音小vs 啟思

hkpapa852

如果選音小, 目標最好係音中, 否則升中想轉走唔係咁易

如果選啟思,  要當佢係一間無中學既小學, 不過, 佢升中派位如何呢? 沒有人知道. 只知小學行IB PYP又要兼顧本地學制去呈分, 其實係一種予盾既做法 (IB PYP不鼓勵測考, 但要兼顧本地學制去呈分, 必需要測考)

wtyedu

啟思係好多外國回流家長的至愛，佢哋要揾，1) 中文教學，因不需擔心小朋友的英文，反而希望佢哋學好中文，好多唔唸國際學校就係呢個原因 ; 2) 唔係咁傳統嘅教學模式，因為佢哋一般的想法都比較西化; 3) 兩手準備，一方面可以繼續在香港升學，同時如果走又不難在外國升學。

啟思係呢幾方面絕對做到佢哋的要求。

sunnymama2

hkpapa852 發表於 17-10-9 17:06
如果選音小, 目標最好係音中, 否則升中想轉走唔係咁易

如果選啟思,  要當佢係一間無中學既小學, 不過, 佢 ...

其實學校網业可以睇到中學派位，每年都會有人入到男女拔,st paul co ed, st paull boys 英華，華仁等，亦有好多入到地區名校，不過你講得啱，佢冇show 入每間中學的人數，參考性不大。

利申：有啟思小學offer，因為係幼稚園生。除左學費貴，學校用心辦學，師資優良，又唔傳統教學，中文可選擇用真正母語廣東話教，係我非常心儀的學校。

DoubleKMami

sunnymama2 發表於 17-10-10 07:32
其實學校網业可以睇到中學派位，每年都會有人入到男女拔,st paul co ed, st paull boys 英華，華仁等，亦有 ...

請問今年多啟幼嘅學生有啟小offer嗎？thanks.

sunnymama2

DoubleKMami 發表於 17-10-10 08:03
請問今年多啟幼嘅學生有啟小offer嗎？thanks.

聽到的都唔少有offer的。啟思小學其中一個好的地方，係好有愛心，有人情味。有些半龍學校會俾絕大部分offer給上午班。啟思小學唔會，係睇能力比offer 。另外，冇offer 的幼稚園學生，校長會親自面見家長講解為何小朋友為何沒有offer, 一起討論孩子的不足並會再比多次面試機會。
我覺得啟思真係一用心辦學的學校，佢唔係出名“愛心”，但比好多標榜愛心，關心學生的學校做得更好。

poonseelai

sunnymama2 發表於 17-10-10 07:32
其實學校網业可以睇到中學派位，每年都會有人入到男女拔,st paul co ed, st paull boys 英華，華仁等，亦有 ...

單從制度上看，選啟思而最終考DSE如何配合是一個考慮，小學PYP, 初中MYP，均以enquiry base

DoubleKMami

sunnymama2 發表於 17-10-10 08:13
聽到的都唔少有offer的。啟思小學其中一個好的地方，係好有愛心，有人情味。有些半龍學校會俾絕大部分offer ...

Thanks for your information.

雪花貓

sunnymama2 發表於 17-10-10 07:32
其實學校網业可以睇到中學派位，每年都會有人入到男女拔,st paul co ed, st paull boys 英華，華仁等，亦有 ...

唔係可以升啟思中學咩？

hkpapa852

雪花貓 發表於 17-10-10 13:58
唔係可以升啟思中學咩？

成績好既學生, 一定唔會諗啟思中學.

成績唔夠好, 仲要俾咁大筆錢去讀間成績普通既啟思中學, 似乎有點不值

而且EDB收緊可以考IBDP既學生比例之後既影響, 啟思中學仲未見到 (截止前年, 啟思仲有超過70%學生可以考IBDP)

archie1728

CapricornO 發表於 17-10-10 11:15
去左啟思簡介會, 感覺老師好操控小朋友, 學生致詞似機械人, 睇唔到國際學校果種自信同主動性, 想問下用家係 ...

