阿仔剛上中一，請教有關學業管教問題(update)

chol1mama

開學至今，默書評估不著緊，甚至o分亦試過，同佢傾過，他都承認自己懶惰，想我督促佢，想問下如果我繼續好似小學逢考試都陪温，陪讀，會否造成倚賴 ，上到高中他會否不懂發力，反而會負累了他呢？


上次綜合大家意見後, 我同跟他的溫習情況如下:

測驗, : 要他攞住個範圍來溫, 溫左就剔
考試 :  佢自己溫了


2 次都在全級15名內

YDLFATHER

應該放手, 讓他自覺讀書

aptcan

或上學期跟吓默書同quiz ，但下學期慢慢開始放手，始終都係剛升中，都要幫忙佢適應吓！

洋蔥頭媽咪

高小必須培養孩子自我管理習慣，若家長小學階段都 mon 住，升中突然放手孩子又怎會懂得自我管理？見你提及孩子默書評估都不著緊，一般係學習態度問題，既然孩子自我管理能力弱，建議家長要適量地收緊孩子自由度/玩樂時間，約法三章，對他才會有幫助。

chol1mama

多謝大家意見

chun媽

亞仔想你督促佢，即係乖仔，建議同亞仔plan下time table,  從旁鼓勵及提醒，坊間的誘惑太多，個人建議中一上學期慢慢放手，不宜全部放手

chol1mama

回覆 chun媽 的帖子

多謝你提醒, 立即放手好似未係時候, 會逐步去放的, 謝謝你們

kc1016

我大仔今年中二，我升中一前已經同佢講咗唔會陪佢溫書，平時小測默書果d佢自己攪，考試前就叫佢寫個考試範圍出來，每科要溫咩，如工作紙，筆記，課文後練習等，然後幾日就提下佢溫，睇住個溫書進度，溫好邊樣就tick, 第一次都會抽少少問佢，問d重點，經過第一次考試，佢就知道溫書嘅方法，第二次就提番第一次錯嘅嘢，要注意咩嘢，第三次就真係無理啦，慢慢再放下放下手甘。

momamy

以前日日陪太子讀書效果都麻麻地，而家放鬆曬凈係檢查每日做完功課未，到星期六安排一天時間陪佢梳理一下各科的知識，順便預習一下下星期要學的書，星期日就可以玩電腦，可能有D家長會覺得好松，不過都係因材施教，個仔系越逼越放棄的類型，我都唔想自己辛苦，大家都辛苦，希望11月第一次考試全科合格就好啦

natnatbaby

我覺得上面家長都算進取，我小六下巳全放手。中一開始，幾時測，有咩功課，小朋友不講，我也不理。校曆表有考試時表及出通告，我叫他要温習。我小朋友不是太進取，目標合格。而且有些反叛自主性高，我越煩，他就反感，發脾氣。我諗教育方式是因人而，我想管也不到的。

momama

其實應該放喺小學版，太多家長初小唔放、高小又話要呈分；跟足六年、上到中學就唔理真係出事。
我一早放哂，只會喺考試時做人肉佈景版喺屋企行嚟行去，反而呈三後哦得佢最多，因為我唔想係完全心散，要保持一個正確嘅態度 （雖然最後都係散散地）

kittypo

係好頭痛,我仔都係唔願溫...叫都叫到我自己煩曬

Yanamami

有無问过阿仔，点解要讀書？為边个而讀？我都好懶煮飯，曰曰塞个包俾你當一餐，甚至連包都唔記得買，ok嗎？

lojo11

我仔中一, 都要篤佢坐低溫, 如果唔係佢當自己識晒... 中一課程我跟唔到, 主要比段時間佢叫佢自己打開書溫... 唔知方法work 唔work, quiz佢自己攪掂無問題, 黎緊UT要測完先知...

skkeung

chol1mama 發表於 17-10-6 21:09
開學至今，默書評估不著緊，甚至o分亦試過，同佢傾過，他都承認自己懶惰，想我督促佢，想問下如果我繼續好 ...

小學也一樣？

chol1mama

skkeung 發表於 17-10-16 17:43
小學也一樣？

小學時功課求其d，高小知道要呈分，小測同默書都著緊，係殺到埋身先黎做嗰種人

chol1mama

Yanamami 發表於 17-10-16 01:25
有無问过阿仔，点解要讀書？為边个而讀？我都好懶煮飯，曰曰塞个包俾你當一餐，甚至連包都唔記得買，ok嗎？ ...

道理係知既，但要做既時候就唔多願郁

chol1mama

lojo11 發表於 17-10-16 08:25
我仔中一, 都要篤佢坐低溫, 如果唔係佢當自己識晒... 中一課程我跟唔到, 主要比段時間佢叫佢自己打開書溫.. ...

默書同quiz 自己黎都好

skkeung

chol1mama 發表於 17-10-16 18:03
小學時功課求其d，高小知道要呈分，小測同默書都著緊，係殺到埋身先黎做嗰種人
...

是責任感，成功感問題！