文法雜談4： top 1%尖子的遺憾。如果當日有高人指點….

little_yolky

IloveJJ 發表於 17-10-10 11:25
你做咩唔教育埋佢呀？

我點知佢讀咁多書, 咁簡單既道理都要講啫。佢仲多多藉口, 又話係歷史書, 又話阿妹鐘意畫畫, 俾多D佢睇有幫助。

eviepa

little_yolky 發表於 17-10-10 10:37
1. 恕我老古板, 我絕對唔認同閱讀漫畫係閱讀, 否則, 阿妹也是大量閱讀了。2. 教科書又真係偶有佳作, 呢點同 ...

我入到大學，幾乎可以話係奇蹟，住我嗰個木屋區嘅人，都將考到會考為最高成就，根本唔會諗讀預科。
我嘅學習歷程，第一步係响幼稚園同小學時大量閱讀漫畫。到小四時，因為閱讀漫畫量比身邊嘅小朋友多好多，積聚咗幾年嘅中文程度响朋友中已經十分唔錯，而且，閱讀速度就比普通小朋友高得多。因此，小四時就開始唔滿足於字少圖多嘅漫畫，好多字嘅故事書、科普讀物，甚至於大姊那本中國歷史教科書，都係我嘅消閒讀物。

無漫畫做起步平台，我就唔會大量閱讀故事書、知識性嘅書; 無大量閱讀呢D書，我係無可能入到大學。


我細佬自細無閱讀習慣，但係我响佢中一升中二時攞咗本《龍虎門》番嚟畀佢睇，佢一睇上瘾，又自大量閱讀漫畫開始，幾年後乜書都睇，又變咗相當博學，跟住又入埋大學。


阿女細個嗰陣都係由漫畫開始，櫻桃小丸子、多啦A夢……都係佢嘅至爱，同佢老豆、佢阿叔一樣，睇睇吓漫畫就升级到睇好多字嘅故事書。最後又入咗U。1

1998Ruby1998

回覆 little_yolky 的帖子

人地話：「唯女子與小人難養也」，我就覺得「男人更是難養也」。辛苦曬 d 媽媽，湊住大少不良，做埋屋企嘅「衰人」。
不過阿爸通常都錫女多，我話想要咩，阿爸都願意買，我話二手都冇所謂，佢堅持要買新，我話想買玩具，都會肯買（結果當然係畀阿媽「照肺」同家法侍候，話佢教壞／縱壞我）。今早阿媽先打電話黎投訴，話想 11月去旅行，阿爸亞吱亞咗話唔肯，要我暑假返黎先一家人去。阿媽話無論如何都要說服阿爸唔好理我，照樣去旅行。

HaYi

我唔同意漫畫如老夫子冇益,  我覺得漫畫成語好好呵, 如同繪本.  其實除左唔係好高檔 (如流行曲vs 古曲)之外, 看漫畫有咩問題 ?

我細個是睇日本少女漫畫多, 又畫佢, 去到去專門上堂學畫, 又用晒有晒的錢買埋美術用品店出畫背景的陰影紙, (個時未有用電腦畫)  有想過去做職業漫畫家, , 又學日文(至2級), 又投稿報紙, 不是少女漫畫, 是政治諷刺的多,  個個時代登出有成100元一幅, 對個學生女來說不錯的外快, 又畫得開心, 比投文更有趣.   

當然我初小亦己是自己己睇紅樓夢的程度,  中文都小學中學保持多年級頭.  我亦有想過大學讀翻譯, 不過因易搵食讀第左第二些.   所以我唔覺得睇漫畫有影響中文程度或閱讀能力.   我有叫我個吾like 中文的大仔睇, 咩咩都好, 睇下好過唔睇中文,  其實睇古典武俠片雖然假, 但如可以引起佢另外去學下中史, 我都會俾佢睇, 可惜so far 都只是一套套, 唔成氣候.  

simonwan

睇下嘜野漫畫啦！我細個睇好多兒童樂園同大陸的小人書，裏面D 漫畫系好多字，同埋D 中文寫得好好。

simonwan

IloveJJ 發表於 17-10-9 14:32
可以順便同你傾另一問題嗎？
我仔都係睇好多中文書，識好多深字，但佢成日寫錯字。我諗，會唔會因為佢睇得 ...

我仔都系甘。最近有人講比我聽點解。好多細路，尤其是男仔，系圖像記憶。佢地認字無問題，但系唔注重細節，不懂得“觀微”，即不習慣看細節。呢D人宏觀好，微觀弱。所以，寫中文字常常寫錯。

改善辦法系要訓練佢地專注力同處理局部細節的能力，辦法之一系比佢地砌 lego, 要跟住圖砌一些好複雜的東西，等佢地習慣觀測細節。

又或者，你如果有車的話，叫佢幫你洗車，叫佢細心觀測車的每部分，車頭燈，倒后鏡，車胎的坑紋等等，全架車都要細微觀測。多做這些訓練，令佢習慣觀察入微，有助於寫字。

simonwan

IloveJJ 發表於 17-10-10 23:09
係呀！佢真係不懂得「觀微」架，砌lego都係渣啲，佢同細三年既細佬一齊砌，砌得慢過細佬架!你好似睇相佬， ...

呢D細路，你逼佢坐定定寫字，佢會好辛苦。

玩多D 需要專注力同觀察力的遊戲，佢開心之餘，又訓練到佢寫字。

asweetmom

little_yolky 發表於 17-10-9 15:00
佢閱讀理解錯唔多, 係錯D重組句子, 標點符號, 寫錯字..........等等。呢度扣D, 果度扣D, 都幾金下。:zombie ...

