家長稱周末郊遊 孩子表現驚訝 英華小學：面試說謊一眼識穿

elbar

【明報專訊】著名直資校英華小學昨起一連兩日共舉行6場2018/2019學年入學簡介會，讓家長了解學校及收生情况，更可即場遞交入學報名表。英華小學校長林浣心表示，今年面試延至9月尾至10月初進行，又提醒家長切忌面試時為爭取好印象而「講大話」，曾有家長聲稱周末會郊遊，孩子即表現驚訝，「講大話一眼看得出」。


160學位料4000人爭


英華小學昨舉行3場入學簡介會，逾2000名家長出席。英華小學校長林浣心表示，去年學校收到4774個小一入學申請，預計今年報讀人數與去年相若，競爭160個學位。林浣心表示，以往首輪面試於8月底進行，教師同時準備開學和面試較忙碌，因此今年首次延至9月尾至10月初進行首輪面試，其間校內學生不用上課，連同公眾假期可放假近一星期。


觀察小朋友自然反應


林浣心指很多家長會為小朋友操練面試，但她指第三輪面試沒預定題目，會按小朋友的行為舉止、與家長的互動等隨意發問，觀察小朋友的自然反應，稱家長不用特別為面試準備或催谷小朋友，「與其花時間上面試班，不如花時間在親子活動」。她強調，家長必須花時間與小朋友相處，不能假手於人，為小朋友報讀興趣班便算。她又指親子關係不能「造假」，過往有家長面試時指周末會與小朋友到郊外遊玩、放風箏，但小朋友聽到表現驚訝，她稱小朋友反應真實，若家長「講大話一眼看得出」。


她又建議家長不要為小朋友報太多學校，美其名掙取經驗，但小朋友不會開心，「曾經有小朋友來面試叫錯校長名字，甚至一坐下就說好煩」，直言家長「威迫利誘」小朋友去面試沒有用。她認為，比起小朋友要準備，家長更要做好準備，「做好為人父母的準備，甚至考慮結婚生子時便要想如何教育下一代」。


「上面試班不如親子活動」


該校學費來年將由每年1.5萬元加至1.8萬元，並引入森林課程，讓學生接觸大自然，有意報讀者可於7月18日至22日辦公時間內前往該校報名。

HK-MAN

elbar 發表於 17-7-15 18:09
【明報專訊】著名直資校英華小學昨起一連兩日共舉行6場2018/2019學年入學簡介會，讓家長了解學校及收生情况 ...

不知所謂既家長....

dereklg

HK-MAN 發表於 17-7-15 18:17
不知所謂既家長....

呢度都大把啦，為了個學位，無所不用其極，人唔笑，狗都叫

HK-MAN

dereklg 發表於 17-7-17 11:39
呢度都大把啦，為了個學位，無所不用其極，人唔笑，狗都叫

笑死

mch411

dereklg 發表於 17-7-17 11:39
呢度都大把啦，為了個學位，無所不用其極，人唔笑，狗都叫

超過70%

dereklg

mch411 發表於 17-7-17 11:47
超過70%

傳說中，有一招係計算行房日期，令孩子出生時成為大B，之後在幼稚園時期瘋狂催谷，有甚者，上午，下午分別各讀一間幼稚園，再在K3時期不抽獎故意REPEAT，到完成第二次K3時，孩子的生字及算術，已催谷至小二程度。

到了大抽獎，得就最好，唔得既，叩門時，以一名小二程度的超大B 去叩小一門，筆試/面試對答等等自然係著數得多。


唔知係唔係真係有人做足全套，使用部份招式的，我卻是認識好幾位的。

lui

dereklg 發表於 17-7-17 11:58
傳說中，有一招係計算行房日期，令孩子出生時成為大B，之後在幼稚園時期瘋狂催谷，有甚者，上午，下午分別 ...

大B再repeat 都冇得抽獎

Felix223

dereklg 發表於 17-7-17 11:39
呢度都大把啦，為了個學位，無所不用其極，人唔笑，狗都叫

Marketing 做得太好，完全講一套，收生準則又另一套，不知所謂，明明小朋友上學係學野，而家D學校要小朋友學咗野先上學交成績，真的本末倒置！

SCboy

Felix223 發表於 17-7-17 12:23
Marketing 做得太好，完全講一套，收生準則又另一套，不知所謂，明明小朋友上學係學野，而家D學校要小朋友 ...

