四年嘉記經驗

stu-the-little

好後悔4年前入讀這間學校，學校欠缺愛心，十分商業化，好多事情都是「利」字行先。

記得有次英文週，請了家長參與活動與小朋友玩，少部份家長缺席而他們的小朋友就只是坐在地上看着其他有家長的小朋友玩，看得出他們不開心。這個安排十分差。

有部份老師是好的，但在校長帶領下，更好的老師都只會做本份。每次活動都好混亂，校長多次在家長面前都不太尊重她的老師同事，她自己真的做到「先求人格 後求卓越」嗎？

學校做得比較好方面是學術(學校好谷, 不是happy school)，其他各樣就好麻麻，尤其是衛生。有次班上數多個小朋友同一時間病了，又有小朋友在學校嘔吐，原來係諾沃克病毒，有小朋友入了院，因在家長群組各有溝通所以知道情況。班裡多人請病假而家長又有主動通知學校感染病菌，為何要等家長幾天後打给衛生署學校才出通告。

我不覺得我小朋友喜愛返學，只知返學因要學習。我小朋友越大越欠缺自信心，雖然已和學校反映但沒有幫助，幾年來學校所有校內校外比賽或表演機會來來去去都是給嗰幾個小朋友。

學校年年都公佈升小一結果，請各家長千萬不好相信學校會幫你。好多學校派位前一早已準備好推薦信給學生，我們就要等派位結果才返學校要求推薦信，而我面對最荒謬的事情就是校長給了我一封皺巴巴的正本信，當我要求再發信時，學校告訴我，把信影印就看不出皺。其實我要周圍叩門已經好無助，推薦信雖然未必有用，人有我有心態，但比一封皺的信，我感覺少少尊重都沒有。當小朋友和家長全靠自己叩門成功，學校就第一時間貼上壁報板上給其他家長錯覺學校好犀利。

讀完四年和其他家長講返，好多家長都有不滿。我大小孩9月升小一，而細小孩就算免學費我都不會讀這間學校。

完

lee2015

你小朋友最後升左邊間小學

cutepigzoe

我女兒在這間學校剛剛完成了n班，K1會去其他幼稚園就讀。
說真的，這學校非常一般，愛心上有改善空間，我女兒試過好幾次表示不要返學，我要主動致電學校才知道原來女兒在學校曾經發生過什麼事而反抗上學，試過幾次，幾次都是這樣。
一年轉了三個班主任，有個別老師是好的，要看好唔好彩是那位老師負責做班導了。

整體而已，不值這個學費，認同樓主所講，商業化欠愛心，幸好當天有其他學校收女兒，K1可不用繼續在這學校上學。

stu-the-little

cutepigzoe 發表於 17-7-17 07:24
我女兒在這間學校剛剛完成了n班，K1會去其他幼稚園就讀。
說真的，這學校非常一般，愛心上有改善空間，我女 ...

我和你一樣，9月細孩子會轉其他幼稚園讀K1。希望多點家長在此分享學校真實情況，有助其他未入讀家長做個正確的決定。

DAUDAUCAT

我聽說今年K3派位很差, 而我囡也將讀K2, 有些擔心

citcit

好贊同樓主嘅講法，每次學校有任何活動都來來去去果十個八個學生參與，其餘嘅學生都好似活動佈景板咁。
連同家長參與嘅家長義工，都可以時時重複某幾個家長，而有d家長就從來無被(emoji)請過，真係厚此薄彼到好嚴重。
學校根本從來無用心關心過d小朋友，眼中只有$,只係理幾個易教同較聽話嘅細佬。白白浪費咗我哋小朋友咁珍貴嘅幼稚園時間!
奉勸有興趣嘅家長們三思。

chs_888

我都覺得嘉記唔值得讀，尤其是校長不是把小朋友的健康放首位，記得復活節假期期間（只有10多天假）竟然可以將學校大裝修，校長沒有理會家長的反對，最後有家長到教育局投訴，可惜這校是私校，教育局亦沒有辨法。

