很後悔入讀毫無愛心的學校!!!

emalanlan

成日問有無愛心，有幾多人真係關心學校愛唔愛你既仔女？？？

作為用家，TT有無愛心？ 一個字”無”!   例子太多，上下午班，ACK／EPK都有甚至小學部都聽過不少，不過因為很多都是涉及個別小朋友的不幸遭遇，怕公開了會影響佢地。 以下只是冰山一角的例子而已:

家長晚會要幼兒挨餓兼挨眼瞓至深夜!

每年聖誕節都舉辦家長晚會 (聖誕節家長福音晚會暨兒童慶祝會)，美其名為慶祝佳節及看小朋友表演，結果? 家長一肚子氣！ 去年12月20日, 上午開Christmas Party, 按平常上學時間返學放學，然後晚會設於同日夜晚，要再回學校。
晚會開始時間是6:30 p.m. ， 其實小朋友 5:30 - 5:45pm已要到課室等候，一些家長為求坐前排拍照聽說於4:00pm已在學校門外排隊入場。我是5:30pm才到, 坐禮堂中後位置。
個個家長期望來看自己小朋友表演，事前只聽說是唱歌。

晚會開場白後，頭2小時都是傳教，先是嘉賓張瑪莉小姐分享佢既見證，這部份我接受到，畢竟她是一個真正智慧與美貌的人，但已用了不少時間，見證完以為開始表演，點知又來牧師來傳教，這部份很hard sell 手法刻意煽情而且時間很長, 即場多次鼓勵舉手然後有人即場聯絡你入會(I mean信教); 老實講，果種氣氛…刻意煽情… 恕我不太接受到這種方式, 當時好想閃，實在難頂。
我一直認為會信的自己會信，不信的唔好強求，不是說主自有安排嗎？其實傳教者明唔明白向沒有信仰的人越Hardsell 只會令人越反感….. 兼且那個時候好多家長已經等得好唔耐煩了!  

然後8:30 pm 後接近9點才是幼稚園生出場表演, 哈！精彩囉，也是一肚子氣最大原因：等左幾粒鐘原來係全級百幾人, 無錯，竟然就是全部上午班學生一齊百幾人上台唱一首歌咁大把，少於3分鐘，完。 完啦! 家長見唔見到自己個小朋友？你話呢？
自己睇下……我就完全見唔到喇! (see photo below)

坐前排的家長都說搵唔到阿! 只見場面混亂，百幾個小朋友逼係個咁細小既台，根本就乜都睇唔到！真係好揾笨!  仲有，這是幼稚園部的家長晚會，但安排最多的是小學部學生表演，宣傳啲乜乜校隊物物校隊，想睇的無得睇，唔想睇的迫你睇！所以一唱完，家長紛紛閃，我都跟住閃，無興趣，而且好肚餓！排長龍接小朋友，再行落山，去到最近餐廳都過了9點半，order得來小兒接近10點先有飯落肚!  聽小兒說5:30pm到校至離開學校，老師只給了數塊餅仔及清水比小朋友 (平時食茶點個啲野)，要3-4歲幼兒挨肚餓挨眼瞓數小時為左百幾人一齊表演一首歌，飛的士回到家沖完涼都已經12點幾呀! 我覺得校方對幼兒非常唔人道囉!  Well, 傳教緊係重要過你小朋友既健康啦! 自我宣傳啲乜隊物隊當然又是更重要啦，你既仔女挨餓挨眼瞓算甚麼？又唔係佢既仔女！  但愛心？我會給負數囉！

emalanlan

除左唔愛小朋友，衛生環境亦非常差

多蚊
真係好多，校方在入學前的簡介會都有強調不適合易惹蚊的小朋友， 結果家長們都嚴陣以待，準備好各式各樣的防蚊水，防蚊膏，防蚊貼，防蚊手帶……等等乜牌子都有 。  如果有留意，連校務處都有幾支防水standby。 老師又噴，家長又噴，小朋友又噴, 噴噴噴!  記住，即使你唔噴，人地都噴，人地噴乜牌子，噴幾多，你完全控制唔到。  結果一入課室就好大陣味 !  我成日好擔心小朋友日日長期吸埋吸埋咁多呢啲，你估下會唔會影響健康呢？唔知道對個腦同智力又有無影響呢？

睇下專家點講：
消委會：兒童用避蚊產品 驅蚊濃度不應逾10%
新聞/專家: 噴驅蚊劑太多可致兒童昏迷 (https://topick.hket.com/article/1479453/噴驅蚊劑太多%20嚴重可致昏迷?mtc=10016)