哈哈！考過就知校長講一套做一套。講到天花龍鳳，但第一round已用學術KO剩四百人。其實佢係咪想叫你唔好谷，但佢地學校呢剛完K2學期就expect 你要有p1水平架啦。

MrBeast

其實講大話都答錯話去郊遊，做得出唔低級錯誤，自然易比校長識破

MrBeast

Felix223 發表於 17-7-17 12:23
Marketing 做得太好，完全講一套，收生準則又另一套，不知所謂，明明小朋友上學係學野，而家D學校要小朋友 ...

幾年前有人話只是考反應，e加唔知仲係咪

Felix223

MrBeast 發表於 17-7-17 13:01
幾年前有人話只是考反應，e加唔知仲係咪

我唔信！當然有好多人信！

lulumelody

Felix223 發表於 17-7-17 12:23
Marketing 做得太好，完全講一套，收生準則又另一套，不知所謂，明明小朋友上學係學野，而家D學校要小朋友 ...

林校長marketing好掂，講一套做一套，佢自己都講大話，重要經常扮教育學者。

HK-MAN

lulumelody 發表於 17-7-17 13:32
林校長marketing好掂，講一套做一套，佢自己都講大話，重要經常扮教育學者。
...

可唔可能將呢個POST吹上A1呢??等全香港人都了解佢多啲..

suzuki12

Felix223 發表於 17-7-17 13:02
我唔信！當然有好多人信！

校長無話唔重視學術，係要求唔催谷之下就要識小一學術（數學乘法）/時事/禮儀/邏輯/記憶力，仲要係要求家長自行發功，唔好交俾人做。同埋要發功就最好星期一至五做，星期六日要「真」郊外大自然/行博物館，仲要小朋友要記住上學術班最好唔好講，但一定要記得去過遊山玩水。要求小朋友有強勁學習能力學野要快，先可以迫出時間來遊山玩水，學校繼而放大後者而非純強調學術要求，因為在校方眼中，k3頭有小一學術程度係基本嘅，分別就係邊個係齋谷齋讀書/邊個玩得又讀得。再看看該校過往收生情況，大部分係九龍塘兩大名幼（當然有零星漏網人士），上午上課，下午學術/興趣班，星期6出去訓練比賽爭獎，星期日迫出時間家庭日---參觀/社區活動/遊山玩水，日復日咁做，再加埋家長在家陪讀發功。

lulumelody

HK-MAN 發表於 17-7-17 13:38
可唔可能將呢個POST吹上A1呢??等全香港人都了解佢多啲..

依到好多人當佢教育学家，終於見到有人講出佢真面目，佢經常話家長係怪獸，教小朋友講大話，其實最大的大話係佢，最怪獸係佢。

suzuki12

lulumelody 發表於 17-7-17 13:56
本帖最後由 lulumelody 於 17-7-17 13:58 編輯

依到好多人當佢教育学家，終於見到有人講出佢真面目，佢 ...

上到佢小學部，校方重視課外活動、校隊訓練、校內外出賽。學術成績係基本要求（記得有家長講過阿仔測驗9x分都排級尾），測驗/默書/考試要家長自行搞定（自家教/外補，各施各法）

suzuki12

suzuki12 發表於 17-7-17 14:00
上到佢小學部，校方重視課外活動、校隊訓練、校內外出賽。學術成績係基本要求（記得有家長講過阿仔測驗9x ...

奇怪係佢講左咁多年，都係差不多嘅說法，點解佢仲繼續講得出口？根本面試過嘅家長/小朋友都知道，點解校方依然咁公開講？家長又會信？

HK-MAN

suzuki12 發表於 17-7-17 14:04
奇怪係佢講左咁多年，都係差不多嘅說法，點解佢仲繼續講得出口？根本面試過嘅家長/小朋友都知道，點解校方 ...

不知所謂的校長...

Felix223

suzuki12 發表於 17-7-17 14:04
奇怪係佢講左咁多年，都係差不多嘅說法，點解佢仲繼續講得出口？根本面試過嘅家長/小朋友都知道，點解校方 ...

坦白說，考得入去讀的小朋友真係非常叻，呢句真。
個talk 唔講得咁出眾，又邊有咁多家長甘心去報？報名費相比其他學校係唔平！