私人教5級樂理好還是找Tom Lee 暑期班學好呢?

heiB

我囡會10月考5級樂理，琴老師提出私人教授，佢話要學3個月，每次一個鍾，約13堂，如女兒跟不上才加堂。
Tom Lee 5級樂理暑期班也出了，也可以代報10月的樂理考試，為期13堂，一星期2堂，但每次2.5小時，但係8月尾就學完，之後要自己温，除非找老師補課。

問了老師，Tom Lee要用咁多時間學，佢話13堂得，會不會教得好急，佢話有少許。

我囡已是中學生了，雖然領悟力會好D，但32小時的課程點可以縮短到13小時，會不會有邐基本東西不教呢?

其實私人教好還是找Tom Lee 暑期班學好呢?有無意見可作參考?

MushroomLi

學費差多少?tim lee 一班多少人？同班年䶖差多少？呢D我會考慮.

ivory0915

我小朋友以前學班的 (不是 Tom Lee) , 其實都多野學, 今年十月又係舊制最後一次 (明年新 syllabus), 時間充裕 d 好.

heiB

回覆 ivory0915 的帖子

謝謝你的意見。總是覺得將時間由30小時縮到12至13小時，好似有D難度。

ivory0915

heiB 發表於 17-6-27 17:40
回覆 ivory0915 的帖子

謝謝你的意見。總是覺得將時間由30小時縮到12至13小時，好似有D難度。

我覺得差不多 level 的同學, 有時大家會犯 similar 的錯誤, 由其他人的錯誤中學習, 也是有好處的.

clarise_lau

出面樂理班會有唔同年紀、唔同樂器嘅學生，鋼琴學生會較好，起碼識得兩個譜號，其他樂器學生通常只識一種譜號，呢一方面亦會令進度拖慢咗。所以如果報班際嘅樂理課程，就問清楚琴行會點安排？人數、學生major 什麼樂器、年齡。
另外，班際上課時間一定會長過一對一，因為要照顧返咁多位唔同程度嘅學生。
其實 我平時都係同家長講大約12~16堂樂理Ok (單對單)，試過有中學生上咗十堂就教晒，成績係90分以上。我相信鋼琴老師都有自己嘅經驗 及教法，了解小朋友嘅程度去到邊，而作出13堂這個結論。

meowlwk

heiB 發表於 17-6-27 10:27
我囡會10月考5級樂理，琴老師提出私人教授，佢話要學3個月，每次一個鍾，約13堂，如女兒跟不上才加堂。
Tom ...

各有各好，班的好處係有同學一齊上，會有競爭心，上堂有人一齊學感覺無咁悶，壞處係好似樓上咁講，有時跟不上的同學會拖慢進度，但其實教得樂理班的老師都有哂一對幾的經驗，相信會處理到，當然學生自己都要勤力

私人上就集中啲，學生有咩問題都可以即時解答，老師解釋到明為止唔洗顧其他人，無咁好的地方係自己學會有少少悶囉

至於堂數其實每個老師都唔一樣，而且都跟據唔同學生的能力要上唔同堂數

一般我教係 20堂每堂一小時，其實正常12-14堂可教完考試內容，最後幾堂用來操pastpaper，操3-5年以上

除非學生本身樂理知識近乎零，又唔識畫音(真係有咁既學生)
咁就要教耐點