慈幼生活

miffyjoyz

多謝樓主資料，我仔9月將入讀，上網一直好少用家資料，睇到你哩個帖，令我有更多了解

我仔係以10分自行入去嘅，我覺得會適合佢嘅性格，而且我唔希望學校太催谷，希望我無揀錯啦

miffyjoyz

回覆 Rubyykyip 的帖子

放心，我老公交表果日，校工已經講定明年見，只要你肯揀，收硬，我仔只有10分，都入到
睇返往年自行派位統計，無一年收滿自行學位，所以暫時都係“你肯揀佢就收”
不過而家嘅家長好叻，知道催谷唔係好事，可能過幾年會多啲人報都唔定

YnFung

我仔係18-19年度小一生，15分自行入的 ... 由我仔K2 時我已決定自行慈幼，再係EK 見到樓主呢個貼心post， 我一直有 跟貼。真係比到我好大既信心，好開心能成為慈幼仔媽媽 ...

parkview1224

樓主，有沒有學校最新近況可以講下嗎？
或者其他小朋友讀緊都可以講下呢間學校如何。

Hibubbu

愚問：普教中會唔會唔識中文字的廣東話發音？

Snoobiz

Hibubbu 發表於 18-7-9 21:59
愚問：普教中會唔會唔識中文字的廣東話發音？

不會的。我囝囝讀左4年普教中幼稚園，在家我用慣常的廣東話與他溝通， 學校老師用國語，Net teacher用英文。老師用國語授課，我用廣東話教。完全冇問題，佢同D同學個個都係咁，ok 㗎!佢地自己識轉channel,  放心啦!

PigPig710

parkview1224 發表於 18-6-6 00:12
樓主，有沒有學校最新近況可以講下嗎？
或者其他小朋友讀緊都可以講下呢間學校如何。

對唔住! 好耐無入黎, 大家仲想知道啲咩? 校長會有大改革, 一, 二年級本來兩測兩考, 但今年九月會將測驗改為評估, 英文改用電子書, 會以故事形式, 再加學校老師製作教材教英文, 以減低小朋友讀會壓力, 詳情真係要經歷過先知, 到時再同大家報告下。總括一年級生活來講, 阿仔因為學校生活開心肥左又大隻左, 自信心強左, 閱讀興趣亦多左。只要家長放工願意抽時間陪伴孩子, 要有好成績並不是一個問題。

Hibubbu

PigPig710 發表於 18-7-11 10:54
對唔住! 好耐無入黎, 大家仲想知道啲咩? 校長會有大改革, 一, 二年級本來兩測兩考, 但今年九月會將測驗改為 ...

請問你仔仔果班有幾多人？我look for 小班教學學校。功課我上網見都算少，4-5樣是嗎？小朋友是A仔，適合嗎？謝謝樓主回覆！

parkview1224

PigPig710 發表於 18-7-11 10:54
對唔住! 好耐無入黎, 大家仲想知道啲咩? 校長會有大改革, 一, 二年級本來兩測兩考, 但今年九月會將測驗改為 ...

多謝你既回覆，我都係會向好方面諗，學校改革都係一件好事，期望呢位校長將慈幼做得更光更亮，班慈幼仔學到野之餘又著重品德呢一年都反映出你仔仔係學校養到肥肥白白就知好事

PigPig710

回覆 Hibubbu 的帖子

一班約20人, 功課一小時之內一定做得完, 無論任何特殊需要都在正常班學習, 但老師會觀察及轉介有需要同學在課後上一些課程, 但因我們不需要所以詳情不太了解。亦不是功課輔導班, 因為校長不主張功課太多而將小朋友留學完成, 學校主將在課堂中講解及練習, 一年級功課主要都是一些簡單抄寫或完成作業。

freeze001

PigPig710 發表於 18-7-13 17:06
回覆 Hibubbu 的帖子

一班約20人, 功課一小時之內一定做得完, 無論任何特殊需要都在正常班學習, 但老師會 ...

我上網搜尋，見到慈幼近年發展電子教學，覺得非常吸引，我住14網，可以分享電子及平常既測考情況嗎？謝謝!

PigPig710

freeze001 發表於 18-9-26 20:41
我上網搜尋，見到慈幼近年發展電子教學，覺得非常吸引，我住14網，可以分享電子及平常既測考情況嗎？謝謝! ...

