有關過度活躍症

永不悔

仔10歲，係屋企完全唔聽話，叫沖涼叫幾個鐘，講明做好哂功課溫好書就可以玩，但偏偏唔做，到搞到好晏就會埋怨我唔比佢玩，食飯永遠坐唔定，一餐飯可以食一個鐘，中途又會走左去，好勞氣。完全唔受控。但佢係學校好乖，操行係A,老師會讚佢，其他家長見親我都會話個仔好乖好有禮貌，但事實根本唔係咁，係屋企駁咀，冇禮貌，我教佢教到心灰意冷，我懷疑佢過度活躍症，但點解佢係屋企同係學校或對其他人完全唔同？到底佢係咪有問題？駛唔駛睇醫生評估下？我有問過佢點解係出面咁乖，番到屋企咁曵，佢話唔想我冇面，到底出左咩問題？教佢教到我自己情緒失控，我應該點做？

tutik

永不悔 發表於 17-10-7 00:41
仔10歲，係屋企完全唔聽話，叫沖涼叫幾個鐘，講明做好哂功課溫好書就可以玩，但偏偏唔做，到搞到好晏就會埋 ...

如果在校沒問題，即係佢其實可以控制到自己，又唔似ADHD。 因為確診是最少有兩個環境失控先算。會唔會蝦妳？

CALVEN

唔覺你小朋友有此症，祗係唔聽你教。

Hopeful2010

能留心聽書嗎？你描述的行為跟小兒很相似，他操行A-, 最大問題是不能集中上堂聽書。我一直以為專注力不足過度活躍症的孩子一定是過度活躍的，原來ADHD有分專注力不足型和混合型，小兒是前者，接近十歲才確診。

永不悔

Hopeful2010 發表於 17-10-9 10:57
能留心聽書嗎？你描述的行為跟小兒很相似，他操行A-, 最大問題是不能集中上堂聽書。我一直以為專注力不足過 ...

我仔係學校冇比老師投訴過佢上堂唔專心，所以應該冇呢個問題？你仔仔係屋企點架，可以交流下嗎？

永不悔

tutik 發表於 17-10-8 01:59
如果在校沒問題，即係佢其實可以控制到自己，又唔似ADHD。 因為確診是最少有兩個環境失控先算。會唔會蝦妳 ...

我有時都覺得係蝦我，完全唔聽我講，我都唔知點做好

永不悔

CALVEN 發表於 17-10-8 11:54
唔覺你小朋友有此症，祗係唔聽你教。

可能真係你咁講

Hopeful2010

永不悔 發表於 17-10-9 18:49
我仔係學校冇比老師投訴過佢上堂唔專心，所以應該冇呢個問題？你仔仔係屋企點架，可以交流下嗎？
...

吃飯須要一小時，經常離座，吃水果也是，早餐要協助他吃和換校服，否則趕不上校巴，做功課一定要有人在旁監督着，但仍然拖拖拉拉花很長時間才能完成。叫他洗澡、執房、做事情等，要5次以上才行動，還說我長氣，温習也不能長久，很快便說累。
未食藥前的他大概就是這㨾的。

永不悔

Hopeful2010 發表於 17-10-9 10:57
能留心聽書嗎？你描述的行為跟小兒很相似，他操行A-, 最大問題是不能集中上堂聽書。我一直以為專注力不足過 ...

請問你仔仔在邊到睇醫生？醫生開左咩藥比佢食？食左係咪回復正常？要食幾耐先會好架？thanks!

Hopeful2010

永不悔 發表於 17-10-13 14:19
請問你仔仔在邊到睇醫生？醫生開左咩藥比佢食？食左係咪回復正常？要食幾耐先會好架？thanks!
...

在協康評估後去睇張漢奇醫生，現看政府醫生，食緊strattera。不會一下子變成完全無ADHD的特徵，進餐時間快了些，組織能力好了，有時間觀念，有計劃地做事，成績進步了，但是集中力仍然不能長久，以前上堂遊魂，根基打得不好，現在學習能力好了，要追落後，如數學、中文，要花上多些時間，可是長時間温習，他不能集中，遇困難也容易放棄。食藥令他慢慢地進步，大約食了半年有較明顯的進步，也要配合家庭的教導。醫生說他的進步情况是非常好了，因他沒有其他方面的問題，ADHD算是輕微的, 有可能到中三時再觀察是否可以停藥。

07mama

Hopeful2010 發表於 17-10-9 10:57
能留心聽書嗎？你描述的行為跟小兒很相似，他操行A-, 最大問題是不能集中上堂聽書。我一直以為專注力不足過 ...

我仔都係十歲先check專注力不足，都係唔覺過動
只係上堂發夢，搞文具⋯
你小朋友要食藥？
我係協康check 完，原來仲要去睇精神科先可以傾食藥問題。

不過又聽人講而家AD/HD合一，沒有淨係專注不足呢樣嘢