政府兒童精神科

taboba

請問各位, 見政府精神科時. 醫生是否只同家長傾計, 個細路便在後面自己玩. 一路傾一路觀察個細路.

lawwct

回覆 taboba 的帖子

上個月我見精神科，情況同你說的大致一樣

Sask999

taboba 發表於 17-9-15 09:56
請問各位, 見政府精神科時. 醫生是否只同家長傾計, 個細路便在後面自己玩. 一路傾一路觀察個細路.
...

係！

taboba

lawwct 發表於 17-9-16 16:34
回覆 taboba 的帖子

上個月我見精神科，情況同你說的大致一樣

但會唔會好似施下馬威咁，勁鬧個細路? 係個仔冇坐定玩，冇問佢攪其他嘢。咁就被鬧到爆喊。去得果道d細路都有問題啦，點解冇預告便開口鬧。又兇佢話留佢在醫院，攪到佢收咗聲又喊過。其實佢係咪有咩治療目的要咁做? 唔係點解作為一個精神科醫生點會咁做呢? 最後個仔情緒平靜後便去玩lego，直至傾完。走時仲有同醫生拜拜。

Cavebaby

回覆 taboba 的帖子

乜精神科醫生就可以破口大罵？為甚麼要罵個小朋友，佢地罵得聽，我地唔洗咁慘，無計可施！我明天帶個仔去見精神科，第一次見，佢話叫我預兩至三個鐘！等我見完又share下比大家知。
另外，點解只係同家長傾計？無野問個小朋友？只係observe？其實我半年前帶過小朋友見私家兒童精神科醫生，醫生問完家長情況，有乜問題之後就單獨同小朋友傾計。最後醫生叫我唔洗再去，佢話覺得佢無乜大問號，A仔特徵唔係好明顯，有都係好mild，可要擔心佢知力問題多啲，似係平均線下，未到80。但小朋友未到6歲，都未可以check IQ同讀寫住。真係好擔心，黎緊點升小一。

jj100c

其實IQ是次要，情緒心理方面就要從小孩仲未覺得佢自己與其他人不同前，好好管理。最緊要願耹聽佢。否則，到了青春期小孩自尊心受損，不願與人接觸，最後還是做隱閉青年。我仔也是自閉mild,從小便到政府早期做訓練，小學到政府看精神科及心理科，到現在十六歲了，醫生覺得他各方面尢其情緒和人際關係都可以自己處理到，現在不用覆診了。回想起來見心理學家並非輔導亞仔，反而係心理學家教我點樣和亞仔相處，令他覺得雖然在外面發生一D唔開心事，返到屋企還有人支持佢。最緊要找間仔女合適的學校。

chowqv

小朋友細既，精神科醫生應該只係同家長傾，同觀察小朋友，另外會有表格，要求家長拎去學校俾老師填。
阿仔5歲睇呢位精神科醫生，由要3個月見一次，到家下醫生話一年先會見佢一次。暑假時，已經唔係同我傾，係要阿仔坐埋去，同佢傾…問佢學校生活過得如何…

taboba

chowqv 發表於 17-9-28 10:07
小朋友細既，精神科醫生應該只係同家長傾，同觀察小朋友，另外會有表格，要求家長拎去學校俾老師填。
阿仔5 ...

我都有張表俾學校老師填. 預約了11月返去精神科覆診和之前幾日去見姑娘. 上次初診時, 個醫生係咁話我個仔好唔掂, 一定要盡快攪攪佢. 於是, 俾咗封轉介信去見姑娘. 但佢又冇講見姑娘做咩? 請問是否係轉介比姑娘做治療呢? 好似物理治療咁?

chowqv

taboba 發表於 17-9-28 15:06
我都有張表俾學校老師填. 預約了11月返去精神科覆診和之前幾日去見姑娘. 上次初診時, 個醫生係咁話我個仔好 ...

唔知醫生轉介你見咩"姑娘"；各科既治療師都唔同。有職業治療，物理治療，仲有心理學定…通常都係叫"姑娘"xx Sir"；所以你睇清楚，不過見咗先啦。
政府既精神科醫生，淨係"開藥"同"轉介"←←←←呢樣係阿仔睇開既精神科醫生同我講。