咦，反而是基礎欠佳

little_yolky

asweetmom 發表於 17-10-11 07:41
咦，反而是基礎欠佳

係, 重組句子三題可以錯兩題, 標點符號一定錯幾個, 錯別字先死, 剛剛派返作文, 老師話如果唔係咁多錯別字, 就A了。另一篇都係因為錯別字, 差一分要改正(我哋作文A唔駛改正)。佢係題目有得抄都可以抄錯。

little_yolky

eviepa 發表於 17-10-10 20:12
我入到大學，幾乎可以話係奇蹟，住我嗰個木屋區嘅人，都將考到會考為最高成就，根本唔會諗讀預科。
我嘅學 ...

《中華英雄》D字多D, 你細佬有無睇?

因為我自己係人板, 所以我唔想小朋友基礎穩前睇漫畫。我自細家貧(果個年代真係個個都家貧), 除咗教科書無乜書睇, 我本教科書睇到曉背了, 好悶, 咁睇阿爸份報紙。當年D報紙又薄, 好快睇完, 又返半日學, 功課又做完, 電視又睇到好悶, 咁點算? 果個年代, 個個都係《老夫子》長伴左右。大一D, 《龍虎門》、《中華英雄》不可缺。再大一D, 因為家姐鐘意睇日本少女漫畫, 所以屋企好多, 我前前後後睇過萬冊, 浪費咗好多時間, 無睇D經典著作。


正正經經既書, 到中學都唔係睇好多, 都只係鐘意睇散文同唐詩。如果當時我方向正確, 可以多D背下古文, 四書五經, 我依家既中文程度一定可以好好多, 個人修養一定好唔同。


漫畫雖然也有字多如《中華英雄》, 也有有內涵深度如《老夫子》, 但係就欠缺咗文章行文結構同修辭手法既學習。C6就同你一樣, 我話佢做乜買漫畫俾阿女們睇, 佢即刻戴晒頭盔, 話佢買D好有知識性, 係廿四史同世界歷史, 係好嘢嚟。

greentea000

little_yolky 發表於 17-10-11 09:05
係, 重組句子三題可以錯兩題, 標點符號一定錯幾個, 錯別字先死, 剛剛派返作文, 老師話如果唔係咁多錯別字, ...

係咪中文你自己有興趣，不自覺教快教深左而令到基礎無咁紮實？

little_yolky

greentea000 發表於 17-10-11 09:21
係咪中文你自己有興趣，不自覺教快教深左而令到基礎無咁紮實？

其實我無乜教架, 佢哋係睇書多。我係間唔時同佢哋背下古詩詞、做下文章賞析咁咋。好似噚晚, 我讀到一段三毛寫既文字十分好, 我就會同阿大一齊欣賞, 講俾佢知點好咁。我諗, 都係時候買下D補充練習操下了。重組句子都係可以操返嚟的。

不過, 阿妹D重組句子好好多喎, 佢唔多睇書的, 一日到黑睇漫畫, 所以D閱讀理解唔多理解。不過, 佢都係死响標點符號同不供詞填充度。

greentea000

little_yolky 發表於 17-10-11 09:24
其實我無乜教架, 佢哋係睇書多。我係間唔時同佢哋背下古詩詞、做下文章賞析咁咋。好似噚晚, 我讀到一段三 ...

我果輩同其他同學比叫左多閱讀，新一輩沿用反而成日俾其他人（主要係家長）話少閱讀。


每星期計:

中英文書各2本，1本父母揀（精讀），1本仔女揀（佢有興趣就得，但要符合水平）。

科學1本（中英文各佔一半）

歷史1本（中英文各佔一半）

地理1本（中文為主，兩星期1本）

中英文報紙每日睇30分鐘

你覺得算多定少定適中？

greentea000

little_yolky 發表於 17-10-11 09:05
係, 重組句子三題可以錯兩題, 標點符號一定錯幾個, 錯別字先死, 剛剛派返作文, 老師話如果唔係咁多錯別字, ...

重組句子考好多野架，首先要知果堆字詞意思，然後分辨佢地詞性，最後要跟據漢語詞序習慣組織返個句子。

了 去 昨天 我 玩耍 公園 。

青青寫成

昨天，我去了公園玩耍。
多左個"，"，零分
（老師有解釋呢句本身係無錯，昨天排先係特出個時間，但題目無逗號咁寫就無分。）

改正
昨天我去了公園玩耍。
又零分
（老師解釋呢句唔符合中文既詞序，應該主語"我"排先。）

再改正
我昨天去了公園玩耍。
終於ok

青青都係基礎差而作文唔太差係作文無咁多限制，仲成有靈感寫好鬼多字。

little_yolky

IloveJJ 發表於 17-10-11 09:29
你女竟然錯「重組句子」?又奇喎!我仔從來未錯過喎!標點符號都有練習教，我仔睇完做完就無乜錯。佢哋有語文 ...

又係果句, 個別老師做法。小學老師好自由的, 無乜制度可言, 隨個別老師喜好。

little_yolky

greentea000 發表於 17-10-11 09:39
本帖最後由 greentea000 於 17-10-11 09:40 編輯

我果輩同其他同學比叫左多閱讀，新一輩沿用反而成日俾 ...

唔錯, 幾好, 睇既面好廣。