如果一日獎勵性質打機20分鐘，會不會越打越想打呢？

YmOra

11JJ22 發表於 17-9-13 20:00
會有反效果？定係直情無得打，放假先給打呢？

男孩子嗎?現今世代好難完全禁止唔俾打機,有個過渡期嘅方法讓你參考下呢!每星期看課外書籍時數的總和的15%為獎勵之打機時數,就算那星期沒有看課外書亦需要給他打15分鐘的遊戲機,如是者,日子耐咗若然效果理想的話甚至乎出現孩子情願睇書也少打機的呢!

MrBeast

獎勵什麼？要講清楚，之後會不會比到位佢要求加時。

另外要約法三章，eg 一定係做完當天的功課溫習才可玩，夠中就息機，唔理佢打到邊，不得異議，etc etc

Honey

我家一至五不可打，週末做完功課可打30分鐘。

momamy

我剛好都有呢個想法，因為而家剛剛開學，想同個仔一齊做個24小時的時間表，打機呢項都有考慮過每日放半個鐘，不過見到樓上的經驗，還是重新考慮一下放到週末比較好

YmOra

MrBeast 發表於 17-9-13 21:28
獎勵什麼？要講清楚，之後會不會比到位佢要求加時。

另外要約法三章，eg 一定係做完當天的功課溫習才可玩 ...

online game好難話停就停,佢哋三五知己約定時間玩,一開始咗遊戲好難話停就停.

rulerL

我就俾得鬆動啲，放假後的頭兩天即星期一、二不准打機，星期三至五每天一小時，六、日每天有3.5小時，如有良好表現還可以加時間。

之所以鬆動俾佢打機，除咗係佢喜好外，同時我發現喺打機過程中，亦有得著。因為佢玩嗰啲係外國game，需以英文同人溝通，間接讓佢學多咗英文外，亦驅使佢自發去加強自身英文能力。

YmOra

rulerL 發表於 17-9-14 19:26
我就俾得鬆動啲，放假後的頭兩天即星期一、二不准打機，星期三至五每天一小時，六、日每天有3.5小時，如有 ...

唔只英語有進步,友人個仔連一些英語以外的方言都識少少,佢話攞"遊戲秘技"唔少得要識番一兩句呢!

MrBeast

YmOra 發表於 17-9-14 16:32
online game好難話停就停,佢哋三五知己約定時間玩,一開始咗遊戲好難話停就停.

...

所以一定要大家清楚個界綫，訂左其實不一定by the book，有酌情處理，eg, weekday 唔打累積weekend 先打。又或好似上面說，多勞多得制

1998Ruby1998

唔畀打，更加會心思思想打（我係人版），浪費更多時間。

行多勞多得制係 work，如果 weekday 唔打，可以累積到 weekend（間接鼓勵佢平日認真溫書做功課）。

我依家同外國人打機（Youtube live video，所有人都會聽到我把聲），要我即時反應，搞下笑話「娛樂」觀眾（發現有我嘅 video 觀看次數多 d ）

noming

1998Ruby1998 發表於 17-9-14 21:23
唔畀打，更加會心思思想打（我係人版），浪費更多時間。

行多勞多得制係 work，如果 weekday 唔打，可以累 ...

邊個CHANNEL??

1998Ruby1998

回覆 noming 的帖子

細 Channel 一個，不過佢依家唔用 Youtube，去左另一個平台。另一個我好少參與，自己都唔係好搵到條片。

Chenglc

以前都係每天做完功課可打一陣，但後來發覺阿仔做得好求其，特別係造句writing果D，連老師都話佢，最後改爲放假先可打機

brother4

朋友的孩子在小學時方法是一至六不打機，星期曰任打。。加要成績好才可任打

YmOra

現今嘅學生人人有手機,平日就算禁打都會暗暗地打咗都無人知呢!

retriever

11JJ22 發表於 17-9-13 20:00
會有反效果？定係直情無得打，放假先給打呢？

下？

未開始最好唔好啦。

唔好信果D “呢年代好難唔打機，最緊要係控制到。。。” 果D 高大空野。。。

各親友既自身分享，10個有11個係相當後悔!

TwinWong

11JJ22 發表於 17-9-13 20:00
會有反效果？定係直情無得打，放假先給打呢？

虛擬世界追分強
學業成績失分易

王家爸爸

MrBeast 發表於 17-9-14 20:55
所以一定要大家清楚個界綫，訂左其實不一定by the book，有酌情處理，eg, weekday 唔打累積weekend 先打。 ...

唔容易實行。

王家爸爸

retriever 發表於 17-9-21 07:51
本帖最後由 retriever 於 17-9-21 07:53 編輯

下？

十分同意，未開始最好唔好試。

MrBeast

王家爸爸 發表於 17-9-21 09:14
唔容易實行。

三歲定八十，二歲開始洗腦條路就易行好多