佛教志蓮小學如何? 是不是勁多特殊需要學生?

Centaur2018

請問此校是否勁多特殊學生?
聽說一班有五六位特殊學生, 會影響正常學生學習嗎?
有朋友的朋友的女讀緊, 一問家長下, 嚇了一跳,
有中度和輕度智障學生, 又有自閉, 過渡活躍等的學生,
請問, 是真的嗎?

scl227

我有兩位小朋友讀緊, 一位讀中年級, 一位低年級. 這幾年, 沒有發現你所講的情況! 班中也有一個半個有需要幫助的小朋友, 都無影響學習,
相反我個仔講, 好鐘意幫忙這位有需要的同學.

聽我的朋友講, 佢個女嗰間學校, 也有几個特別的同學仔.
我估每間學校都有一D啦, 你唔好甘擔心啦!
我的小朋友都好鐘意依間學校, 讀得好開心,
我覺得課程和活動都好吸引. 放心啦!

pumpkinfly

呢個星期去志蓮聽了兩次講座，李校長主持的，覺得佢真係好專業同有心。不過廣教中同埋唔分班令我有d顧忌，可能我本人有少少怪獸傾向....
明年阿女小一，志蓮好近屋企，唔知填乙三或者乙四是否適當

phoebelamlam

Centaur2018 發表於 17-9-14 22:42
請問此校是否勁多特殊學生?
聽說一班有五六位特殊學生, 會影響正常學生學習嗎?
有朋友的朋友的女讀緊, 一 ...

呢間學校，絕對無愛心，12年前，而家唔知

scl227

回覆 phoebelamlam 的帖子

唔系喎! 我2個小朋友讀緊, 老師很關心學生, 又主動同家長溝通. 現在來了個新校長, 很有心搞好間學校,
我去聽佢講講座, 李校長的學術能力很強,
佢每天都到操場主動同家長和學生接觸, 我感受到佢的愛心囉!  

phoebelamlam

scl227 發表於 17-9-15 11:16
回覆 phoebelamlam 的帖子

唔系喎! 我2個小朋友讀緊, 老師很關心學生, 又主動同家長溝通. 現在來了個新校 ...

我不是什麼朋友說，我只是分享我12年前經驗，可能現在改朝換代，但我對此校，絕對是無信心了

kk1186

回覆 phoebelamlam 的帖子

請問你十二年前有什麼經驗令你有此看法? 謝謝分享.

phoebelamlam

kk1186 發表於 17-9-15 12:23
回覆 phoebelamlam 的帖子

請問你十二年前有什麼經驗令你有此看法? 謝謝分享.

簡單講下啦！因為太長
當時，我囡入此校時，已經講明，我囡是有什麼障礙，你有權選擇唔收，但你選擇收我，又在我未交表前講話有好多支援比小朋友，我就信左個主任，交我對孖女嘅表格落去
9月1號開學，過左兩日半日，第三日半日，書記就打比我，話我囡係學校，比其他同學撞到，流鼻血，我有問，需要去接回嗎？佢答我，唔需要，只係流左小小，止左，之後，放學我見到我囡，條裙上半部，唔止小小血，我就打回校，給班主任，想了解是點撞到，唔打可能仲好，起碼我唔洗係3號風球，紅雨下，湊住對囡去其他小學報名
12年過後，我仲記得老師當時講嘅說話，語氣，太深刻啦
我：x老師你好，我想了解下，當時發生咩事
老：xx家長，小息時，有同學從後撞到囡囡，但囡囡唔識避開，所以鼻撞到地下，所以流血
我：下，從後撞可以避得開?我今次打回來，不是怪責同學，只係想知事情
老師：經過呢幾日觀察，我懷疑xx是智商有問題的
嘩，個下我即時彈起，我問，你從咩觀察下，得出呢個結論，我囡只係讀障，同語障，我都有交回一直在健康院嘅報告比主任，你憑咩比健康院仲清楚?我話，明天我需要去學校找你們，希望你比個時間我
最後，第二日，老師在多人情況下，選擇唔出現對質，社工又偏幫老師，校長又話，小一唔存在支援，因為教署未比錢，我話，但報名時x主任不是咁講，佢又話，x主任已經離職，最後，呢間小學，我對囡只讀了3日半日，就唔再讀了

T96

phoebelamlam 發表於 17-9-15 12:56
簡單講下啦！因為太長
當時，我囡入此校時，已經講明，我囡是有什麼障礙，你有權選擇唔收，但你選擇收我， ...

