急問：保良局瀝源幼稚園暨幼兒園 I 位

ipcs

我今日收到社工通知話派左呢間幼稚園畀我仔讀I位，呢間學校ok嗎?有無讀過o既用家分享??
我仔而家讀緊路德會愛心幼稚園剛剛開左學兩星期，係咪值得幫阿仔轉校?路德會愛心幼稚園就比較近我家，但問左校長佢地o既到校服務滿左，而且佢同老師都開始留意到我仔的特性，我開始時無同佢地講明小朋友係A仔，而家畀佢地知道左，唔轉又唔知會唔會畀佢繼續留低。

如果轉校，保良局瀝源幼稚園暨幼兒園就無校車，即係每日要帶佢坐巴士，而且d校服、書簿雜費全部要重新畀過。

得一個星期時間考慮......

funghon

呢間I位，不是你選擇嗎？
已派位，其實都只有這個選擇。
你選I位名次時，應該已經知道沒有校車嗎？其實好多I位學校都係冇校車的。

maybeechong

ipcs 發表於 17-9-15 16:11
我今日收到社工通知話派左呢間幼稚園畀我仔讀I位，呢間學校ok嗎?有無讀過o既用家分享??
我仔而家讀緊路德會 ...

我仔都排緊i位，開學冇耐又要轉校真係好麻煩既，我都明白，重點係你有冇返工或者有冇照顧者幫手，冇校車真係好頭痕，你有冇考慮e位呀？

ipcs

funghon 發表於 17-9-17 14:24
呢間I位，不是你選擇嗎？
已派位，其實都只有這個選擇。
你選I位名次時，應該已經知道沒有校車嗎？其實好多 ...

我首選係我住果個邨果間，之後就按區填，所以都無得揀呀，而家我都決定選喇。

ipcs

maybeechong 發表於 17-9-19 08:05
我仔都排緊i位，開學冇耐又要轉校真係好麻煩既，我都明白，重點係你有冇返工或者有冇照顧者幫手，冇校車真 ...

我無考慮E位，最後我都覆左要呢個位。

maybeechong

ipcs 發表於 17-9-21 19:18
我無考慮E位，最後我都覆左要呢個位。

你會幾時轉過去呀？愛心返得好吾好呀？

ipcs

maybeechong 發表於 17-9-21 19:21
你會幾時轉過去呀？愛心返得好吾好呀？

10月開始就轉過去喇，愛心都返得ok嘅，今日同班主任了解過個仔嘅情況，話佢言語表達都Ok,指令有時唔識聽，有時會畀同學引開左注意力，不過一叫佢就會望返過嚟，希望佢轉左之後都適應到。

kby

樓主現在小朋友返成點呀？
我小朋友都要排i位想睇吓呢間好唔好

ipcs

kby 發表於 18-1-18 21:25
樓主現在小朋友返成點呀？
我小朋友都要排i位想睇吓呢間好唔好

佢返左3個幾月，見到佢都進步左，返到教會都有好多姨姨讚佢乖左又進步左。老師都話我仔返左嚟開朗左。我同工人都覺得佢返得幾開心。言語方面仲有進步空間，不過已經比未入讀前叻左，起碼講返啱個“杯”字，之前係都要講“錶”，佢都讀返啱自己嘅中文全名。

bearmrsyee

通常i位幾時抽獎架?

ipcs

bearmrsyee 發表於 18-1-19 16:53
通常i位幾時抽獎架?

好似話4月會大抽獎一次，但我收到通知時係9月中，聽講係有家長放棄唔要個位，所以我地唔駛等咁耐。

bearmrsyee

我想派到第一志願
吾知可否三個志願系同一間呢

ipcs

bearmrsyee 發表於 18-1-19 17:05
我想派到第一志願
吾知可否三個志願系同一間呢

你可以問下個社工，我都諗過呢個問題，不過可能等好耐令小朋友錯過了黃金訓練時間。

kby

ipcs 發表於 18-1-18 21:50
佢返左3個幾月，見到佢都進步左，返到教會都有好多姨姨讚佢乖左又進步左。老師都話我仔返左嚟開朗左。我同 ...

其實i位訓練係唔係一個月得幾次?

ipcs

kby 發表於 18-1-20 23:05
其實i位訓練係唔係一個月得幾次?

佢間幼稚園就每2個月有5次言語治療，其他訓練無講幾耐一次，不過就有老師會專門負責睇兼收位的小朋友。

kby

ipcs 發表於 18-1-20 23:34
佢間幼稚園就每2個月有5次言語治療，其他訓練無講幾耐一次，不過就有老師會專門負責睇兼收位的小朋友。
...

謝謝回覆，可以考慮揀呢間