香港教育越改革越多問題（關焯照）

planetearth

ABC-DAD 發表於 17-10-18 12:50
又做下塘邊鶴先:唔同意教育系一定要收到尖子先培育出好老師，呢種思維就好落午荒謬。我亦唔會理嗰種收好差 ...

想起自己初為人母時，什麼都不懂， 跌跌碰碰中學習。自己要貼身感受。學習是相向的， 自己在教育孩子的方面， 其實也在孩子身上學到很多。自己看很多書，聽很多意見，多站在不同的位置不同的角度去思考，更努力去持續學習。
在育兒的過程中也在自己管理的思維方面有所改變。這些可以叫做transferable skills。

Doray

ABC-DAD 發表於 17-10-18 12:50
又做下塘邊鶴先:唔同意教育系一定要收到尖子先培育出好老師，呢種思維就好落伍荒謬。我亦唔會理嗰種收好差 ...

現實係邊有咁多熱血人士入行，委身？！點assess佢係咪委身先請？esp 啲老xx得住啲perm 位，冇得升二三十年咁做同一樣嘢，你叫乜人入行呢？

Doray

尤其是香港呢個金錢掛帥嘅社會，你睇吓有幾多成績唔錯入U第一志願是選Education?
我識人唔多，但我眼見得一個讀得唔錯嘅入u讀Edu degree, 仲一畢業被神校recruit 埋，但其實佢first choice 都唔係edu degree.

Doray

我成日被人俾啲的士司機問我係咪做教師，我有時都幻想吓退休後second career 揾啲嘢嚟教吓！
我地呢啲受上一代影響，覺得老師係一個好死板，冇發圍嘅行業，所以我嗰代真係最冇得選，先會選做老師……

所以之前S網友成日話老師薪酬好吸引，我圍內啲friend 真係冇人會咁覺得，等我遲啲問吓後生一輩先得……

ABC-DAD

Doray 發表於 17-10-18 17:17
現實係邊有咁多熱血人士入行，委身？！點assess佢係咪委身先請？esp 啲老xx得住啲perm 位，冇得升二三十年 ...

你咁講，照計而家應該無老師先啱？

Doray

ABC-DAD 發表於 17-10-18 17:41
你咁講，照計而家應該無老師先啱？

唔係冇，係咪真心委身定冇得選先選就難講

Doray

又咁講，我地呢啲塘邊鶴返轉頭被你再選career, 有幾多個會選入呢行？

shadeslayer

planetearth 發表於 17-10-18 14:24
想起自己初為人母時，什麼都不懂， 跌跌碰碰中學習。自己要貼身感受。學習是相向的， 自己在教育孩子的方 ...

你唔同，你有 heart , 多數家長有 heart, 只係可能好心做壞事。

家長不懂教育還可理解，但教師無理由又不懂教育，又話好心做壞事。  除咗無心肝，仲有乜解釋。

shadeslayer

ABC-DAD 發表於 17-10-18 13:43
不能不配服閣下敢言，是其是，非其非。

看不過眼，忍不住口。

shadeslayer

Doray 發表於 17-10-18 17:27
我成日被人俾啲的士司機問我係咪做教師，我有時都幻想吓退休後second career 揾啲嘢嚟教吓！
我地呢啲受上 ...

學位教師起薪點15至17，$28,000 至 $31,000。唔升職，頂薪 $65,100。

最低級文憑教師起薪點 $18,800。

又有TA幫手。

大家自己判斷下。

來源: 教育專業人員協會。

ABC-DAD

ILoveAA2017 發表於 17-10-18 21:28
唔該你睇清楚我寫乜，我係指大學畢業生的學術水平，並非指大學的學術水平。
歡迎你隨時挑戰我的學術水平， ...

