S1生不只一次在小測卷上冒我簽名，點做好？

fooky-hk

3個月前第一次發現，已給他機會。他的解釋是忘記給我簽加上留堂次數太多不想記缺點。我剛才好嬲咁係個冒簽旁邊寫上"這不是我的簽名，是xxx冒簽的。家長上"

Activehealth

fooky-hk 發表於 17-5-31 21:59
3個月前第一次發現，已給他機會。他的解釋是忘記給我簽加上留堂次數太多不想記缺點。我剛才好嬲咁係個冒簽 ...

迫他埋牆角不是好辦法，應約見老師，大家坐低傾。

gracelam

fooky-hk 發表於 17-5-31 21:59
3個月前第一次發現，已給他機會。他的解釋是忘記給我簽加上留堂次數太多不想記缺點。我剛才好嬲咁係個冒簽 ...

成績點先?係咪唔合格怕你鬧所以冒簽? 不如平心靜氣同小朋友講，冒簽仲嚴重過成績差，因為係品格問題，仲有將來做野係刑事罪行，話比佢知個嚴重性。

好過迫佢埋牆角!!

fooky-hk

已經同佢講過道理，又同佢講過不論成績好壞我一定會簽名的，但佢依然咁做，明顯是不知錯同嚴重性。所以我才硬起心腸來，比佢知道嚴重性。一而再，再而三比機會佢包庇佢，只怕將來膽子仲大。

fooky-hk

原帖由 Activehealth 於 17-05-31 發表
迫他埋牆角不是好辦法，應約見老師，大家坐低傾。

也許這方法比較好一點，不致於太落佢面。

brother4

自己是另類方法，信不信由你，當看不見。。明知打/罵 更可能反效法。。因自己也有，一般通知父母今年又要留班/踢出校。。所以孩子能升班其它都不重要，相信一般家長一定是O容忍，S1亞大是中文中學全級尾尾，欠交功課，留堂是常事，小過缺點一定有，也見好似不是自己簽名，不出声忍着吧!另學校話孩子不是小學生，不會見家長。。。時常講番想當年自己小學中學留班踢出校，25歲才會考，努力有回報。。。來鼓勵孩子，小孩不笨，估佢知錯的 ，好彩亞大肯努力最後入咗心儀本地大學。。

brother4

所有孩子有自己不良DNA，成績。。都係果句能升班其它不重要。。一早儲定錢，寧願自己辛苦D，亞細S1去英讀書，成績好咗，自理能力強咗，本地教育壓力大及挫節感強。。

TwinWong

fooky-hk 發表於 17-5-31 21:59
3個月前第一次發現，已給他機會。他的解釋是忘記給我簽加上留堂次數太多不想記缺點。我剛才好嬲咁係個冒簽 ...

無帶野最多先記名 累積欠交次數定量至會缺點
但冒簽過錯更嚴重 睇學校規则 會係記小過架

cozycat

回覆 fooky-hk 的帖子

不要驚動學校，會令佢比老師，學校標籤，同學取笑，這絕不是好辨法，要包容，要忍耐，首先要講幾多分都會簽，不會責備，然後每晚提醒佢有沒有通告，默書，測驗要簽名，等佢無籍口。

fooky-hk

謝謝你的提點。佢自己都無交比老師睇我寫下的msg。如不和老師說會不會縱容他的下一次？有時候家長都好矛盾唔知點做好。

我唔想明知是錯的事都縱容佢，一個小過事小是一個教訓，希望佢知道世界上唔係事事錯咗都有人原諒，怕他大了會做錯大事。 唉.....今次是第二次我捉到佢冒簽，再有下一次我一定會同老師講。

cozycat

我自己的孩子九月也中一，佢又係好硬頸，撞正讀間小學好傳統的教會學校，老師錫曬女仔，班男仔就好慘，因小六生開始會問why 會講公平，公義有時會同老師抝，成曰被寫手册，好在佢返來會講，我地又會勸，我老公有次試迫佢開囗認錯同承諾不再犯，他堅決不表態，不出聲，我同老公講，教仔要知仔脾氣，你個仔條頸好硬，他一定不會出聲，但我知他會改，之後他也沒有再生事。
我成日同自己講要用愛浸死阿仔，有愛他們是不會做壞事令你傷心的，

bb_2001

cozycat 發表於 17-6-3 15:01
我自己的孩子九月也中一，佢又係好硬頸，撞正讀間小學好傳統的教會學校，老師錫曬女仔，班男仔就好慘，因小 ...

再同意不過，用愛浸死啲細路，話俾佢地聽，就算任何情況，家的門仍為佢地開，為佢地遮風擋雨。
其實係中學冒簽名很平常，我問大仔，佢話唔記得簽通告，又擔心扣分，都會冒簽。

問題是出於小朋友唔夠膽面對自己的犯錯，才選擇找方法逃避，冒簽只不過是結果，尋找原因，解決原因，結果自然不會出現。

太著重他們犯的錯，反而影響關係。建立關係，佢地先聽得到入耳你的說話。

小朋友愈大個，你知既野會愈少，如何令佢地訴心聲，然後影響佢地既決定，係一門很高深的功課。

ericby

給他機會