鋼琴考試

Maggieb1122

請問jm學緊琴的仔女，多唔多唔考2級直接考3級，會否决否經驗，考得無咁好呢？

athenak

My girl's first piano exam is grade 3 when she was K3.  The examiner was very nice to her during her piano exam.  She felt very happy.

allisac

Grade 2 同Grade 3 其實都係較初級考試，三首考試歌能流暢彈出黎，Scale, Aural, 同Sight Reading 唔係好差的話，合格唔難，高分與否就要視乎整體表現同考官俾分嚴謹與否。

LeeCC

我仔都係七歲直接考三級，八歲幾考五級，佢話兩個考官都好好人

Gina11

allisac 發表於 17-8-30 12:40
Grade 2 同Grade 3 其實都係較初級考試，三首考試歌能流暢彈出黎，Scale, Aural, 同Sight Reading 唔係好差 ...

基礎好就係，成個月都無練到45分鐘既，考乜鬼。我前日先有家長問下年考3級比個目標佢，但一首曲彈足成個月，仲要係G major.... 拍子叫極唔數，死要唱（但基本上係無睇乜音就彈,  點會岩）一級都係拉牛拉足1.5 年先彈到去考。（係就係過130 分，但代表什麼？？？）睇怕3級都係學1.5 年以上架喇。一年飛起碼7次。所以跳級，跳什麼級數都唔係一個問題，係能力＋練習足夠問題。

kwokbobo

LeeCC 發表於 17-8-30 19:35
我仔都係七歲直接考三級，八歲幾考五級，佢話兩個考官都好好人

請問學左幾耐先考grade 3?

Jane1983

我小朋友都係第一次考就3級，跟住考5級。

唔好一級級考，因為一要考試，上堂和練習就係以考試為主。咁會好悶，减少了樂趣。

kwokbobo

Jane1983 發表於 17-9-1 12:42
我小朋友都係第一次考就3級，跟住考5級。

唔好一級級考，因為一要考試，上堂和練習就係以考試為主。咁會好 ...

我明白因人而異，但大約由初學到考3級時，請問你學左幾耐？

Jane1983

回覆 kwokbobo 的帖子

大約2年

allisac

Gina11 發表於 17-9-1 10:14
基礎好就係，成個月都無練到45分鐘既，考乜鬼。我前日先有家長問下年考3級比個目標佢，但一首曲彈足成個月 ...

樓主係問考試考得好唔好，我咪純按考試的情況答囉。

當然，純為考試去學琴好唔好係另一件事，但事實上死操爛操係會考到，而且初級一般較鬆手，如果唔係宜家點會咁多人有八級資歷，但無八級實力。

LeeCC

kwokbobo 發表於 17-9-1 10:59
請問學左幾耐先考grade 3?

三年半，但頭一年係老師hea 教，轉過三個老師，到第二年才找到個好老師，認真的教他

adatsui

回覆 LeeCC 的帖子

請問點樣為止hea教？

LeeCC

adatsui 發表於 17-9-1 23:51
回覆 LeeCC 的帖子

請問點樣為止hea教？

兩位hea 教的老師是上堂玩電話，行出行入，遲到，唔記得來上堂，小朋友中意彈琴，自己在家已經彈左好多學校歌，家長同佢講，佢地唔理，無鼓勵性的說話，只系按書本的頁數逐頁教，但小朋友學左一年都唔識睇譜，我後來知道原因，原來因為老師每次都先給小朋友聽，小朋友記住跟住彈返出來，無需看譜
小朋友聽到學校的歌，已經可以憑記憶彈出來，所以問學校要了琴譜，給第一位琴老師看，想請琴老師教，琴老師話，我只教琴書的歌

轉了老師，問第二位老師，她拿著一張第一次彈的譜（大約一二級）手震，試幾次都甩甩cutcut，亦都推說遲些先教

再轉老師，第三位老師第一堂就看出小朋友的強弱項，講出要點教，家長在家要提醒小朋友什麼東西，教家長怎樣協助小朋友練習，亦即時教小朋友看譜彈那首學校歌，結果小朋友可以一個月內會自己看譜試彈一級歌，之後老師每堂給幾首新歌小朋友預習，但從不預先給小朋友聽，故作神秘，等小朋友自己試出來，下堂老師開估，就這樣小朋友進步得好快

adatsui

回覆 LeeCC 的帖子

真系好hea啊。好彩最後都有好老師教，你仔仔都好叻啊，自學能力好強。