請問轉咗邊間？

phoebelamlam

T96 發表於 17-9-15 14:10
請問轉咗邊間？

轉左其他區，不在95網

Suetchan

Centaur2018 發表於 17-9-14 22:42
請問此校是否勁多特殊學生?
聽說一班有五六位特殊學生, 會影響正常學生學習嗎?
有朋友的朋友的女讀緊, 一 ...

你講呢個情況應該係佛教黃藻森學校
呢間學校係有特殊支援既

FannyFannyChan

回覆 pumpkinfly 的帖子

果個講座我都有去，我感覺個校長好做個人宣傳多過介紹教育小朋友方法，好似促銷會！冇下次，唔會去！

Centaur2018

Suetchan 發表於 17-9-15 17:05
你講呢個情況應該係佛教黃藻森學校
呢間學校係有特殊支援既

絶不是黃藻森學校,
朋友個女講, 她的班裏有位男同學, 不會說話, 只會叫, 不斷玩口水
一聽而知是智障學生, 都好怕.

為何智障學生都去佛教志蓮小學讀?

apple~y

Centaur2018 發表於 17-9-16 08:47
絶不是黃藻森學校,
朋友個女講, 她的班裏有位男同學, 不會說話, 只會叫, 不斷玩口水
一聽而知是智障學生, ...

其實sen學生間間津校都會有,唔好介意我覺得唔大問題,比小朋友之間學習相處,互相接納包容唔同問題小朋友,也是寶貴一課
最重要睇學校點去幫助呢d學生,家教配合

當然確有能力較差sen學生,家長唔太接受拒絕轉特校
甘就留係主流等畢業
我明家長擔心影響其他同學日常學習
但如果學生有些行為太影響其他同學,我相信學校都會處理

scl227

Centaur2018 發表於 17-9-16 08:47
絶不是黃藻森學校,
朋友個女講, 她的班裏有位男同學, 不會說話, 只會叫, 不斷玩口水
一聽而知是智障學生, ...

這位可憐的同学仔是上年同我個女同一班的，已轉校！
是他父母選錯了並不是津校收生的對象！

啊女回家講，他坐在最後，对同学們不滋擾！
相反，同学們很有愛心和純真地照顧他，幫他收拾書包
教他洗手，拖他落樓梯！

我反覺得同学們上了德育課！

ciu

係咪學校响 將軍澳

pocoyo123

其實全港津校都有SEN生, 只是多與小的問題,有些神校都有,因為佢地好運一樣可以在統一派位入讀, 香港津校實行融合教育, 就算政府評估需要入讀特殊, 家長亦有權選主流小學比小孩讀, 學校不可以拒收SEN學生, 只是跟唔跟得上, 學校有沒有足夠支援, 老師關愛程度, 學校包容與否, 是SEN家長最須考慮因素。

pumpkinfly

FannyFannyChan 發表於 17-9-15 22:28
回覆 pumpkinfly 的帖子

果個講座我都有去，我感覺個校長好做個人宣傳多過介紹教育小朋友方法，好似促銷會 ...

都有D係，不過我又覺得可以理解，對於較弱學校，甘校長資歷好都係一個賣點。
不過佢地hard sell的愉快學習我個人唔係好buy，怕小學愉快左之後，以後有排我喊咯

Potato001

pumpkinfly 發表於 17-9-18 09:29
都有D係，不過我又覺得可以理解，對於較弱學校，甘校長資歷好都係一個賣點。
不過佢地hard sell的愉快學習 ...

志蓮雖然唔係谷，但亦唔似sell 愉快學習，似sell 關愛/平等。

我去過幾次，開放日/小一體驗/觀課/簡介會，有問過老師和校長功課量的問題，答案都是，數量在區內不是最多/最少，算是適中，功課是必需的，有溫習作用。

學校會有分組學習，鼓勵小朋友溝通和說話，以及互相幫助/照顧

課程不會很深（讀私幼的會覺得太淺）, 但好包容。觀課時看的是中文科，小二學生要作句/短文，同學討論完會寫在紙上，有字不會寫可畫圖，之後老師有教番正確寫法。同學舉手答問題，不論對錯，答完老師都會和全班一齊拍手說些鼓勵說話。

我聽簡介會時，大部份時間都是校長發言，其他學校通常校長和主任輪流講，教學團隊的參與不多。

總括來說，是一間很普通的學校，沒有很吸引的地方，但也不是太差。

waiwai2468

scl227 發表於 17-9-15 11:16
回覆 phoebelamlam 的帖子

唔系喎! 我2個小朋友讀緊, 老師很關心學生, 又主動同家長溝通. 現在來了個新校 ...

想問下谷唔谷，謝謝