中學生英文公開試

natnatbaby

小女上中二英文成績普通，不上不下，比較懶左D，小學鼓勵她考劍橋，暑假谷下她上堂，做下卷，小五考PET剛合格到。這兩年英文書又吾肯睇，只靠返學上堂，趁她明年暑期仍是初中，無咩補課，想要她考下公開試，她份人是考試才緊:的人。我見外面FCE,不是很多地方有得讀，是否要自修？有沒有其他更適合的比她考下，得她知己知彼呢？

brother4

物極必反，因小失大，怕失去英文興趣，fce較難相等ielts，fce合格有雅思5.5分，fce滿分=雅思7分。。。雅思ielts是夠16歲才能考。。。現在學英文不一定看書，上YouTube 可聽歌學oral,教作文，教grammer等。。。

1998Ruby1998

英文 5* 經過～

冇考 FCE（其實唔明考 Cambridge 同其他試有咩用，小學同中學都唔睇！）呢 d 公開試只係畀你知道自己大概學左幾多野，而唔係一個目標／里程碑。就好似有 d 人以 Harry Potter／Percy Jackson／Hunger Games 咁黎當係英文程度。

考到 FCE 之後又點？佢咪繼續 hea 囉（畀著我都會）。見你話 PET 剛剛好合格，點解唔試下再考多次？如果成績冇明顯進步的話，就正好話畀佢聽，英文唔可以再咁敷衍。

不過又唔一定要睇書先英文進步，只不過係 input 多左，會預期多 output 而已。更何況有好多人睇完都係一舊雲
我都有上網睇人地 d 打機片、documentary、同外國人一齊打機，學得比學校多。

（我都好懶，中學已經冇咩點再睇英文書）

學 brother4 話，要小心物極必反。

Yanamami

Ruby, 我都係好失敗媽咪，無教曉两个女愛阅讀連報紙都唔睇……日日見佢两个上網睇片，非常担心~大果唔打机，但上網睇人打机，d人边打边粗口满天飛(英文)，我暈……问：你唔打机，典解有兴趣睇人打机？佢話：有幾多人鈡意落場踢足球，但又禁多人鈡意睇波？－样之嘛~又睇好多唔同Youtubers既片~不过end up英文同LS都**,所以諗番起佢成曰話上網学英文(之前美国大選佢追得十分貼)，原來無呃我，係真係学到~

所以楼主，就算阿女唔睇書，唔上堂，如果揾到佢有兴趣既：烹飪又好，美容也罷(仲有好多，如：宠物、旅遊、 时装……乜都好，总之係英文就得，睇睇埋埋就会有進步……我細女小学时睇好多NOW TV, 烹飪、动物、減肥、生仔、整容……应有盡有(英文啦梗係)，升中入到间英文要求高既中学，英文同Eng Lit竟然仲幾ok, 我都頗意外(佢又係要逼先睇書)~
以上堂、補习、乜乜證書学英文，好闷㗎~倒不如你融入生活俾佢接触多d仲好~我大女有排迷英美歌手明星，有好多talk shows, 訪问之类，有兴趣就会跟貼同去睇，听得多咪会進步。

natnatbaby

thanks各位的意見，有啟發性。我囡早前也有看 Utube,约半是英文的，事實不用迫又學到野，近排她看中文多了，英文又少左，希望遲些又多看返英文的片。我想她多看英文書是希望能多方面吸收。其實見中學生真是很少去考這些公開試，也沒得出去上堂。因她學校少功課，她參加二個課外活動，暑假一星期參加三個活動，其餘時間留家，也是其中一個原因我想揾下D野比她學習。

請問打什麼game,有英文片？以前玩mine craft有看英文片，現在玩大陸game,沒看英文片了。看其他做手工片，都是廣東話為主。

brother4

Yanamami 發表於 17-7-31 18:21
Ruby, 我都係好失敗媽咪，無教曉两个女愛阅讀連報紙都唔睇……日日見佢两个上網睇片，非常担心~大 ...

一樣的疑惑，亞大時常上網 ，曾限制佢上網，結果上網學很多野。。今日徒手脫桃皮從網上學回來的。。。

Yanamami

natnatbaby 發表於 17-7-31 19:25
thanks各位的意見，有啟發性。我囡早前也有看 Utube,约半是英文的，事實不用迫又學到野，近排她看中文多了 ...

参加学校辯論隊、時事学会、天文、英文学会……之類吖~

1998Ruby1998

回覆 Yanamami 的帖子

你都唔算失敗，起碼有反省，我屋企兩老仲係度話「冇見你攞過本教科書黎睇！一 d 都唔上心，掛住部電腦！」
恭喜曬，英文 LS 攞星星

1998Ruby1998

回覆 natnatbaby 的帖子

學校一定有通告版提供好多比賽資料，我都係之前心思思去參加一個，又真係畀我攞到獎，3000 獎金＋住一晚大澳文物酒店。（大獎係五日三夜新加坡 Fullerton 酒店）參加下又唔會有咩損失，但係贏左就有大獎！
我睇 Youtube 通常會睇 Game Theory（例如 Minecraft 積木四四方方，到底 Minecraft 世界係圓定係方？）、網絡紅人集體遊戲、玩最新遊戲（自己冇得玩咪睇人玩，近排有 Hello Neighbour、Little Nightmares、Splatoon）。你要搵的話，一定搵到，Youtube 真係好多。我都會睇 Live Stream，可以即時互動，冇得話停低放慢睇。

