2017升中派位

200904

ivyscyip 發表於 18-5-29 18:46
呢兩年要面試，上年有兩round，好容易估到邊個自行入。

好想知自行入張祝珊的有什麽特質呀？英文口語好勁？到什麽程度呢？謝謝。

200904

好希望學校能多做一些幫助學生升中的功夫，例如可以請學兄學姐回校介紹一下中學，以及請前家長講述一下填表策略，如何幫助孩子面試等等。每年一次，都能幫到家長很多。

Shangrila

ANChan59 發表於 18-5-29 19:00
以前家校會會有一次家長幫手面試學生，我們自己也有訓練兒子作面試應對。

但我看升中派位結果，已經冇得 ...

我諗未必係小朋友放軟手腳，考試始終係識幾多做幾多。

其實同區其他Happy School近幾年都有類似情況，入好top band 1中學嘅數目真係減少咗...

如果單睇考試結果，近年家長都喜歡幫小朋友揀直私，通常直私課程深啲，直私一樣會有考Pre-S1嘅人，佢哋可能會考得比較好，其次應該就係谷嘅小學，到最後恐怕先輪到唔谷嘅Happy School，咁happy school學生，可能程度真係唔夠前述嘅小朋友爭，照目前情況睇，已經形成一個趨勢。如果想讀Happy小學，又升到band 1中學，小朋友要叻，家庭都要有支援，小朋友喺小六面試時要自己考到心儀學校。

kwunpa

Shangrila 發表於 18-5-31 10:57
我諗未必係小朋友放軟手腳，考試始終係識幾多做幾多。

其實同區其他Happy School近幾年都有類似情況，入 ...

我有別的睇法。

同區的太古小學講到明谷，舊年全級一間band 1 直私都考唔到。

北衛一直以來 happy, 但派位在14 區數一數二，就系因爲唔谷，而且强調閲讀，學生語文水平好，成績自然好。反而，三年前新校長黎佐，聽說功課多佐又深佐，呢兩年甘岩得甘翹中學派位差佐。

近年北衛派位差佐，我看主因系直私小學冒起，名中學多收了他們的學生。北衛在官津學校中算注重閲讀，但比起直私還差很遠，所以學生語文水平不夠直私好。更重要的是，直私學生的英文口語、自信及 presentation skills 比較好，面試自然有優勢。現在中學醒佐，唔會剩系睇成績收生。

睇翻舊年北衛派位成績，區外名校少佐好多，區内 band 1 仲可以保持一定數量，甘就證明北衛 band 1 率還 keep 到，但一去到要面試就死佐。我之前講過，我做模擬面試義工時，發覺北衛學生英語 oral  及 presentation skills  唔系甘好，學生就算成績好，但面試唔掂，所以考唔到區外名校。

當務之急，北衛應該減少功課，比多D 時間學生睇書，每天上課最好有閲讀時間。而且，從初小開始訓練學生有自信講野，如 多些 show and  tell, presentations. 仲有仲有，最重要，加強英文口語訓練！

ivyscyip

kwunpa 發表於 18-6-1 01:06
我有別的睇法。

同區的太古小學講到明谷，舊年全級一間band 1 直私都考唔到。

我唔覺得b1率係keep到，我覺得上年係差咗，因為明顯見到成績較後的，係估錯了banding. 培僑上年也多了b1生。

太古小學係谷，但之前pre s1並不好，佢地考第9的 bps 冇得in （睇rank order)...級一雖然冇入直資，但之后好似入咗bps……

Interview skills一定唔夠人fight, 一向都係嘅（問返前人的模擬面試都知）都係要自己教。但成績都向下，這是要正視的問題。

Jasmine-4711

填表策略今年四月有開家長會。開會之前重有派纸仔告知你係band 几或夾心人。

有張大抽奖影印表派回家填，之後交番去，班主任有寫排位要点調或删去某校。我地改完，先填真個張表。唔想咁改的可打去留言俾班主任，班主任好好人會回電。我覺得呢方面做得好好。

Jasmine-4711

本帖最後由 Jasmine-4711 於 18-6-7 18:38 編輯

至於面试，学校有操但唔夠。要靠自己或外判。

至於英語oral,同名校係差好遠。有些家長去British Council或其他有NET的補習社。

口试group interview的問題，精英班有時都答到離題，非精英班的答案有d 冇common sense，我都做過interview義工......校方要我地俾comment一定要正面，有讚許，弱点就輕輕一提，多俾信心佢地。校方都好关爱学生，就算操唔切，都唔好打擊佢地的自信心。

面试一定要自己操架啦。我個件d中文作文都冇common sense, 9588。英文都唔好提了。要佢group debate,死梗。

ivyscyip

Jasmine-4711 發表於 18-6-7 18:21
填表策略今年四月有開家長會。開會之前重有派纸仔告知你係band 几或夾心人。

有張大抽奖影印表派回家填， ...

但老師的填表策略好out⋯⋯東區B1女都唔俾填全票。升中支援只有填表策略囉。

自行前冇乜，除了那一次的practice interview。我報直資要求名次，難過登天。

Jasmine-4711

ivyscyip 發表於 18-6-8 17:33
但老師的填表策略好out⋯⋯東區B1女都唔俾填全票。升中支援只有填表策略囉。

自行前冇乜，除了那一次的pr ...

