真心討教各家長 - 資優教育

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 資優教育 › 真心討教各家長

查看: 2420\|回覆: 11	go 真心討教各家長 [複製鏈接]

tangkiki123

別墅

Rank: 4


	823

1^#

發表於 17-9-18 16:20 |只看該作者 |倒序瀏覽 |打印

小囡今年4歲讀K2，一直唔覺佢係資優，只覺比較聰明成熟記性好愛發問。K1冇乜問題，老師評語大多都係讚，缺點只係太追求完美同面皮簿如老師話佢某D野做得唔够好就好唔開心。學期尾時老師叫佢地每人畫幅畫感謝老師，我囡畫完之後係咁喊，老師問佢喊咩，佢話想畫幅好靚嘅畫比老師但自己畫極都唔靚，不過老師同我講話以佢年紀已算靚。到而家K2，問題嚟喇，佢平時喺屋企都會自發寫下1-10A-Z，咁當然筆畫未必啱晒，我仲以為佢好鐘意寫字，点知係相反！開學已有寫字功課，但佢完全冇興趣，揾好多借口唔想做(其他功課就做得好快)，捱左個幾星期，竟然收到班主任电話話佢情緒失控鬧老師！佢喺學校係乖學生，所以老師都好驚訝，我就O晒嘴，原因都係因為唔想寫字，班主任話佢上其他堂都好專心，唯獨到寫字就心散……

2 0 0 0

返回頂部

tangkiki123

別墅

Rank: 4


	823

2^#

發表於 17-9-18 16:40 |只看該作者

…… 我曾經問佢點解唔鍾意寫字佢話覺得寫字好無聊唔明點解_同一個字要寫咁多次仲話如果要佢寫唔同嘅字佢會開心啲另外佢追求完美嘅性格都越嚟越嚴重例如佢好鍾意畫畫一畫可以畫幾個鐘但有時佢畫得唔靚叫我或者爸爸幫佢畫但我哋畫黎畫去都唔啱佢心水佢就會發曬脾氣…… 夜晚亦都成日唔願一瞓覺或覺得瞓覺好無聊嚇媽媽無嘢睇搞到我同爸爸好難頂而我自己性格都有啲燥底嘅所以有陣時真係想爆佢老師都有提過話如果再冇改善嘅話就帶佢check下但就冇講話 checkD乜咁我真心想請教下大家唔理佢係唔係資優住如果要同呢啲小朋友溝通應該用咩方法呢唔該曬大家先

返回頂部

964000

伯爵府

Rank: 8 Rank: 8


	15712

3^#

發表於 17-9-18 16:57 |只看該作者

回覆樓主

是不是細B呢，可能小手肌比較累，另外他們又愛暗中和其他小朋友比較，我女小時都會咁，但大大下自己可以做好D就好好多，好釆我女是中大B。

返回頂部

tangkiki123

別墅

Rank: 4


	823

4^#

發表於 17-9-18 17:03 |只看該作者

回覆 964000 的帖子

佢係大B2月出世，佢平時寫第一個字已話累……

返回頂部

964000

伯爵府

Rank: 8 Rank: 8


	15712

5^#

發表於 17-9-18 21:20 |只看該作者

tangkiki123 發表於 17-9-18 17:03
回覆 964000 的帖子

佢係大B2月出世，佢平時寫第一個字已話累……

咁佢畫畫累不累？如果只是不喜歡抄寫，那試下引起佢寫字的興趣，例如叫佢寫聖誕咭比同學。

返回頂部

tangkiki123

別墅

Rank: 4


	823

6^#

發表於 17-9-19 08:30 |只看該作者

回覆 tangkiki123 的帖子

佢好鐘意畫畫，可以畫幾個鐘……但都好多謝你嘅建議~另外你講得好啱，佢好鐘意同人比較亦好敏感，例如我同佢傾計話某某同學都幾乖(絕冇比較同話佢唔唔乖)但佢會即刻好大反應話我都好乖嗰喎!)搞到我而家講野要好小心，而佢亦越來越鐘意駁嘴同串嘴！有次我同佢講媽咪要落街買D野，佢話唔落得唔得?我答唔得跟住佢同我講話咁你仲企喺度做乜?所以而家我都儘量忍住唔鬧佢，因唔想有反效果。老師話要再觀察下，如果冇改善就去Check下，但又冇話Check D咩，我唔敢同其他人傾訴，因怕D人以為我覺得個囡好叻，坦白講人人都想自己小朋友聰明，但我唔想佢係資優，因有好多問題要處理。

