點解呢個世界上可以有咁無品既小朋友

little_yolky

點解呢個世界上, 可以有咁無品既小朋友。

話說阿女們上興趣班, 有兩個地區名校既小六女仔。佢哋break時同女女聊天, 問女女讀邊間學校。阿女如實講, 點知佢哋話：XX呢間學校好差既, 你哋一定無前途。


然後, 其中一個女仔又話阿妹好醜樣(因為佢剪短咗頭髮), 又話阿妹對眼好奇怪。搞到阿妹係咁照鏡, 研究自己對眼有咩奇怪。


我真係理解唔到, 都11歲了, 六年級了, 講說話都仲可以唔經大腦, 可以咁無禮貌。其中一個阿媽我仲識的, 佢阿媽相當有禮貌的, 做乜個女搞成咁。佢讀書咁叻, 正常呢D唔駛人講都知道既禮貌, 會唔識嗎? 幼稚園小朋友都知道乜嘢應該講, 乜嘢唔應該講啦。佢哋到底知唔知道自己好無教養的。


呻完。

1998Ruby1998

可能係個阿爸或者其他長輩，耳濡目染。又或者，個媽媽表面有禮，但係翻到屋企就現形。

可以教你個女講：

英雄不問出處，（然後又引用甄嬛名句）容不容得下我，是你的氣度。能不能讓你容下，是我的本事。你話我醜？其實你個樣都唔好得去邊。
以後唔好再同我講野，免得我 d 腦細胞死曬。

（以上皆為教壞細路之言，切勿模仿）

little_yolky

1998Ruby1998 發表於 17-6-26 13:16
可能係個阿爸或者其他長輩，耳濡目染。又或者，個媽媽表面有禮，但係翻到屋企就現形。

可以教 ...

阿女們無理佢, 行開, 話以後唔同佢講嘢。


我好奇怪佢學校咁嚴, 都可以咁無品。阿女學校咁「差」, 但係小朋友點曳, 都無咁樣話人哋外表。人哋鐘意短頭髮, 關你鬼事咩。

MASAYA

影衰間地區名校，成績幾好都冇用

little_yolky

MASAYA 發表於 17-6-26 13:25
影衰間地區名校，成績幾好都冇用

咪係囉, 間學校好好的, 真係樹大有枯枝。可能呈分辛苦過頭, 讀壞腦。

mch411

小朋友學父母, 係你面前有禮貌,
可能私底下係佢亞女面前另一個人,
正常小朋友又點知邊間學校好定唔好,
好明顯有人同佢講你係咪想似呀邊個個女
讀間冇前途學校

jc2009

老實講, 小朋友說話方式是直接受父母影响或教導, 也是一種態度; 如果是我囡兒咁講嘢, 一定被我責罵, 相反, 那位沒禮貌女孩根本唔擦覺自己說話有問題, 好明顯是父母教導問題, 我會藉此給女兒一面借鏡, 不用理會一些無謂的惡意批評.

planetearth

little_yolky 發表於 17-6-26 12:52
點解呢個世界上, 可以有咁無品既小朋友。

話說阿女們上興趣班, 有兩個地區名校既小六女仔。佢哋break時同 ...

教囡囡對D無關重要嘅人或事，可以選擇ignore. 佢有選擇權，選擇一些真心對自己的朋友。佢都可以睇唔起呢D低级的行為，為自己善良的心而嬌傲，感恩有些真心對自已的朋友。
六年班其實都好唔成熟，我自己细個屋企比較窮時都成日比一班人(女仔多)bully. 不過都感恩有一些善良的好朋友所以都唔係太難過。

judy

話說阿女們上興趣班, 有兩個地區名校既小六女仔。佢哋break時同女女聊天, 問女女讀邊間學校。阿女如實講, 點知佢哋話：XX呢間學校好差既, 你哋一定無前途。

两個小朋友可能上得BK多，見到家長小小嘢呼天搶地。又睇唔起band2-3 學生，考得差小小就世界末日等等。

小朋友以為佢講嘅係真理。

MC1128

judy 發表於 17-6-26 14:50
两個小朋友可能上得BK多，見到家長小小嘢呼天搶地。又睇唔起band2-3 學生，考得差小小就世界末日等等。

...

Yanamami

有时又未必关佢阿媽事……六年級同学间都時有討論唔同学校……

planetearth

judy 發表於 17-6-26 14:50
两個小朋友可能上得BK多，見到家長小小嘢呼天搶地。又睇唔起band2-3 學生，考得差小小就世界末日等等。

...

所以要識得ignore D對自己唔重要的事.

little_yolky

judy 發表於 17-6-26 14:50
两個小朋友可能上得BK多，見到家長小小嘢呼天搶地。又睇唔起band2-3 學生，考得差小小就世界末日等等。

...

去到六年級咁大個人, 就嚟升中喇, 咁簡單既禮貌、是非黑白、對錯都仲未識分, 我為佢哋父母同老師感到難過。

MC1128

little_yolky 發表於 17-6-26 15:13
去到六年級咁大個人, 就嚟升中喇, 咁簡單既禮貌、是非黑白、對錯都仲未識分, 我為佢哋父母同老師感到難過。 ...

撇開你提及的事件

禮貌、是非黑白、對錯, 真係好多成人都無

vpo0615

呢D都係社會嘅縮影, 小朋友早D面對呢D, 父母正面引導, 都係幫小朋友上咗一課.

b3410

6年級，唔可以話年少無知了。
真係令人汗顏。

囡囡做的啱，唔使理佢

siden

little_yolky 發表於 17-6-26 13:24
阿女們無理佢, 行開, 話以後唔同佢講嘢。

我果間都係學校出名嚴

阿女在校車都被某幾個高年級恥笑bully，情況同你女短頭髮類近。

叫褓母調位離開果幾個後即刻冇事。

樹大有枯枝，地區名校全港名校甚至神校，也總有狗口長不出象牙嘅冇品小朋友。

學校有學校教，家長有家長教，小朋友都係唔受教係屢見不鮮，所以名校加好家教也是能養出如此冇品的小朋友。

Jane1983

呢d係社會縮影，教小朋友如何自處，面對呢d咁既人咁既說話如何拆解。

小朋友唔使吓吓 be the bigger person的，頂唔順就回敬佢，無謂谷壞自己。話人醜樣？佢唔照鏡睇吓自己咩猫樣。話人無前途？仲有咁長路，邊個赢邊個輸邊話得埋。

brother4

又關名校事?好似是小朋友自己質數及父母身教多D。。。放自由講塲討論區好D。。。哈哈