做手工、煮食我睇英文 channel，有人跟住 Cooking Mama d 食譜整，又真係整到，仲有 tips。

不過英文片我多數睇電影，冇字幕都照睇，睇睇下就會明架喇。

brother4

二位好叻，上網有出頭天，一個孩子考得好 另一位有獎

natnatbaby

好的分享，更有成功的例子。小女都合宜用這個學習的方式吧！她習慣自由的學習摸式，我卻有時看不慣那種散慢，考試才急忙温習的方式。剛才看她玩game, 再想想她學了什麼，亞Q一番。她學了一些歷史人物名字，一些普通話金句，還有幾句英文。

1998Ruby1998

回覆 natnatbaby 的帖子

我中文作文 5 左，冇咩睇中文書（中一睇果本高小版「小王子」已經係最後一本認真睇嘅中文書），靠睇得多甄嬛同步步驚心
不過依家好多 game 都係涉及歷史題材／豐富知識。我都有玩過一個好好玩嘅人生抉擇遊戲，講述高中生活、點樣平衡友情、理性等，通常呢 d 遊戲公司都會每個位都做得好細膩入微，好容易令人代入主角。果隻 game 我玩完之後我真係忍唔住喊，感受好深，果種一切也完結，心靈空虛真係好深刻，我 1 年前玩都依家都記得。我份人都算唔易喊，睇傷心戲都覺得好淒美，就算睇完人地玩都唔覺得有咩，但係呢個遊戲一自己玩真係用英文講就 "I felt nothing. But I felt everything"。呢種遊戲好能夠幫助寫抒情文，無論係英文定中文，就算多粗口多黑暗／兒童不宜嘅情節（酗酒、吸毒、強姦、自殺）都冇問題，咁先夠深刻夠真。

好多電影、劇集都有 d 拍得好好嘅鏡頭／對白（迪士尼果 d 都有好多），好多人唔留意，但係一認真睇就句句寶。例如 “歲月神偷” 有講過「在變幻的生命裡，歲月，原來是最大的小偷。」、「這是你自己從多如繁星般的可能性中抓住的契機」呢句黎至多啦 A 夢電影。所以呢，唔需要咁心急話咩都唔做，又唔睇書。同埋撇開所有，家長點迫都冇用，係唔想追就點都「的」唔起佢，想追就係你不知不覺間已經走到老遠。

不過將來 DSE 中文合格難過英文攞 4，打好中文底未嘗不可。我班中文好嘅同學都係鍾意上網睇中國版跑男、中台綜藝、劇集。

Yanamami

1998Ruby1998 發表於 17-8-1 01:09
回覆 natnatbaby 的帖子

我中文作文 5 左，冇咩睇中文書（中一睇果本高小版「小王子」已經係最後一本認真 ...

救命！我二女又係睇呢d中台综艺、劇集……佢煲冬瓜真係誇啦啦！不过中文科仲係好屎……

Yanamami

brother4 發表於 17-7-31 21:48
二位好叻，上網有出頭天，一個孩子考得好 另一位有獎

哗……呢d反面教材好似踩鋼線，踏错一步可能命都無｡两个女上網係多，但用功时用功~最主要见佢两个都紧張自己学業，我先唯有隻眼开隻眼闭，但见唔少沉迷止網而又荒费学业既……

brother4

知孩子自己緊張學業，一樣隻眼開隻眼閉，兩個日日上YouTube,亞大中文中學考全級尾尾，ielts算合格，符碌入咗本地大學 。。亞細去英留學，符碌考咗獎學金，來年好彩選為學生會亞四(會長)。。。

natnatbaby

1998Ruby1998 發表於 17-8-1 01:09
回覆 natnatbaby 的帖子

我中文作文 5 左，冇咩睇中文書（中一睇果本高小版「小王子」已經係最後一本認真 ...

哈！我囡今期玩大陸game,還抄下一些game内的金句，當中也有得著的。下期又吾知玩什麼了……。以前同學仔學習課外知識的方法比較少，只是看課外書，出外觀察，現在的確途徑多了很多。不過我不太相信運氣，努力也是很重要。

TwinWong

Yanamami 發表於 17-8-1 13:32
哗……呢d反面教材好似踩鋼線，踏错一步可能命都無｡两个女上網係多，但用功时用功~最主要见佢两个都紧張自 ...

認同 最紧要唔好沉迷上网 唔係難以抽身

王家爸爸

Yanamami 發表於 17-8-1 13:24
救命！我二女又係睇呢d中台综艺、劇集……佢煲冬瓜真係誇啦啦！不过中文科仲係好屎…… ...

我啲小朋友都係睇大陸、台灣電影學普通話，但係啲中文好似進步唔大。

Yanamami

王家爸爸 發表於 17-8-16 11:18
我啲小朋友都係睇大陸、台灣電影學普通話，但係啲中文好似進步唔大。

我觉得对listening有幫助，对口語同日常用語有幫助，但对考試未必有幫助，只係令佢对果个語言舒服从而願意多接触，多接解就应会有机会進步禁咋……係香港英文話哂係2nd lang. 要求程度好难同中文比既~

brother4

昨天亞細開YouTube 教AQA English  paper * Rap * 好好笑