文schedule簿(記錄默書範圍既簿)封面畫咗個著校服既女仔, 面上有個咀唇印, 但個樣明顯係好唔開心, 然後一面揮手一面講 "bye-bye"。我問佢個女仔係邊個嚟, 佢話係畫自己, 因為日日上校車我都會錫佢一啖, 然後揮手目送佢走, 佢話日日都好掛住媽咪, 所以唔開心, 畫咗出嚟。講時佢真係眼仔紅晒架。

到依家小三, 佢都話日日好掛住我, 不過返到學校見到好朋友就好D, 無咁掛住。所以好多小朋友都會有咁既情況, 只係程度問題。見樓主話自己都壓抑緊自己唔好爆, 要奉勸樓主, 要用無比既愛心同耐性, 功課多, 測考默多, 就慢慢面對, 初小成績唔係主要, 叫小朋友唔好擔心咁多。如果學校有問題, 壓迫小朋友太勁, 就轉校吧, 間學校唔啱小朋友, 否則, 學校無問題, 只係小朋友唔適應, 就俾多D時間佢。

MrBeast

回覆 Jeff1313 的帖子

都講左好多綫索你，第一必定要認同佢感受，例如再問佢放學累不累，想不想休息下先，若你是ftm，甚至話你都好掛住佢，不如一齊去食個T玩一陣，或者nap 30mins.
Essentually，小一未必可以表達得唔好，所以要問多些open ended questions，多listen 少說話

siden

楼主個仔，如果唔係在校有不快事件發生，就好明顯係過咗開學蜜月期，發現要開始專心上堂又要做功課測驗等等，不能接受現實，只想停留在幼稚園的happy階段。

楼主真係要同老師社工商量下點搞。再搞唔掂可能要搵臨床心理學家幫手。

lui

Jeff1313 發表於 17-10-9 08:48
小兒今年剛升上一年級，剛9月佢每一日都好開心，好主動咁返學！我地仲開心佢可以咁快就適應，點知佢9月尾開 ...

不只是小一生，我個心理學家手上一個case.小五生，佐敦女校，名列前茅。但䎸肯返學。就是壓力。樓主你仔仔case要交社工，解決不了你要找心理學家/精神科醫生跟進

aa06

回覆 lui 的帖子

咁個名校生而家情況如何？ 真令人擔心

Jane1983

回覆 lui 的帖子

果間如果成績好，一般都鍾意返學的。佢地的ego係踩住同學咁build up起來，叻果批感覺係雲端，係在下層那批陰公d。

1998Ruby1998

回覆 little_yolky 的帖子

我由幼兒園開始就冇喊，返學係完全將阿媽拋諸腦後，所以有時候唔係幾明做咩我班同學可以喊足成個月。（又一冇心肝嘅表現 ）

siden

Jane1983 發表於 17-10-9 14:05
回覆 lui 的帖子

果間如果成績好，一般都鍾意返學的。佢地的ego係踩住同學咁build up起來，叻果批感覺係雲 ...

叻果批的確感覺係雲端

楼上所講佐一女生的壓力正正來自怕從雲端跌回凡間

1998Ruby1998

係咪以前幼稚園冇咩功課測驗，而父母又冇準備好升上谷嘅學校？或者係咪開始發覺其他同學好叻，自己跟唔上？言談之間，佢好留戀幼稚園冇野做可以任玩，上課時間短。

little_yolky

MrBeast 發表於 17-10-9 12:16
回覆 Jeff1313 的帖子

都講左好多綫索你，第一必定要認同佢感受，例如再問佢放學累不累，想不想休息下先， ...

我係working mum但我都同佢講, 媽咪返工都好掛住佢架。

brother4

懷疑是ｘｘ症，上綢看*子女抗拒番學，家長７招應對*如帶心愛毛公仔番學，回到校放書包内，另書包可掛心儀掛貼／细小毛仔可令小朋友安心上課！

Jane1983

回覆 siden 的帖子

怕輸呢d係要訓練心理質素，有時唔關讀邊間事。朋友個仔讀普通直資，一樣分精英班，年年執位。佢都成日掛住惊燉冬菇係口邊，佢仔都大壓力ga。