講真, 電子教學我自己覺得只是用來推銷學校。低年級比較少用, 但一年級開始就會教佢地用電腦, 所以佢地對電腦會有基本智識。但我相信其他學校亦有類似平板電腦學習, 只是不會特別用作宣傳。


至於測驗考試, 從前是兩測兩考, 但新校長由今年開始將測驗改為評估, 以減輕家長和學生溫習壓力。亦希望以評估方式讓老師知道學生接收知識進度, 以便跟進一些跟不上的學生, 但由於今年是第一年實行, 所以未能在此分享成果, 可能要等我出年才能和大家分享!

freeze001

PigPig710 發表於 18-9-28 11:02
講真, 電子教學我自己覺得只是用來推銷學校。低年級比較少用, 但一年級開始就會教佢地用電腦, 所以佢地對電 ...

感謝您的回覆! 能有家長願意分享，實在太好，我會再揾多D資料，謝謝妳!

Edisonedith2907

我仔今年k2要開始搵小學，所以我仔有自閉傾向。谷既小學唔啱佢，想搵間輕鬆d比佢，感覺慈幼都啱佢

SPRING_BB

有無家長會幫小朋友叩門？ 是否所有叩門都是必收？

PigPig710

SPRING_BB 發表於 19-6-17 16:01
有無家長會幫小朋友叩門？ 是否所有叩門都是必收？

慈幼唔係熱門學校, 相信叩門都好大機會收!

PigPig710

今年是阿仔第二年既慈幼生活, 九月就升三年級啦! 係時候又再回顧一下今年既慈幼生活~

轉左校長之後, 今年功課量更少, 我自己感覺學校重質不重量, 因為抄寫既比一年級時更加少! 無咁多功課我就變相多左夜晚時間陪佢睇圖書, 唔洗趕溫習。可以留番星期日先溫下書。 但中文仍然是偏深, 二年級時我要買三年級練習給他作考試溫習用才足夠。英文今年改用電子書教學, 學校自己本身亦編寫了自己的教材上堂用, 我自己感覺係簡單易明, GRAMMAR亦是二年級程度。但我發覺阿仔英文說話好左, 唔會驚講英文, 讀英文故事書問題亦不大, 可以自己閱讀。數學同常識亦跟出面一樣, 沒有太特別。

今年學校安排多左唔同種類多元智能課! 阿仔上學期跳舞, 下學期圍棋, 學校都是請出面機構導師回來教, 放學後亦有其他課下活動可以參加, 佢真係玩到傻左~

曾經有家長問我慈幼係咪寶校, 其實我自己唔知咩叫寶校, 我只能夠講學校唔係聯合國, 咩種類學生都收。但當然津校係咩階層既學生都有, 但學校對品德都幾注重, 神父都常常出黎同學生傾計。

我自己選擇慈幼係喜歡學校小班, 每班約20個小朋友, 老師可以容易知道小朋友既情況, 我亦唔喜歡嬴在起跑線, 尤其男仔通常都比較遲, 一間輕鬆既小學打好基礎係我自己既想法。因為一上中學, 你已經沒有時間或機會可以再幫助他。 如果家長喜歡在一線學校既優越感, 慈幼絕對唔適合你! 但必須記住在一線學校除非小朋友係自動自覺讀書既人, 如果唔係, 補習老師必定會成為你既好朋友, 晚晚溫習就係你地既親子時間。請大家考慮清楚小朋友適合邊種教學模式, 而不是用學校係出面既名聲為小朋友揀選學校! 純分享! 希望幫到大家~

bonn1231

PigPig710 發表於 19-6-19 12:31
今年是阿仔第二年既慈幼生活, 九月就升三年級啦! 係時候又再回顧一下今年既慈幼生活~

轉左校長之後, 今年 ...

我地係一年級都過得好開心，慈幼比到我小朋友有歸屬感，真係唔錯。

parkview1224

PigPig710 發表於 19-6-19 12:31
今年是阿仔第二年既慈幼生活, 九月就升三年級啦! 係時候又再回顧一下今年既慈幼生活~

轉左校長之後, 今年 ...

Hi PigPig710

十分認同阿仔既慈幼生活亦開始要踏入第二年（升小二），真係好感恩阿仔入到慈幼，比佢真正感受學校生活氣氛。我唔係太多經驗，但在現今，還有那間學校比到開心愉快既讀書環境。優點太多不能盡錄(emoji)(emoji)

教學方面好欣賞學校自己編寫教材，既生動，唔洗死讀書、死記，簡直好似為班仔去度身訂做。

有機會都想認識下你，也多謝你當年寫出你既感受分享。