暑假應如何安排避免虛渡? working mon 冇家人帶去興趣班。。

santakit

santakit 發表於 17-5-24 13:34
Masaya, "開學后會發現同上年好吾同" 呢句真係好吸引哦！
我一定會試試!

其實帶出另一個問題，
幼稚園時，我冇特別拿小朋友和其他小朋友比較(我指既係我自己心中冇評估下自己小朋友同其他小朋友的學習進度)， 只是幼稚園老師話佢學習上冇咩問題，噤我就冇特別為意
點知一上小一(只是普通津小) 發覺吾知點解功課，默書，考試等 大部份同學都做啱，得佢同數個比較弱既會錯幾多，常都是50，60
分，想平日夜晚同佢補下，佢就連自己當日既功課都未攪掂，幫佢攪掂埋都10點幾要訓喇，日日如是，成年都補吾到個底。。
其實自覺本身我都吾係好放任佢，但吾知點解攪到噤。。。：(

santakit

santakit 發表於 17-5-24 13:57
其實帶出另一個問題，
幼稚園時，我冇特別拿小朋友和其他小朋友比較(我指既係我自己心中冇評估下自己小朋 ...

其實我想考反入一間普通既直私，覺得學校支源多d...而家全校得一個NET咋。。
但見今年噤既狀況，死左心。。。
希望下年再試試，但怕下年都是今年反版。。

little_yolky

santakit 發表於 17-5-24 13:57
其實帶出另一個問題，
幼稚園時，我冇特別拿小朋友和其他小朋友比較(我指既係我自己心中冇評估下自己小朋 ...

理論歸理論, 俾佢揀書又唔代表佢會自動去睇。佢鐘意睇書既, 成績又唔會搞成咁, 係好現實既。

又講個故事你聽下。


我大女, 大家都知, 簡直係學生既典範。乜都自動自覺做好晒, 又鐘意睇「中文」書。因為學校規定學樂器, 佢係學琴既, 叫佢會練, 唔叫唔練果種。話說小一暑假, 未正式放, 佢已經做好咗本暑期作業。我女女英文同數學比較差。咁我一早同佢定好個時間表, 每一練一小時琴, 聽一小時audio book, 聽完要跟住講, 練習下寫日記, 睇一小時中文書咁, 其餘時間任何做乜。


因為佢個credit好好, 咁我開頭問佢有無做呀? 佢就答我有, 阿妹都話家姐有做。咁如是者過咗一個暑假。到暑假尾聲, 我仔細問佢, 至俾我發現, 佢只係每日練15分鐘琴, 睇咗audio book, 無聽無講, 寫日記就只寫咗幾篇, 其餘所有既時間都係要嚟做圖工同睇中文書。就咁就浪費咗一個暑假了。



呢個故事教訓我哋, 無論小朋友幾咁可靠, 都唔好完全放任佢哋。做阿媽既係要勤力D。小朋友唔係B1咩? 咁阿媽就要做B1了。如果報到上面JM講既託管班, 都要自己跟手同佢哋一齊伴讀中英文書, 每日一本, 辛苦D都要。同埋, 根據小一既作文內容, 可以同佢哋寫下簡單既文章或句子。因為唔駛計分, 唔駛趕功課, 所以個學習可以好愉快。如果小朋友自己夠主動, 可以日間叫佢睇書, 聽audio book, 然後放工同你一齊分享, 一齊讀。如果佢能力做唔到, 就只好你先放工同佢讀, 然後叫佢第二日自己睇。請四大天王幫手, 佢唔同你開著個電視不停煲已經好俾面, 可以既話, 真係快D搵好既託管班, 同埋你自己要落力D, 一個半月, 可以追返好多嘢。如果遲咗報唔到託管班, 記得報下D暑期數學班, 學下都好既。

MASAYA

IloveJJ 發表於 17-5-24 14:12
如果間屋係無電視、無遊戲機、無電腦，咪得囉！

但都明白，老人家湊，有咩好得過開住個電視就唔駛理佢

santakit

尋晚10點幾先做完大部份功課，手冊又吾肯寫，次次要我上網check學校有咩功課，尋晚有一本功課吾見左搵吾到，又未執書包同執筆盒
今朝起身我幫佢搵反份功課，原來佢傻更更塞左去另一個袋自己又吾記得，噤先至開始做，執書又執左聽日d書。。
我出門口前發覺佢條褲前左倒轉著(即是拉鍊響后面) 我吾話比佢知，等佢去到堂先問佢條褲好似有問題，佢即時吾知點好，then除左條褲想掉反轉 又掉吾切就入，比個高班姐姐見到佢響架道換褲。。
其實我升左小一先發覺佢比其他小朋友“論盡”。。但即是能力吾夠啦。。真係吾開心。。

