係咪有自閉？有咩問題？救命！

kitty1117kan

女女1歲7個月，只係識叫姐姐（工人姐姐），其他音，例如爸爸媽媽，車車都有，不過好似佢鐘意就講，我地叫佢叫爸爸，佢唔會叫！唔知佢係咪真係知爸爸係點解！平時問佢眼睛、咀、鼻係邊？佢有時岩有時唔岩！反而成日指自己眼睛等等位置，要你講！
脾氣好差，唔知係咪姐姐就慣佢，而家少少唔鐘意就大喊，喊到彎晒腰向後，淨係識用喊表達咁！之後就跑去搵姐姐！
玩玩具就多數玩哥哥啲煮飯仔，倒晒落地，整到亂晒散晒就走左去！冇乜特別成日玩，都係呢度搞下果度搞下！成日爬高爬低，攞櫈仔爬去搵野玩，又會搬張BB床嘅細床褥整高當sir滑梯玩！
出街見到陌生人，叫佢say hi，佢會即刻揮手！byebye，飛吻，驚驚都係手勢表達！
今日去in N班，形狀積木自己砌，之後老師有5樣野擺枱面，首先叫佢擺個波波落籃，佢即刻做，跟住擺書，都ok，再黎叫佢擺杯，女女就淨係望住隻杯唔郁，老師等左陣，咁不如擺匙更啦，佢又望住隻匙更，就係唔擺，好似費事彩你咁！老師拎張圖畫出黎，叫佢指花、樹、蘋果，佢又費事理人，成日掛住望周圍，轉身想走！
有時我都唔知佢究竟係明唔明人地講乜！
究竟女女係咪有咩問題？係咪自閉？我應該點做？點先幫到佢？好無助！好驚！

KCHK

暫時睇唔出有自閉特徵，不過一定係公主病(唔好介意, 通常有工人姐姐都會出現的問題), 首先你先要教下你工人唔好太貼身照顧, 即係小朋友未講需要咩野時已經比左佢, 咁樣會令小朋友失去同主動要求溝通的能力）。小朋友有上過playgroup 嗎？可能要多多訓練下小朋友聽指令, 如果有上開playgroup 的就問下老師小朋友有無特別情況? 因為我地暫時分唔出小朋友係明白指令但唔想做定只係唔明白指令所以無做。