唔俾你填全票係咩意思？乙部唔俾你填滿三十個名？

如係band 1生，學校教保守些，乙三要係band 1尾，乙四或五要係band 2頭。否則太危險。

如某人的隨機号码大，乙一可能已冇位了，佢就要去band 1隊尾再排過。某人的乙二可能係其他人的乙一，假如乙一個round已滿位，學生又去band 1 隊尾再排乙三。乙四或五已係安全網，係低一band的頭。

你話學校的策略out,咁可否分享下經驗要怎樣填呢？

我都係填左十幾個名，學校教最少填18間。

ivyscyip

Jasmine-4711 發表於 18-6-9 16:47
唔俾你填全票係咩意思？乙部唔俾你填滿三十個名？

如係band 1生，學校教保守些，乙三要係band 1尾，乙四 ...

以過往統計，東區b1女係夠位的，咁我冇理由乙三、乙四就填B2.....而唔搏落去。

其实學校咪一味叫人填ccsc……上年某班11個人揀ccsc做乙一。

我自己覺得佢地太倚賴抽獎，放棄好多自行同直資的機會

Jasmine-4711

ivyscyip 發表於 18-6-9 22:08
以過往統計，東區b1女係夠位的，咁我冇理由乙三、乙四就填B2.....而唔搏落去。

其实學校咪一味叫人填ccsc ...

自行同直資係家長做主動，班主任只俾意見自行兩間其中一間可搏高一線。學校冇叫我地放棄自行或直資。面试training 就真係要家長去操練。

學校都冇鼓勵band 1學生乙一去報張祝珊，係個別家長自己想報，有些想去QC，有些想輕鬆d乙一填聖馬可或去他區直資。東區band 1女仔自然有更多女校選擇。

kwunpa

Jasmine-4711 發表於 18-6-9 16:47
唔俾你填全票係咩意思？乙部唔俾你填滿三十個名？

如係band 1生，學校教保守些，乙三要係band 1尾，乙四 ...

  學校呢種填表策略叫保守。從學校角度呢講系想保住頭三志願率，但對學生未必系最好。
玩過呢個游戲都知頭三志願率系無意思。

kwunpa

ivyscyip 發表於 18-6-8 17:33
但老師的填表策略好out⋯⋯東區B1女都唔俾填全票。升中支援只有填表策略囉。

自行前冇乜，除了那一次的pr ...

系！學校唔講呈分名次比家長知，叫家長點揀適合程度的直資及自行學校報名？自行得兩個位，揀低佐唔想，揀高佐連面試機會都無，白白浪費自行位。

平時考試唔講名次無所謂，但系每次呈分都唔講名次，你叫家長點樣選校？尤其是直資同自行。真系剩系靠大抽獎？唔怪得舊年升中排位跌佐。

呢樣野關乎學生的前途，唔講得笑。

Jasmine-4711

kwunpa 發表於 18-6-10 03:57
系！學校唔講呈分名次比家長知，叫家長點揀適合程度的直資及自行學校報名？自行得兩個位，揀低佐唔想，揀 ...

一月自行遞表前有個家長日，家長當日可同班主任傾下自行心水的兩間，佢會俾意見。

小五呈一完後的家長日（七月），我都有問排名。排名佢就唔答，但我問係全级中上，中游定下游，佢都會講。我告訴她我心水的兩間，她有俾意見我。但她亦提醒我呈二和三的成績可升可跌，到時候排位可能有變。

ivyscyip

kwunpa 發表於 18-6-10 03:57
系！學校唔講呈分名次比家長知，叫家長點揀適合程度的直資及自行學校報名？自行得兩個位，揀低佐唔想，揀 ...

就係呢個問題。我見成績不是1a的走去報1a自行，其實只係浪費機會。呈一、呈二後真的需要給家長一個名次去好好選擇自行。

ivyscyip

Jasmine-4711 發表於 18-6-10 01:22
自行同直資係家長做主動，班主任只俾意見自行兩間其中一間可搏高一線。學校冇叫我地放棄自行或直資。面试t ...

當然唔係話唔報自行或直資，但係冇資源去support時去報，等同放棄。我個次去拎名次去報直資，feel到學校唔support.

Qc如果唔係頭三名去報，等同放棄一自行，通常連in都冇得in.

Jasmine-4711

如大家有好建議，可以向校長反映。就算為自己细路講/寫信已經太遲（可能已升了中），都可造福學弟學妹。

kwunpa

Jasmine-4711 發表於 18-6-10 15:45
如大家有好建議，可以向校長反映。就算為自己细路講/寫信已經太遲（可能已升了中），都可造福學弟學妹。
...

校長已經知，問題系佢聽唔聽！

今年小五家長升中簡介會，有家長問校長可否每次呈分試后，發放呈分排名給家長。校長答唔得，話系學校一貫做法。仲叫大家放心，話大抽獎前老師會講學生系嘜排名組別。但就完全無講點幫學生選自行和直資。

我們幾個家長雖然無出聲，但私底下交流都唔贊成學校做法，唔明學校點解死都唔講呈分名次比家長知。對學校可能系好小事，但對家長就好大件事，關乎子女前途。

ivyscyip

kwunpa 發表於 18-6-10 20:59
校長已經知，問題系佢聽唔聽！

今年小五家長升中簡介會，有家長問校長可否每次呈分試后，發放呈分排名給 ...

My 2 cents....

如果係有拎品學或學業奬，咁自行我會揀B1A。如果係頭三名，都可一試QC...頭三應該容易知，拎哂中、英、數獎就係。女仔仲可以試報dgs，有得interview就肯定有1A....

如果冇奬又想入1A，預抽獎囉。如果唔想靠運氣，就最好揀1B或1C.

Jasmine-4711

呈分後雖然不告訴我地子女的名次（因唔想學生互相比較後出招暗鬥，甚至家長都鬥)，小五及小六在派成績表的家長日，係可以問子女屬band幾，是該band A,B 或C. 有做好reseach先來的家長可提出想報的直資或自行學校的名称。班主任會告訴你应進取些或保守一些。雖冇名次，但我都心中有數。