考試期間，會停晒恒常興趣班來温書嗎?

tsangnamnam

不會停，會如常去興趣班 =)

little_yolky

Jane1983 發表於 17-6-3 13:38
因為我小朋友星期六日真係多活動。逐堂比錢的，會停一次。但有3個係每月計的，無得請假。
本來我覺得細路仔 ...

我諗, 講到周末興趣班, 好少人多過我兩個女, 我一個都無停, 原來要停架...............mouth:" />

阿大已經一早預留上堂時間, 自己提早安排好溫書schedule。
阿細........算把啦, 停唔停佢都唔溫書啦。


不過我一定會停6299飲茶既。

Rachelmummy2008

Jane1983 發表於 17-6-3 14:26
回覆 shadeslayer 的帖子

你醒，因為今朝比親友話我安排小朋友太多活動，乜唔驚唔夠時間讀書。

好多家長考試會停活動一至兩星期。
我唔係話反對嘅。

不過我做法係全年活動會配合孩子的發展，唔停係因為覺得時間要安排，預算時間溫習，不只在考試期。

讀書是全人發展一部份，其他是同等重要。

所以學校停左活動，我反而給女兒加了兩堂興趣班。

過量溫習效果不會理想。

愚見。

Jane1983

回覆 little_yolky 的帖子

我地之前一年無停，反正我地平常都唔係唔理，唔係由零開始，所以感覺係ok。
但今年唔知點解，今年好似身邊個個扎行馬，言談中我都被佢地chur埋，一時有d迷失。而家冷静下來，無嘢啦

whitepurin

我自己會停或改期，考試只是一個星期左右，咁嗰個星期停一停都係講緊一堂啫。

suzuki12

whitepurin 發表於 17-6-5 14:05
我自己會停或改期，考試只是一個星期左右，咁嗰個星期停一停都係講緊一堂啫。
...

我呢個星期都有停，但整天屈在家溫習，悶到爆，尋日悶到下午開開電視睇返tbb 重播嘅獎門人。不過一年都係考試果3-4次，我都會暫停一陣先

little_yolky

Jane1983 發表於 17-6-5 13:41
回覆 little_yolky 的帖子

我地之前一年無停，反正我地平常都唔係唔理，唔係由零開始，所以感覺係ok。

唓, 我平時都唔理既都唔停興趣班啦, 何況你平時有跟開。我都仲未驚。

Jane1983

回覆 little_yolky 的帖子

盡力而為最緊要！

MASAYA

冇停課外活動，我唔鍾意安排星期六日溫習，都係平日溫埋，星期六日留返黎玩同休息，暫時初小，未係好多野溫，時間足夠，高小唔敢講

MASAYA

IloveJJ 發表於 17-6-5 22:53
乜你哋學校好少功課架?我哋學校，憑測考前，啲功課排山倒海，連快手既細仔都做到無時間剩，根本無得溫習。 ...

default多功課，我每年都會爭取到少功課

Jane1983

回覆 suzuki12 的帖子

同意，全日足不出戶亦唔得，所以逐次比錢的會停，剩係上按月比錢，無得補堂果d。

Jane1983

回覆 little_yolky 的帖子

講起多興趣班，你的想法係全部都一路維持落去，定係去到幾年級會考慮停？
因為小朋友越大，學得得深入，每一項就要投入多d的時間，唔再係一星期一次就得。咁讀書係主業，開唔到咁多條戰線...

MASAYA

IloveJJ 發表於 17-6-6 07:27
即係剩係你女少功課?

我地班，其他班都係多功課

little_yolky

Jane1983 發表於 17-6-6 07:24
回覆 little_yolky 的帖子

講起多興趣班，你的想法係全部都一路維持落去，定係去到幾年級會考慮停？

佢依家都唔係一星期一次了。阿妹芭蕾舞年年9月底至5月中係一星期兩日, 每日差不多1.5小時(不過收1小時錢)。粵劇係一星期4小時的。

我覺得, 去到中學如果學校無規定, 家姐係堅cut鋼琴的, chat room都應該可以cut了吧, 游水也可能會cut了。至於阿妹, 去到中學可能唔會繼續學粵劇, cambridge會cut, 游水都應該會cut, 可能只剩返芭蕾舞同鋼琴了。到時可能有其他想學既新嘢呢。

MrBeast

little_yolky 發表於 17-6-6 11:27
佢依家都唔係一星期一次了。阿妹芭蕾舞年年9月底至5月中係一星期兩日, 每日差不多1.5小時(不過收1小時錢)。 ...

會不會考慮溜冰 over ballet? 又或者好似jane 咁roller

Jane1983

回覆 little_yolky 的帖子

都係睇餸食飯，一日得24小時，要有所取捨。
而家就考慮係咪搬去一個近d返學和所有學嘢的地方，咁會省番d時間和舟車勞動，但又係另一個話題了。

Jane1983

回覆 MrBeast 的帖子

Roller學的話，我都係唸住學識就ok，一個暑假的課仔。唔打算做長期興趣班。

little_yolky

MrBeast 發表於 17-6-6 11:34
會不會考慮溜冰 over ballet? 又或者好似jane 咁roller

唔會, 因為芭蕾响屋企附近15分鐘步行路程。佢哋九成興趣班單程都唔會超過35分鐘交通時間的。我都相當懶下。