令小朋友近似native English speaker

R.Monique

自己同老公都不是native English speaker, 但响屋企會同小朋友講英文, 而現在囡囡1.5歳已可用英文說3-4個字的短句子, 有冇媽咪可以分享點樣可以 train up 小朋友做到較近似 native English speaker, 有冇playgroup可以做到 (不可以返全英幼兒園, 因想囡囡也學好中文, 已報讀本地幼兒園)? 只可以諗其他如課外活動, 或請NET上門教, 但又唔知有冇效?  有冇有經驗的媽媽可以分享?  或小朋友在家講得好好英文的, 平日又是怎樣教小朋友?

shadeslayer

R.Monique 發表於 17-6-8 16:48
自己同老公都不是native English speaker, 但响屋企會同小朋友講英文, 而現在囡囡1.5歳已可用英文說3-4個字 ...

好貪心。

無 native 語境想有近 native, 中英同時 native 是鳳毛麟角。

小寶貝兒

以我女同身邊小朋友經驗, 即使讀國際班(即班主任係NET, 仲要係負責任果D喎), 都未必個個可以有native英文, 如果想讀本地又想英文好, 你預左要比既錢係多過你讀國際班既幼稚園! 而且英文好都未必達到你想要既native程度~

Nbs

唔係native eng speaker, 又返本地幼兒園，應該有 d 難度。。。
我明你，其實我都想我 bb 又識中文但英文又勁，但我屋企都係得我同工人可以講英文，老公 / 公公婆婆 / 爺爺嫲嫲 都係廣東話之餘仲要有鄉下音，所以我唯有compromise, 識中文英文同到中國人/外國人溝通到就ok, 唔使講到native 甘勁。
我琴日先去完個talk 講 local vs international school. 佢都係話好難兩樣都好叻。佢都建議學英文可以搵d 講英文既興趣班， 由 social 開始。佢亦話 d 英文幼兒園雖然老師係native speaker, 但同學間係講中文 (playground language), 同真係講native english 既同學仔 (真正的國際學校） 係唔同。

厚多士

Nbs 發表於 17-6-9 08:38
唔係native eng speaker, 又返本地幼兒園，應該有 d 難度。。。
我明你，其實我都想我 bb 又識中文但英文 ...

我朋友個女讀真國際學校，但英文都只係流利而非native, 因為好多香港人同學仔，同埋屋企亦係講廣東話。

Nbs

厚多士 發表於 17-6-9 13:52
我朋友個女讀真國際學校，但英文都只係流利而非native, 因為好多香港人同學仔，同埋屋企亦係講廣東話。
...

yeh 要做到好似native 甘真係唔容易。真係要全屋企人連親戚都係講native eng 先得。 父母講英文但港式口音已經爭 d 喇。

Nbs

Covenant2017 發表於 17-6-9 15:19
當然不是啦。
只需安排孩子自幼在真正國際學校就讀，而在家可完全用廣東話溝通，到高小或初中，廣東話及英 ...

甘犀利 ! 甘真係要真正既國際學校，喺同學之間都係講英文。。。 不過唔容易入，我都唔打算行呢條路喇。。。

既然係甘，樓主考慮下國際學校啦 ~

Cheeselover

不如移民去澳洲或紐西蘭。

ChocoMilk33

聘請個純正的NATIVE ENG SPEAKER做褓姆，日對夜對，數年間一定可達NATIVE ENG SPEAKER的水平。

R.Monique

多謝大家的回應先, 奇實我想小朋友考國際學校, 但看到報明文件上面寫住小朋友的英文要係NATIVE程度.

其實現階段阿囡仲細, 只有1.5歳, 我自己現時覺得她的英文已算好, 英文指令, 日常生活的英文都聽懂, 但始絡我們家長不是NATIVE, 有些用字/日常語都唔係咁正宗, 我見她已有了一個頗好的開始, 看有沒有其他方法令她再進步些.

嚟繄2歳會返本地N地, 每星期才2天NET ENGLISH (但返學也只是幾個小時而已), 最近諗緊不如上TUTOR TIME 英普 playgroup (每次45分鐘ENGLISH, 45分鐘普通話), 唔知有冇用?  

現在其實返緊 ENGLISH & CANTONESE playgroup, 我自己跟過阿囡上一堂, ENGLISH NET 說話用正常速度 (反而 CANTONESE的會慢慢講及用誇張口形), 結果阿囡返了幾個月, 從她平日的說話, 我聽到她學到有些CANTONESE是我們在家從沒有說過的, 明顯她吸收到, 但英文我唔覺得她有學到我們平日沒有講的.

言歸正傳, 大家的小朋友有沒有返純英文的playgroup?  有沒有從playgroup中感到小朋友有學到英文?  若要學NATIVE ENGLISH, woodland / tutor time 好?  我只諗到PLAYGROUP, 因太細個, 沒有什麼補英文的會收.  請個NATIVE ENGLISH BABYSITTER 太貴啦, 更何況我囡基本上唔跟工人 (工人也是講英文, 但可能我一有時間便自己同小朋友玩, 所以除了返PLAYGROUP外, 工人同我小朋友基本上是不會交談).

R.Monique

我知道自己係貪心, 但現在社會競爭那麼大, 唔具備二文三語又怕小朋友冇競爭力, 而她細個, 在日常返學/PLAYGROUP以玩為主, 順便可不知不覺學到相關語言, 就最好不過.

而我本身想TARGET 英普的國際小學(現在競爭勁大), 中文我自己不是太擔心 (我知中文係仲難學, 但我自己係NATIVE), 所以想從小便TRAIN UP她的英文.  而萬一收唔到, 我又唔會考慮全英的國際學校, 返回讀LOCAL的, 我的問題亦不大, 故幼稚園我必選中英普都有的, 唔可以讀internatonal kindergarten.

Carroad

唔知你native嘅意思係單指講到流利英語，定係要有像在外國大的英語口音。如只係前者，其如係後者，？實俾佢一個語境係最重要，如學校、出去上chatroom咁，如細細個學應該都ok. 但如係要後者，咁父母本身係香港人，口音係好難俾到佢，真係睇佢自己吸收

Carroad

唔知你native嘅意思係單指講到流利英語，定係要有像在外國長大的英語口音。如只係前者，其實俾佢一個語境係最重要，如學校、出去上chatroom咁，如細細個學應該都ok. 但如係要後者，咁父母本身係香港人，口音係好難俾到佢，真係睇佢自己吸收

R.Monique

流利英語OK, 口音其實處處不同, 我並不是太介意. 由她開始懂聽(約5-6個月), 在家是KEEP住跟她說英文, 原先她似是懂英文多過中文, 但近2-3個月, 她開始講多了很多說話, 跟我說話, 我囡大多數說英文, 但因為平日我父母會給我照顧小朋友, 現在我發現她的主要語言是中文, 跟住變成學中文快過英文, 我屋企人說了一句中文, 她"即時"跟著說, 但英文, 我說一句, 她很少即時便跟著說 ... 而這亦是我開始擔心的 - 她越大會越說得多中文, 這個不緊要, 但我怕她之後不說英文, 故語境真的很緊要, 故現在是諗緊有什麼方法去令她KEEP住英文語境(尤其是以後上本人幼稚園).

Cheeselover

乜香港口音(唔係讀錯音)會好失禮㗎咩？很多本地大律師都滿口港音！

R.Monique

香港口意唔失禮, 我都唔介意口音.但native涉及的不只是口音, 而是怎樣回答及用字.

hume

國際學校大把大陸人,邊學到native