So, 日日係咁吸高濃度驅蚊劑，吸埋吸埋咁多係影響智力，甚至會死人架~
即使你噴的是所謂天然植物精油做的防蚊膏就無害嗎？問下芳療師吧，吸入咁多精油一樣危害幼兒健康 e.g.燻衣草可驅蚊但就會影響荷爾蒙令到小朋友性早熟!

emalanlan

上山路上處處是「金」!  (慎入! 有片地黃金照片！)

特別是由SFA果邊斜路上山，沿途貓貓、狗狗、及雀鳥的糞便都隨處可見，大家要知道，唔係全部學生搭校車架，好多人係行斜路上學去的。大人同小朋友都好難次次避得開唔中招的。沿途處處是「金」你小朋友唔中招亦唔代表人地小朋友無中招，都唔代表行來行去的家長同老師無中招。自己睇下:

emalanlan

唔換鞋，唔除鞋，幼稚園學生坐地下

哈哈，好難唔中招之後又點呢？ 好野！小朋友齊齊坐地下。
呢間學校學生係不需換鞋，幼稚園同小學都係經常見到小朋友齊齊坐地下，諗起都想嘔。所以我每天一放學回家就要為小兒大消毒。

以我所見，小朋友經常被要求周地坐，禮堂地下，操場地下，課室地下，好污糟！有家長可能反駁說有些課室有提供一片片（如屁股仔大小）地蓆阿，當坐課室地下時每人去另一小片地蓆用個屁股坐住;  well? 有蓆又代表乾淨咩？做下樣而已，啲蓆係唔洗架，而且個個對鞋踏完上去先坐，和坐地下根本完全無分別！而且所謂地蓆唔用時係一片片疊起，底疊面，面又疊底，啲地蓆本身就好污糟!  自己睇相吧…..  (Photo)

emalanlan

校工姨姨唔準小朋友去完廁所襟蓋沖水

好多家長都試過，我都試過帶小兒去完廁所，準備沖水時校工姨姨叫我地唔好襟廁所蓋，要求我地就咁沖水；個個家長都私下鬧咁樣好唔衛生，啲污水好易濺到小朋友。有家長爆料話其實老師有教小朋友襟蓋沖水，但校工姨姨唔鐘意所以唔比，因為啲姨姨驚小朋友襟蓋沖水之後要佢幫手揭返開個蓋，嫌麻煩，所以未沖水就鬧定先話唔準!  同校方反映? 唔好玩啦，無用架，萬一激嬲…你仲驚喇…. 你下下可以係隔離睇住咩?   

學校爆手足口及水痘不通知校外生家長

開學不久，學校相繼爆發手足口及水痘，校方有發通告通知校內生家長上學要帶口罩及注意衛生；但因為TT於週六其實以附屬機構名義舉辦很多興趣班，當中有不少校外生報讀，但關於學校相繼爆發手足口及水痘是完全沒發通告通知這些校外生家長，完全隻字不提，所以我見佢哋參加活動又無帶口罩，學校有呢啲問題但唔講比佢地知，好像為了做多啲生意很不負責任囉…  

emalanlan

老師如何？

老師大部份都很年青，年資比較深的很多都走了，唔計前幾年走的，今年都好多走, 淨係NET離職都6個，還未計其他科呢….  哈哈，你估下點解會年年都咁多老師離職呢？

以小兒班的2位老師為例，都是很年青，沒太多經驗，面對行為有問題或上課不專心的學生都不太處理到或控制到。聽其他上下午班家長反映都有類似問題，但這些我不便在此多說了。  

只能講下小兒那班的一些現象，開學一段時間，班主任向一些家長反映叫她們的孩子收拾玩具個個唔理她。
記得一次和班主任閒聊時一臉委屈向我反映小兒好像不明白她指令, 經常是望住老師唔郁, 最後要老師日日花時間「服侍」佢食茶點同收拾 (心想，唔係呀？你唔早啲同我講？又係我主動問先講! 小朋友就係咁，好鐘意挑戰你底線同想控制返你轉頭, 佢明耍緊你都唔知？) ; (嗱，呢啲唔係叫做有愛心，有愛心是應該用適當循循善誘辦法教好小朋友才叫做愛佢地，而非縱容佢地或服侍佢地最後只會害左佢地); 以我觀察班細路個個其實自理能力守秩序等乜都識，特別是大部份之前都已讀過N班，只係她叫唔郁佢地，我好想建議她好好反省下自己先，但又怕咁直接很hurt她所以無講出口，最後選擇回家同小兒認真傾下叫佢要合作啲唔好再玩老師。
但我唔多覺其他家長有咁做，所以課堂秩序一向都非常….. 之「寬鬆」。
如果這種「寬鬆」代表Happy School，確是太Happy了 !  當然，唔排除會有其他班老師係無咁「寬鬆」的， 我只係講緊小兒那班的一些現象。

