升k3想學英文

上等人

小朋友讀普通幼稚園，英文唔識聽唔識講，連認字都唔掂，學校有教單音拼音，亦開始報出面讀英文併音，但發覺教得太慢，學了2個月都係教到p音。重係單音，但有聽下併音歌仔同讀併音生字，好似唔多對路，想請教大家應該點學或者去邊間學較有成效。british council對我黎講太遠，最好沙田，馬鞍山，大埔區。只希望搵間學得全面d，識聽識講。馬鞍山，大埔monkey tree 好嗎？有用家可分享一下嗎？

scgift

語言係要俾時間浸的。就算係母語，小朋友由出世到伶牙俐齒都要花好幾年既時間吧。

學語言既次序應該係"聽、說、讀、寫"。首先要大量輸入(聽)，日子有功就能夠輸出(說)，讀、寫係再之後既事情。外國小孩係5-6歲才學phonics，英語已能聽能講，學左就能自行閱讀。
Phonics絕對唔係學來增強聽講能力的。

我自己屋企只講廣東話，阿女10個月大開始上英文playgroup(每星期一堂), 1歲左右開始伴讀英文故事書，歲半左右開始每日睇一陣英語卡通片及大量聽英文兒歌。3歲左右睇多左廖彩杏書單既書(+每日聽該書既cd,目的就係磨耳朵 - 聽力)，9月升k2(9月開學才足4歲)。讀K1後開始間歇性學Phonics(因為係自己教，唔係定時定候教，主要係等學校長假期才教)，佢而家已經可以自行拼讀4-5個字母既生字+聽音能串，在引導下(教佢跟音節拆開拼)能自行拼讀+聽音串出比較長既生字(如caterpillar, helicopter,hippopotamus等)，有能力(要提佢自己拼讀，唔提既話就掛住睇圖畫等我伴讀)自己睇到ort stage 2。聽方面基本上上堂/睇英文卡通/聽audio book都冇問題，大概明白。講就只係簡單句子，始終在家唔點講英文。

講返phonics班，如果每星期一堂，2個月教到p音係好正常，唔係慢。有啲center 係每堂教一個音，即要26個星期才學晒基本單音。而且你話學校有教，是否已教晒26個單音？小朋友記唔記得？記得既話外出再學基本上係可以跳過單音架喎。另外，就算喺出面上堂學，課堂以外都要加以温習/運用才可以記得牢。

記住學語言係冇得心急，想要盆栽開花結果，之前既耐心栽種係必經階段。

上等人

scgift 發表於 17-7-8 07:21
語言係要俾時間浸的。就算係母語，小朋友由出世到伶牙俐齒都要花好幾年既時間吧。

學語言既次序應該係"聽 ...

多謝你意見，獲益不少。我會順住這方便去繼續。另，你說得對，我真的心急極了，所以好亂唔知從何入手，升k3更加令人緊張。

LR1216

上等人 發表於 17-7-9 20:49
多謝你意見，獲益不少。我會順住這方便去繼續。另，你說得對，我真的心急極了，所以好亂唔知從何入手，升k ...

可以平日多聽YouTube 上好多ABC歌仔