有家長會刻意拖慢腳步唔教小朋友嗎？

little_yolky

scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...

講到教叻小朋友, 我又真係無乜發言權。不過, 我覺得學前階段, 除咗學問仲有更多嘢可以學習, 尤其這些都是學咗會定型, 影響日後成長發展。反而學問唔一定從書本獲得, 既然佢學習能力高, 更可以作全方位發展, 唔一定只教書本上既中英數, 對自然既探索、求生技能、性格培養, 都有排學, 而且呢D响學前課業唔重時多多培養, 對日後係有一定既好處, 亦事半功倍。

題外話, 有研究顯示, 幼兒期集中文字閱讀既小朋友, 佢哋小學階段後對圖像較為忽略, 而對圖像有興趣, 又正正同創造有關連。不過, 當然文字有優勢, 响現今香港對考學校係有絕對既影響, 要家長衡量一下了。



就你最後既問題, 如果係我, 我唔會在意佢學快對上學有乜影響, 我更在意如何可以教導小朋友全面發展。至於小朋友係咪自大, 八九成都係睇屋企家長原有態度, 謙虛既家長, 好少會出現自大狂小朋友的。到長大以後, 如果佢仍然真正咁叻, 佢當然會在佢叻既領域自信驕傲, 但同時會有謙虛既態度學習, 如果佢無謙虛既態度, 即係佢叻極有限。因為佢响學問上謙虛, 所以獲得更多知識;  因為佢有超越其他人既知識, 所以佢驕傲; 因為佢想獲得更多知識, 所以佢會常常保持謙虛, 不斷循環不息。

little_yolky

scgift 發表於 17-8-17 11:35
我個女未返k1前基本上除了認字外，學校課程已全部識晒。我問過老師，老師話佢上堂都好留心好定。知佢好記 ...

俾多個例子你, 我細個時阿爸晨早買晒教科書俾我, 我就暑假已睇晒所有書, 識晒。但我上堂會好留心, 因為我會當老師同我溫習, 然後我每日返屋企會溫習+預習, 所以我測考從來唔駛溫書, 但我又唔會唔鐘意返學。雖然我成績好, 但我要繼續做得更好, 我以自己做目標(雖然C6話我咁樣做人會好辛苦)。我細個時對於自己既成績好驕傲, 但見到叻既人我同時又好謙虛(當然見到唔叻既人我都唔會驕傲)。

所以, 你要自己觀察下小朋友, 做父母既個個都係要tailor made, 無話一本天書可以套响所有人身上既。我最大既目標係唔好教個港女同啃老族出嚟。

scgift

IloveJJ 發表於 17-8-17 12:11
咁其實你自己心中已有答案，無需要出帖問呀！咪照住去囉！

你出帖問，自然有唔同答案，我唔係要評論邊種 ...

我就係最近開始擔心自己係咪做錯了…雖然暫時冇影響到佢返學上堂，但我擔心佢因為自己能力高過同學仔而變慢慢由自信變成自大認叻…

因為昨日發生左件事，令我開始懷疑自己一慣既教育方針…諗緊係咪真係有需要停一停，或想辦法挫下佢既自信心…=.="

retriever

scgift 發表於 17-8-17 11:29
生活常識基本上早在bb時期只要佢係開眼既情況，出街我就好似個傻婆咁對住個女咩都講一餐，睇地上一片樹葉 ...

咁你無咩好驚喎...

最緊要唔好理佢咁多, 唔好怕佢蝕底就OK...

bobbob

little_yolky 發表於 17-8-17 12:27
你要自己觀察下小朋友, 做父母既個個都係要tailor made, 無話一本天書可以套响所有人身上既。

呢句真，所以我都甚少講點教仔，其他家長啱用嘅方法往往響我仔身上行唔通

noming

回覆 scgift 的帖子

發生左咩事令你懷疑既教育方針?

scgift

little_yolky 發表於 17-8-17 12:19
講到教叻小朋友, 我又真係無乜發言權。不過, 我覺得學前階段, 除咗學問仲有更多嘢可以學習, 尤其這些都是學 ...

好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教，但令我有點擔憂既係佢可能理解到自己有點小聰明，慢慢覺得自己好叻…例如見佢用心算計數，我讚下佢啦，佢會話"xx同學要數手指唔叻"; 玩益智遊戲極速ko咁多關，我地話"好似個遊戲簡單左啲，不如玩其他好嗎？" 佢會話"個遊戲一啲都唔簡單，係我叻呀！" 有時同佢傾開學校啲野，佢有時又會講xx同xx唔叻/啲同學好bb都唔識野既(好彩既係都有讚某幾個同學叻)…

平時家中大人同佢講野都唔會拎啲小朋友做比較既，我都盡量少用"叻""聰明"呢啲字眼來讚佢，通常係讚"唔錯喎""你好努力/好認真/專心做喎"等等

但唔知係咪喺學校被老師讚得多，定係佢自己留意到自己同同學仔既能力差異，所以開始變得認叻。當然，佢唔係成日掛喺口邊讚自己叻好自大嗰種。只係偶然聽到佢咁講，我內心覺得唔舒服，開始有啲擔憂…

scgift

IloveJJ 發表於 17-8-17 13:31
我覺得「自信」/「自大」，唔係因為你有幾多本事，而係你性格而嚟。
好似我兩個仔，大仔識既野，你問佢得 ...