我其實盡量唔想評論某某老師有無愛心，咁多老師，緊有一些是家長認為無愛心的，緊有一些是家長認為有愛心。但以小兒的班老師為例，經驗確實不足。另外我看到的是學校本身沒有愛心，這一年來看不出對幼兒有任何關愛….. 為傳教為宣傳啲乜隊物隊要3-4歲幼兒挨肚餓兼挨眼瞓至深夜；知道衛生環境非常差但沒有改善，爆手足口及水痘也不通知校外生家長…..

建議大家用慧眼多做比較，不要像我以前盲目相信所謂的「名氣」，我後悔不已。
另外，過去一年所見所見聞亦令我醒覺到選校最重要原來是愛心，假如學術不適合你個人的要求，尚且可以外補，如果無愛心後果可以是永遠無法補救的。  

最後祝各位尋找到真正適合你們孩子的學校！

mandy2020

謝謝分享, 其實我7月去過入學簡介會, 感覺也不太喜歡, 尤其唔明點解一日到黑都要拍卡拍卡, 返工廠咩?   小朋友連小息時間都要趕住去拍卡拍卡, 無真正休息畤間, 感覺好恐怖, 亦有同感此校系愛校譽多過愛學生, 之前曾聽一位舊生家長跟我說呢間學校最憎家長投訴, 甚至將學校聲譽凌駕於你小孩子的性命之上, 聽到都打冷震  X﹏X

mandy2020

關於衞生環境, 我聽完簡介會行落太子果邊樓梯, 未開始行落第一級就見到一個黑影在我面前跑過, 睇真D系一隻好大隻既老鼠, 我當時帶埋小朋友, 嚇死我地大叫, 我小朋友話唔想讀呢間學校, 佢好驚返學會有老鼠咬佢 (+﹏+)

bbma11

點算? 我女9月1會返K1....睇左你地的分享, 有D擔心

bape0060

emalanlan 發表於 17-7-31 13:33
老師如何？
老師大部份都很年青，年資比較深的很多都走了，唔計前幾年走的，今年都好多走, 淨係NET離職都6 ...

聽完你分享真令我對此學校改覌！
不過我聽完個家長會都覺得學校只重學術，成日強調有幾多興趣班，叫家長聽埋中小學簡介，2小時以上都無break, 一支水都無！聽完成9點，餓死人！就覺得個仔女入去讀應該好辛苦，因為連我自己都聽到暈！

manlyb

bape0060 發表於 17-8-29 11:41
聽完你分享真令我對此學校改覌！
不過我聽完個家長會都覺得學校只重學術，成日強調有幾多興趣班，叫家長聽 ...

係啦，唔知係我冇預先留意佢既完場時間定佢地冇在網頁講，當時又喝又餓，完場即走去揾野食

littlebee_sarah

emalanlan 發表於 17-7-31 13:33
老師如何？
老師大部份都很年青，年資比較深的很多都走了，唔計前幾年走的，今年都好多走, 淨係NET離職都6 ...

快D轉校, 我驚你就快痴線~~

我小朋友讀ACK, 但今年interview已經有以下offer及second interview:
Offer:
真道
音小

2nd In:
DB
Ying Wah
王錦輝
cky


而且我個小朋友沒上面試班, 只學畫畫游水, 仲有上你口中說的祟真垃圾興趣班.......

所以我先建議你快D退學, 留係祟真對你太危險啦~~~

mrsbb9902

littlebee_sarah 發表於 17-10-31 10:38
快D轉校, 我驚你就快痴線~~

我小朋友讀ACK, 但今年interview已經有以下offer及second interview:

其實人地轉唔轉校關你咩事呢？你有果Ｄ offer 又點，想人知你小朋友好彩好叻？同人地投訴學校無愛心有關嗎？

開口埋囗話人痴線都幾無品

mrsbb9902

即是淨系準唱好？公開學校的臭使就被抹黑為痴線，按照閣下的logic.....甘EK 其實都好危險，驚成甘都建議唔好上EK.啦

dinling

家長晚會要幼兒挨餓兼挨眼瞓至深夜!   
我小朋友是下午班，我會4:30pm 自己接放學，然後同小朋友去食野，5:30pm 左右再送小朋友返學校，自己在操場排隊等入禮堂。這些活動都是自願性質，若不太滿意學校的安排，可以不參加或向學校反映一下。
學校辦學宗旨是興學傳道，所以Xmax Easter 都會有一些教會見證分享，可能家長入學前了解清楚學校理念才讓小朋友入讀會好啲，唔洗家長同小朋友都咁辛苦。

kooliestgirl

琴晚第一次去晚會，阿女4：30放學，5：45再上去報到,有over 1hr時間足夠落山食野，絕無捱肚餓，琴晚是張崇德講野，唱了3首歌，是最長的環節，牧師講野唔長，10mins度，本身係Christian,去過無數次佈道會，唔覺特別hard sell.
表情項目全部k2,k3學生都有份，有
d校隊，小學派了drama, choir,管弦樂團，我女k2,是去到尾3個表演項目，表演完即接佢走，8：46pm登上uber離校。
同埋我絕對搵到我女，我坐禮堂中排位，連自己小朋友都認唔到，絕對需要去驗眼，因為我女係台上都可以從台下幾百個家長中找到我們。

豆太太

崇真衛生情況真係咁差？有冇用家分享有冇用家分享？

mama23

豆太太 發表於 19-8-28 13:21
崇真衛生情況真係咁差？有冇用家分享有冇用家分享？

其實我又吾覺得甘差
優點：語境好，多興趣班（平）有校車
缺點：行政較亂，多蚊（貼蚊貼就可解決）
（今年升小，我地班好多自己考直資，私小，都考得好好）

小白羊413

emalanlan 發表於 17-7-31 13:19
除左唔愛小朋友，衛生環境亦非常差

多蚊

我平時好少留言但係都想為間學校平反下，share我睇到嘅嘢，等其他想要解崇真嘅家長有更新嘅資訊 ...我小朋友九月份 （2019年）開始讀崇真嘅ACK K1
開學前睇完你呢個post初時我都好擔心係咪真係咁多蚊, 但係開學到而家我小朋友都冇被蚊咬過喎... 九月份開學嘅時候我都有俾佢用蚊貼同埋搽蚊膏。 近呢兩個月見天氣清爽啲我直頭冇用任何防蚊嘅方法都ok!

衛生方面老師要求每個小朋友書包每日都要放五個口罩，有需要嘅時候老師會幫小朋友戴上口罩亦會定時定候幫佢哋更換。特別一提去洗手間時姨姨有教學生要先閂蓋然後沖廁...可能有你個post到而家已經事隔兩年，學校有改進掛？！🤔

So far我見嘅老師都好好，班主任成日主動打電話俾我同我講下小朋友嘅近況同進度，仲一傾傾10幾廿分鐘，我覺得佢好有心啊！

但係我認同你話學校嘅行政方面係亂啲...有同學仔會調亂左書、食物盒、手巾...仲唔止發生一次...我知道係因為每一個班都有由學校安排嘅家長WhatsApp group, 啲家長會互相溝通第日交換返同學調換左嘅物件😆。...另外學校試過通告上出錯，令我以為自己報漏左興趣班，但係其實都好小事，學校最後有幫我地更正...

興趣班嘅種類好多...有啲可以比小朋友玩下，有啲比較學術 (例如Phonics)... 我覺得係學校呢方面真係做得唔錯!👍🏼 我樣樣都想俾個小朋友學, 篩選興趣班嘅時候真係有啲難度!😆

Eggwong88

我同小白羊一樣係為崇真平反，我都係今年入讀崇真ack k1班，又係有offer時上網搵過好多關於崇真嘅資料，亦心掛掛唔知好唔好take offer，因本身已take左靈糧堂offer。但而家好肯定咁講我係冇揀錯 我亦有擔心過蚊患問題，我好大胆我由開學到而家咩嘢防蚊嘅都冇做過，touch wood至今都冇俾蚊咬過。學術方面我朋友有2個小朋友，一個讀崇真ack k3，一個係靈糧堂k1佢分享話我知崇真確實係比其他嘅私幼淺嘅但又俾其他有學卷嘅幼稚園深啲，所以如果家長們覺得唔夠可以外報下。老師方面我真心覺得我囡果班嘅老師好好，知道我囡初返學時好驚我覺得係嚴重嘅分離恐懼 証 因頭3日可同阿囡一齊上堂，就算我坐係佢後面佢都唔得，個樣係明顯好驚要喊住同我坐，所以老師一星期都打左2，3次電話俾我講佢嘅情況比我知，返左2個星期由喊住唔返學到好想返學所見老師們對佢好好佢先咁鍾意返學。興趣班真係好多，而且唔係太貴。