leithho

坦白講，其實依間學校真係會比好多機會學生表演的，無論校外還是校內，只要你成績係最前果批，學術係最出眾果批，學校一定會比足機會你，否則的話，個別教師真係連義工家長都只會比對學校有貢獻嘅學生的家長，始終依間都係私校，一定係商業化啲嘅，好唔好就見人見智喇，好多嘢都係要靠家長自己做，叩門學校又真係幫唔得到你幾多，但有啲小學又會鍾意依啲比較谷嘅幼園出黎嘅學生，可能幫得到你嘅係靠學校個名氣，而唔係手頭上果封信囉，不過入得依啲學校都係預咗靠自己㗎喇，學校只係比個名你啫，所以睇開啲啦，心情會好過啲嘅~~

stu-the-little

leithho 發表於 17-7-20 16:20
坦白講，其實依間學校真係會比好多機會學生表演的，無論校內還是校內，只要你成績係最前果批，學術係最出眾 ...

應該係我不適合讀私校吧，所以難以理解學校做法

leithho

stu-the-little 發表於 17-7-20 23:48
應該係我不適合讀私校吧，所以難以理解學校做法

其實讀依間係貪佢夠近，本身唔係貪佢夠唔夠谷，又冇特別去谷佢，所以雖然小朋友係被遺忘果一群，個別一年有個班主任真係連義工家長都冇我地份，但其餘三年好彩班主任都ok，有愛心，所以小朋友讀果四年都係好開心

咖央

呢啲以前讀緊都知。
但上到小學，我留意到嘉記畢業，比起其他幼稚園嗰啲，嘉記嗰批都係成績比較好，比較聽老師話 .

咖央

DAUDAUCAT 發表於 17-7-17 10:51
我聽說今年K3派位很差, 而我囡也將讀K2, 有些擔心

其實年年派位啲家長都投訴派得差。
但無計喎，派位跟本唔睇讀咩幼稚園。
叩門，隔離間小學，幾百份叩門，別人連111都無得in,真係靠好彩

咖央

今年算ok啦，我隔住玻璃望到入讀隔離間小學有大約20人。舊年得10個左右咋。

表演，梗係搵啲企得定，醒目，話頭醒尾，因為代表緊幼稚園，上到小學呢啲情況都一樣，小學上台攞學業獎永遠得嗰堆人，小學運動勁永遠得果幾個，小學揀人去比賽揀得更“唔透明“。老師不會花咁多時間去畀機會所有學生。我小朋友都做過所謂透明人，到小學憑佢自己努力去發展自己

COE1205

而家嘉記變成咁
我仔當年都係讀呢間,今年都升小五啦! 真心覺得我仔讀果時算唔錯,托賴阿仔成績至今仍然維持係中上,到而家阿仔仍然係成日比人讚好有禮貌,呢樣嘉記確實係教得好好,從小已經根深柢固咗

咖央

COE1205 發表於 17-8-7 16:58
而家嘉記變成咁
我仔當年都係讀呢間,今年都升小五啦! 真心覺得我仔讀果時算唔錯,托賴阿仔成績至 ...

係啦，嘉記品德培養同禮貌做到第一。
我不會忘記老師對我小朋友嘅耐性。

ani

回覆 COE1205 的帖子

... 咁多負評... 唔通而家真係差左好多？  我個大仔早幾年响嘉記（沙田校)畢業, 嗰四年佢都話好開心, 佢每次都遇到個好好嘅班主任, 尤其N班個譚老師, 非常有愛心, 唔知而家係咪已經冇再教呢？

咖央

ani 發表於 17-9-3 22:17
回覆 COE1205 的帖子

... 咁多負評... 唔通而家真係差左好多？  我個大仔早幾年响嘉記（沙田校)畢業, 嗰四 ...

有時我見佢行返工咖。
下次我留意下先。
我現在仍每朝見到主任同老師。
我覺得自己小朋友讀咗4年都咁乖，識敬老，尊敬老師，長輩，同尊重任何職業嘅人，幼稚園真係好重要。讀經典都係導人向善 ，呢啲道德教育 ，小學唔會得閒教咖喇。
行政安排呢啲都係其次啦，去到第二間咪又會行政混亂。教育係睇對學生有無正面影響。

kurocat

所以早在K2 轉校

校長真係會閙老師