請教：ADHD過來人

cathylaw22

仔仔4歲半，由細到大都冇時停，唔專心，非常心急同易發脾氣，3歲時做評估有學習遲緩，但就冇話有ADHD，今年年頭去左睇私家精神科醫生，醫生都覺得佢係ADHD，但唔鼓勵咁細食藥，寫左信俾我地去排政府精神科，排到下年8月先有得睇，但呢排仔仔情況嚴重左，遇到唔順意或困難就發脾氣打人，但事後佢知自己錯同會內疚，佢有講過知應該要點做但做唔到，但第2日又唔記得又會犯同樣的錯。想問各位過來人：
1. 仔仔的行為係咪似有ADHD？
2. 等政府呢段時間坊間有咩治癒或訓練可以俾仔仔上住先？
3. 你地會用咩方法來處理仔仔呢d行為？（因為由細到大我地對佢都比較嚴，會罵及打，而家佢情況嚴重，更加會執佢行為執得緊d，但仔仔又好似又受呢套，唔會因為我地咁嚴而話唔鐘意或唔理我地）

funghon

你小朋友應該返緊幼稚園，咁老師有冇投訴？

麥兜MaMa

我仔細時亦甘. 但罵及打有時效果仲差.
試下好行為獎勵, 讚多D佢做得好果D.

Kylie624

cathylaw22 發表於 17-6-8 22:18
仔仔4歲半，由細到大都冇時停，唔專心，非常心急同易發脾氣，3歲時做評估有學習遲緩，但就冇話有ADHD，今年 ...

ADHD通常要到6-7歲才能確診吃藥，升小一時老師會有及早識別，不過通常識別到確診都需要等到2年級。
坊間有不少團體可以提供一些情緒或社交訓練，媽媽可以網上搵搵，社區中心或polyU亦有搞相關的課程
通常ADHD小朋友內心是有很多的憤怒積存著，但唔識表達，所以用發脾氣等模式發洩，媽媽如用打罵方式，而家小朋友細個可能仲會湊效，小朋友會暫時壓抑，不過長期來講唔係好的方法，佢只會愈積愈多憤怒而唔識點用正確方法發洩。ADHD的小朋友通常要建立一套好清晰明確的規則比佢跟，預先定立能做到有咩獎，做唔到會罰d咩，必須嚴格執行，久而久之，佢會識得咩叫守規則，不過執行過程媽媽係會比較辛苦。當小朋友發脾氣時，建議媽咪先帶佢行埋一邊，開始時由媽咪講出佢心底感受，如：「媽媽知你好嬲，好唔開心，所以你....」用純描述式講出，通常小朋友覺得媽咪明白佢感受後，會慢慢平靜下來，當佢平靜設先教返佢正確點做，同埋佢的行為令你覺得唔開心，以身教示範佢知，憤怒可以用言詞去表達。媽媽加油！

麥兜MaMa

Kylie624 發表於 17-8-6 09:48
ADHD通常要到6-7歲才能確診吃藥，升小一時老師會有及早識別，不過通常識別到確診都需要等到2年級。
坊間有 ...

說得很對.
我仔亦上過很多小組改善行為.
只要小朋友心地善良, 當佢明白咩行為是好咩是不好, 和學會表達自己情緒, 情況會漸漸改善.

朱古力小b

cathylaw22 發表於 17-6-8 22:18
仔仔4歲半，由細到大都冇時停，唔專心，非常心急同易發脾氣，3歲時做評估有學習遲緩，但就冇話有ADHD，今年 ...

咁細，用行為治療啦

vvik

朱古力小b 發表於 17-9-18 00:31
咁細，用行為治療啦

請問知唔知九龍區邊度有行為治療上？

朱古力小b

vvik 發表於 17-9-29 00:39
請問知唔知九龍區邊度有行為治療上？

黃大仙東華三院家庭成長中心

idak

我帶個女每日去跑步，班主任話佢脾氣好咗！