我個女係自己認為有能力既佢會好有信心咁答問題/試做某啲野。但一覺得唔肯定既事，例如問佢啲開放式題目，佢唔確定答案既佢會話"唔知喎"/唔試。要我鼓勵下才敢試答(通常都答啱或有紋有路既)。所以我才擔心會否越教越多，佢自信心就越大…之後就…

scgift

retriever 發表於 17-8-17 13:43
咁你無咩好驚喎...

最緊要唔好理佢咁多, 唔好怕佢蝕底就OK...

唔理佢咁多…我做唔到呀，尋日嚇死我了T_T我已深切反醒，以後都唔會再咁大意，請各位前輩唔好鬧我T_T

話說尋日同2個朋友仔一齊去左玩，喺玩具店內見佢同朋友仔玩緊+有2位朋友仔媽咪喺度睇住，我就行開一陣睇下野(同一店內，在她們10步距離內)，睇左唔夠2分鐘返去搵佢地，點知阿女唔見左!之後搵均成間鋪搵埋職員幫手出埋廣播都搵唔返阿女!正當我諗緊使唔使報警時，屋企大廈管理處打電話俾我，話阿女自己返左屋企!

由玩具店返屋企要20分鐘左右，要經過3個商場+落3條扶手電梯+過1條馬路!一個4歲未夠小女孩，唔見左媽咪竟然冷靜到自己返屋企，中途完全冇搵大人幫手(佢清楚知道走失應該留喺原地等/請著制服既職員幫忙)!我返到去見到佢，佢個樣係完全冇發生過特別事咁，唔驚唔喊。我問返佢唔見左我點解自己返屋企，佢話想試下自己返屋企，仲話自己識路，識上落扶手電梯，過馬路有等綠燈才過…完全係膽大包天!!!!佢真心覺得自己有能力，能夠自己做得到，更為佢真係做到了而高興!

就係因為呢件事，我怕左佢，4歲未夠就咁，再大啲點算!所以諗緊係咪應該改一改我既教育方針…不如唔好教咁多，等佢冇咁精明，冇咁有信心…T_T

scgift

noming 發表於 17-8-17 14:50
回覆 scgift 的帖子

發生左咩事令你懷疑既教育方針?

32樓答左T_T

retriever

scgift 發表於 17-8-17 16:17
唔理佢咁多…我做唔到呀，尋日嚇死我了T_T我已深切反醒，以後都唔會再咁大意，請各位前輩唔好鬧我T_T

話 ...

呢樣一定要鬧佢!

但內心你應該欣賞佢好醒!



老實講句, 我細路都試過類似, 係出奇地冷靜!

little_yolky

scgift 發表於 17-8-17 15:47
好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教， ...

咁, 佢同你分享佢幾叻, 其他小朋友唔叻既時候, 你就要引導佢其他同學都叻 (當然你要具體講點叻啦), 俾佢知道可以用唔同既角度思考。例如, 同學仔都好叻, 因為佢識得用自己既身體作工具數數目, 好努力計算。努力學習既模樣真是美麗。云云。

little_yolky

bobbob 發表於 17-8-17 14:03
呢句真，所以我都甚少講點教仔，其他家長啱用嘅方法往往響我仔身上行唔通 ...

更且, 每個家長既價值觀都唔一樣。

retriever

scgift 發表於 17-8-17 15:47
好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教， ...

你同佢講, 懂得學習先叻, 懂得努力先叻.
最重要, 叻唔係個結果, 係個過程!

你要多D 讚佢肯努力, 多D 問佢思考過程, 而唔係個結果岩唔岩所以讚佢!

HaYi

我讚成早教, 只要是佢有興趣的, 早教只是開了一度門, 讓他們早些有能力自學.  

另有些小朋友天資好高, 就算家校冇早教, 佢地識的都已超好多, 到小學時可能會悶等, 但家長可以解釋俾佢聽返學可以學到更多的知識, 識朋友, 所以如果上堂老師教的識, 就可以留時間想下老師的教的有冇另一些方式可用, 橫向思考下又可以學得更有趣.  又可以縱向自學喜歡的野, 掘多些, 更投入些.    千萬不要以為自己識晒睇唔起人, 成為井底蛙, 此種才是天才型要多學習的地方.

況且如果是語文能力超前, 冇所謂識得晒, 沙翁寫的都是英文, 每個人都可以學得更多的. 處理得好, 學習態度正確, 我不相信有超前會悶的事.