趣致。

Vanadium

都回應下呢度幾個points，我唔係一定100%啱，但我好鐘意睇料資同觀察，係教育系統30年，唔計自己讀書。

可能誤會(1): 教師講心，能力其次，能力可慢慢build up。

之前我仍在學校時，interview請教師，的確首要就係要講心，無心、無興趣同小朋友接觸既，絕對無可能做得好教師呢個工作。

可惜，觀察得耐，有心的確係core，但若能力無法突破，始終好多問題。惜日係我工作地方，好多有心既都要被辭退，原因係有心無力，講書唔掂，管學生又唔掂。 部份有心但仍能力有限，教學雖過得去，但無法突破常規，無法創造優良教學手法，腦筋轉不到，不能因才施教因時制宜，結果係有心做好份工，但唔代表份工做得好。早前若話TSA/BCA狂操學生既，可能都係有心既老師，願意付出時間去考去批改學生大量TSA/BCA作業(即去操D學生)，但其實未必係好既教育。

教師做得好其實要求幾高，唔係淨講心。 要talk得，教得好，要能夠將複雜難明既野拆解成容易follow，要好勤力唔怕刻板，改千篇一律既簿幾百本又要趕住交無難度，唔怕做教材、備課備到無得訓，唔怕做又36唔做又36，唔怕職業被比下去，要活潑唔死板，要友善風趣，要靈活，能準確回應變化萬千既學生及佢地既能力，要有專業教學知識，要與時並進，要識電腦、IT、高科技教學，要識同學生有關既活動知識，要有素養，要有道德，有信仰，講句粗口食口煙呢D唔會有人接受，若要升職，要有組職管理能力，要有vision and mission，要處理到文件，要搞得掂人事管理、同事明爭暗鬥，要學校廁所沖唔到水都識整....(下刪一萬字)。

Vanadium

可能誤會(2): 教師人工高，理應請到人才。

幼師: 參看現幼師學歷同工作量，人工根本可以用慘無人道黎形容。

小學老師: 打你升到最高級做校長，管理60個學士、碩士甚至博士同全校行政，人工都只係8萬到，可能仲低過政府專業職系最基本職級既maxi(如工程師、醫生)。

中學老師: 校長人工係MPS maxi(現好似12萬到)。中學人工的確算吸引D，所以事實中學仍較多有才之士加入。但無論如何，當你加入左教育呢行，就算打你可以係60人中做到最高級既人中豪傑，呢個都已係你既終極，但要係60人中做到呢個位，唔少好講同辦學團體之關係，根本唔係純按能力升上去，而且做到都可能已係工作生涯最後階段(即最後10年)。

(PS: 中學副校長人工其實遠低於校長，只係比高級學位教師高兩個points。)

教師其實係完全跟公務員職系，中學最高級之校長，都過唔到MPS。加入教師行業其職涯可以話....就算比你去到.....只可見到一個唔太高之終點，試問真係人才，會因此被吸引到去做?

Vanadium

可能誤會(3): 做得教師應有心，無心應辭工唔好害人。

只怕辭左工，再請返黎果個都係害人。幼稚園至中學教師，數以萬計，要個個、無論老幼、做左幾耐，都有顆火熱既心，會唔會係如共產主義既完美思想?

稍為認真想下，今日大家覺得無心既，會唔會昔日佢地年青時都同樣火熱過?

Vanadium

理想主義無助解決問題。

要教育係人既缺陷/限制下仍有一定水準，必定應從整體制度、管理等落手，唔應該下下期望教師係神人、係德蘭修女。

ABC-DAD

ILoveAA2017 發表於 17-10-18 21:46
我大學畢業時你可能仲未戒奶啊小朋友

尊敬哩，請問高壽？

shadeslayer

有心可能無力，但無心就一定無力，好顯淺。

因為老師身份對年輕人非常重要，要求現職老師有心，對得住人，對得住學生，對得住家長，對得住自己，好高要求咩？

Doray

要求唔高，但呢啲intangible 嘅特質點可以assure?
我post 咗男拔副校退休教主流學校，佢應該是有質素嗰批，唔係唔會三幾年升到副校，但係打後三十年都係做同一樣嘢，我諗起都頂唔順，連佢都有感" 教育制度漸漸令他開始覺得要「應酬」教育局的要求，一切變得只是為了「交差」，時間花在沒有教育意義的事情上，是幫不了學生，「It becomes a job and not a career. 」", 咁你叫其他人點maintain so called 一世教學熟情，樣樣以學生為先？