little_yolky

IloveJJ 發表於 17-5-24 14:12
如果間屋係無電視、無遊戲機、無電腦，咪得囉！

我屋企有電視有iPad有電腦, 但阿大無問准我, 唔會自己用的。佢當年係唔跟我個schedule, hea做, 然後攞晒D時間嚟睇佢自己D書。

但阿細大咗, 帶壞埋家姐, 佢哋會靜雞雞用iPad上Youtube睇戲。俾我發現, 就會話：媽咪, 我哋係學英文/普通話, 我哋係睇普通話版既多啦A夢既。不過, 佢哋都會敢自己開電視的。

MASAYA

little_yolky 發表於 17-5-24 14:15
理論歸理論, 俾佢揀書又唔代表佢會自動去睇。佢鐘意睇書既, 成績又唔會搞成咁, 係好現實既。

又講個故事 ...

當年咪講過妳個時間表冇個細路跟得到囉...
我自己小學時阿媽做製衣，整個暑假就係跟佢返工廠，冇野玩，咪坐係個籠度睇成日書，唔睇書有乜好做，我媽唔駛幫我安排時間表架喎

little_yolky

MASAYA 發表於 17-5-24 14:15
但都明白，老人家湊，有咩好得過開住個電視就唔駛理佢

係老人家排排坐一齊煲劇呀。

MASAYA

little_yolky 發表於 17-5-24 14:21
我屋企有電視有iPad有電腦, 但阿大無問准我, 唔會自己用的。佢當年係唔跟我個schedule, hea做, 然後攞晒D時 ...

妳大女唔係唔睇書，係唔睇妳揀d書之嘛，佢睇佢揀d書架喎

little_yolky

santakit 發表於 17-5-24 14:19
尋晚10點幾先做完大部份功課，手冊又吾肯寫，次次要我上網check學校有咩功課，尋晚有一本功課吾見左搵吾到 ...

得罪講句, 阿仔做事真係唔多企理。要慢慢執返好佢。如果佢一放學就主動做功課, 係唔可能做到10點的。唔好諗轉校了, 俾D心機跟返上D企理嘢先。個人企理, 讀書自然有改善。男仔係咁, 慢慢教, 但你自己一定要勤力D, 做好個home schooling既計劃先。雖然話7月中至放暑假, 但其實7月初已經無乜嘢做, plan好個學習進程表。

little_yolky

MASAYA 發表於 17-5-24 14:22
妳大女唔係唔睇書，係唔睇妳揀d書之嘛，佢睇佢揀d書架喎

我係叫佢跟我個學習進程, 佢唔跟！我揀D audio book佢係有睇的, 不過我係叫佢一邊睇, 一邊聽, 然後再模仿跟住講, 佢就只係睇。

所以, 總論係, 細路靠得住, 豬乸都會上樹。

S-Kwok

little_yolky 發表於 17-5-24 14:21
我屋企有電視有iPad有電腦, 但阿大無問准我, 唔會自己用的。佢當年係唔跟我個schedule, hea做, 然後攞晒D時 ...

雖然無跟時間表做人，用咗時間去睇中文書，但有冇覺得因為咁，女嘅中文進步嘅程度超乎你所想。

MASAYA

而家咁睇，樓主既情況，應該搞好自理先，原本應該幼稚園時期學好自理，時間過左就算，趁暑假唔趕功課就應該執好自理先開學，否則越大越難搞

有能力做既野畀返晒佢自己做，自己既野自己負責返，例如抹枱、洗碗、摺衫、換床單呢d

little_yolky

S-Kwok 發表於 17-5-24 14:31
雖然無跟時間表做人，用咗時間去睇中文書，但有冇覺得因為咁，女嘅中文進步嘅程度超乎你所想。
...

無喎。

LODAVID

MASAYA 發表於 17-5-24 14:41
而家咁睇，樓主既情況，應該搞好自理先，原本應該幼稚園時期學好自理，時間過左就算，趁暑假唔趕功課就應該 ...

自理真係好重要......今日大下大雨, 返學見到D學生(有D我目測都3年班)個個要人抺腳, 我仔又係咁.....我即刻好嚴肅叫佢自己做