操控？

我上年都有聽啟思簡介會，坦白講，純簡介會而言，佢係我聽過廿多個簡介會入做得最好、令我印象最深刻一個！

雖然今年我冇聽，不過我估你對上台講野既學生未有深入了解，如果再有機會的話，建議試下同學生傾下偈(尤其你覺得被操控果位)，問下佢點解會上台，咁或者會更加清楚學校既理念

申利: 上年有幸得到啟思offer的家長

babyjip

兩間學校都有愉快學習、少操練嘅理念， 但是偏偏在香港升中體制也是成績掛帥，啓思在沒有一條龍的先天環境但又想做到本地課程用IB方式教授，要做到本地升中competive result 其實有相當難道，這亦可能是它學費接近國際學校收費去確保師資，細校舍也限制了發展。音小基督教氣氛濃厚及重視音樂教學，要很視乎父母對小朋友嘅期望

taidou

archie1728 發表於 17-10-10 19:29
操控？

我上年都有聽啟思簡介會，坦白講，純簡介會而言，佢係我聽過廿多個簡介會入做得最好、 ...

其實我的確被佢的簡介會吸引，我都唔係好明白點解會感覺到係被操控x 2。

我只係去過幾個唔同學校嘅簡介會，我亦同意啓思係幾唔錯的一個。

sunnymama2

CapricornO 發表於 17-10-11 00:00
多謝你回覆。我指操控主要是覺得學生既演詞好相似，同埋是在背答案，感覺之前有被人審批及排練出黎，而scho ...

我記得係學生帶隊school tour的，每個課室都有小學生駐守解釋課室用途。

archie1728

CapricornO 發表於 17-10-11 00:00
多謝你回覆。我指操控主要是覺得學生既演詞好相似，同埋是在背答案，感覺之前有被人審批及排練出黎，而scho ...

寫稿、批改、採排都係一d上台前好正常既準備功夫，我估最大問題可能係果位學生既表現，未能乎合你心目中既標準，因為其他學校上得台講野既，基本上都係native speaker，全校最叻果位，表現一定非常出色！

因為大抽獎抽倒地區一線津小，所以我無緣成為啟思家長，不過之前都做過唔少research，所以對啟思有一定認識。你有興趣可以喺EK search下"啟思"，之前都已經有唔少家討論過，點解學費咁貴，校舍又唔係大，派位成績又唔係標青，但都仍然深受家長歡迎

Fanshuma

其實我都有去聽簡介會，但唔係好明點樣做到本地課程IB教法？

ta__ta

Fanshuma 發表於 17-10-11 11:42
其實我都有去聽簡介會，但唔係好明點樣做到本地課程IB教法？

我小朋友讀緊啟思小二,  雖然對高年級的課程安排並不清楚, 但我嘗試用呢年幾的經驗和你分享.

學校好注重預習、備課和 持續性評估. 例如中文課, 老師會要求小朋友先在家備課才上課. 而評估方面, 低年級並沒有考試, 但不停有評估和默書, 不過範圍細, 能幫助小朋友養成每天溫習的習慣。

學校採用活動教學的方法. 例如小一中文課學形容詞, 老師會安排小朋友每人帶一個生果回校, 讓小朋友親身感受什麼是 “ 香甜的”、”軟軟的” 等等。  數學課會利用不同教具幫助小朋友學習, 還有很多時需要小朋友在生活中找例子帶回學校和同學分享。英文課是分組學習。

UOI 科是啟思實踐IB 課程的最重要的科目, 詳情可見: http://creativeprisch.edu.hk/curriculum_c/interdiscpl_c.htm

小朋友的時間表沒有細分中交課、數學課和UOI 課, 因為都係同一位老師教。 所以老師好有彈性安排課堂。

另外, 除了中文課本和音樂課中要用的歌譜外, 其他科目沒有課本的. 小一的買書費只需 $2xx。

不用擔心，你在簡介會中所聽到的, 都係會實實在在咁在啟思中實行。我都覺得啟思的簡介會好有 heart。

 

onchai

回覆 CapricornO 的帖子

我係啟思家長，小朋友讀緊五年級，我從來都唔覺得學校有操控學生，反而會比好多機會學生發揮，而唔係只會揀最叻果d 出來表演、重點培訓。在啟思，只要學生願意嘗試，就會有機會!