返回頂部

arielxying

複式洋房

Rank: 3 Rank: 3


	488

7^#

發表於 17-9-19 10:44 |只看該作者

你女同我女情況有d 似，我女而家k3但我女就係學校曳果d ，上堂成日周身郁，唔專心，但問返佢講過咩又答到。
我同佢去健康院check 過adhd 話唔係，只係比較活潑......
k1 時老師題過會唔係係資優，因為覺得佢好聰明，k2 老師比較傳統，我女完全暴走左，一度以為要轉校，但而家k3 係k1 時班主任，好好多，無暴走話唔返學...... 但都係勁唔鐘意寫字，佢話難，好難寫得靚......... 佢亞見寫得唔靚就會發脾氣話唔做......
上星期我特登放假去接放學,同老師，我女3 個一齊傾左好耐，之後佢乖左好多,不如你都同學校老師傾吓同問吓佢check 咩，可能會好d~ 可能佢懷疑你女有自閉／adhd／　資優～

返回頂部

tangkiki123

別墅

Rank: 4


	823

8^#

發表於 17-9-19 12:09 |只看該作者

回覆 arielxying 的帖子

好多謝你嘅分享呀~之前都同老師倾過，自閉同過度活躍都九乘九唔係。因我囡喺學校社交完全冇問題，好主動同表演欲強K1佢巳經代表過學校出去比賽，而佢平時都唔太活躍，老師話佢淨係寫字先唔專心，但佢就唔願意接受批評，如佢有野做錯或做得唔够好比人發現就會即黎料！我已經成日同佢講冇人係完美嘅，有錯好正常……好彩佢暫時都冇抗拒返學。老師有話過佢聰明但暫時冇話過資優，淨係有提過話有可能而家教D野野已經識所以冇興趣，要再觀察下。除非情況再差，否則我都唔會同佢check住，因始終年纪太细唔作準。會揾佢學校D社工傾下先，另外想請問下你地D小朋友肯唔肯同你地分享學校情况?因我囡都唔係好願講成日話祕密或求其答我。

返回頂部

964000

伯爵府

Rank: 8 Rank: 8


	15712

9^#

發表於 17-9-19 17:32 |只看該作者

回覆樓主

其實我覺得除非你擔心讀寫障礙，否則評估左都是一樣，佢唔鐘意寫咪遲D先，可能佢未有信心/興趣寫，唔洗逼佢，人地外國都五六歲先寫字，好多時佢過幾個月已經唔同，最緊要同學校傾下比D空間佢。

返回頂部

tangkiki123

別墅

Rank: 4


	823

10^#

發表於 17-9-19 17:38 |只看該作者

回覆 964000 的帖子

非常感激你嘅意見~

返回頂部

arielxying

複式洋房

Rank: 3 Rank: 3


	488

11^#

發表於 17-9-20 11:40 |只看該作者

回覆 tangkiki123 的帖子

佢上年真係0 分享，但今年k3 都有同我講小小學校嘅事，你女情況比我女好， at least 佢乖d 同咁固執.....但佢明顯係同其他小朋友唔太一樣，我都好想快d 知道佢係咩問題.....因為我覺得佢內心好多嘢收埋.......同埋佢學術上我都唔知佢係識定唔識，真係好睇人同心情去答問題..........佢話有magic wo . 至於寫字，可能係佢小手肌唔得，可以同佢玩d 訓練小手肌嘅game , 我都打算同佢玩。但我女下年要升小學，我而家煩緊佢升小問題.....唉。。。。。