中一 Band3生做唔做資優評估好?

Joey0722

女兒今年 中一 , 之前被評為 BAND 3 生
佢一向都唔溫書 , 上課遊雲 , 常欠功課 , 態度冷漠 ,
老師眼中"無禮貌" "懶散" , 同學眼中 "唔合群""寸"
但佢返教會教友導師評為乖巧, 幫到手

我有問過佢 , 佢常常覺得同學們好幼稚無聊 , 溝通唔到
因為佢雖然係女仔但最憎同學們常"玩"的排擠,欺凌,講是非
佢喜歡的只有科學,數學話題 , 另加電視劇
8歲半時暑假睇 步步驚心 , 同我朋友食飯時講開睇少左昨日果集
我個女可以講番晒成集劇情以及角色的內心戲
我朋友都覺得套劇好深要好留意睇 , 但我女兒可以數番晒劇情及各人關係

佢入了一間 b2a 中學 , 考之前的溫習堂溫半小時
第一學期全級 49/123 , 數學 6 , 科學 15
第二學期就懶了 全級 84/123 , 數學 18 , 科學 25

點解依家才想做資優評估係因為想睇下點幫到佢讀書及同人溝通
以前細個因為佢成績差, 覺得佢可能只係小聰明
後來在此群睇到資優 不等於 績優 我才驚覺是否要做?
佢 7 個月已用眼神+喊, 打哥哥小報告
2 半歲時哥哥的補習老師叫我帶妹妹做資優測試
因佢說話比同年紀表達能力強 ,邏輯性強 ,  
佢有心學的會好勁 , 例如今年睇了漫畫版的相對論 ,
問佢睇得明?佢話明 , 但覺得有漏洞 , 佢諗緊點去反"相對論"

依家咁大個去做係咪"無謂" ?
咁大個去邊度做好 ?

Radiomama

回覆 Joey0722 的帖子

做唔做都得，有閒錢又好奇，可以安排去做IQ TEST，去中大應該不用排期太耐。
但做完個TEST知道結果又如何? 安排去上資優課程會改善她在學校的學習情況嗎? 相信不會。況且去資優學院或中大上資優課程，並不一定需要IQ TEST SCORE，自薦系統裡反而需要的是學校老師的recommendation，而中大更要多做一個評估筆試。

Activehealth

Joey0722 發表於 17-5-18 15:19
女兒今年 中一 , 之前被評為 BAND 3 生
佢一向都唔溫書 , 上課遊雲 , 常欠功課 , 態度冷漠 ,
老師眼中"無 ...

如果係我個女, 我會帶佢去做IQ test check 吓。

Nothing to lose (except money), right?

外國硏究顯示學校miss咗好多gifted  students，造成一班under achievers, 因為呢班學生貪舒服、無鬥心，知道自己唔努力都可以過關; 但如果叻啲，旁人會有expectation, 加壓力要佢再好啲，what for?

大個正嚟後悔，但已經太遲！

RiboMM

要留心可能亞氏保加症

964000

Joey0722 發表於 17-5-18 15:19
女兒今年 中一 , 之前被評為 BAND 3 生
佢一向都唔溫書 , 上課遊雲 , 常欠功課 , 態度冷漠 ,
老師眼中"無 ...

吾知佢做了如果係資優有甚麼效果，會叮一聲信心大增，突然開竅？似乎間小學吾啱佢，啟發不到佢學習興趣，哥哥是否好叻？有些資優怕輸，會放pah。
資優吾代表積優，我身邊很多人都有資優跡像，但冇心機讀書，等如有些人有音樂天份，但懶死吾肯練琴，逼又逼吾到，所以點様令佢有動力才是最難。
上面也提過有些資優會懶，是真的，因為慣了用少少effort便得到成果，遇到困難便不肯努力了。

Joey0722

Radiomama 發表於 17-5-18 17:38
回覆 Joey0722 的帖子

做唔做都得，有閒錢又好奇，可以安排去做IQ TEST，去中大應該不用排期太耐。

其實我想佢做資優 TEST , 最主要想知佢有咩問題 , 可以點樣去教導佢融入"正常人"的社會

Joey0722

RiboMM 發表於 17-5-18 22:33
要留心可能亞氏保加症

佢中D唔中D小學時佢提起學校的事 , 個個同學佢都話 "我個 Friend..."
佢鐘意同人溝通 , 但佢好奇怪 , 出奇地冷淡 ,
佢有同情心同同理心 , 但佢絕對唔會喜形於色(收禮物也不會好開心)
佢經常會好客觀地直接分析所有野, 唔修飾用詞
例如: 佢欠帶書多次 , 佢:"懶得搵"
同學被媽媽收電話 , 一般人會安慰:"咪好慘" , 佢:"唔做錯野就唔會比人罰"

朋友 :"A好衰,我地一齊排擠佢" , 佢"人地都無做錯, 係你自己錯"
所以小學時無乜朋友

小四五六唔好彩係同一個班主任 (冷血,無愛心,說話刻薄)
小五時班主任用書打佢個頭打損左眼袋 0.5cm痕
又成日比同學"蝦" (接近欺凌)
佢不但無喊 , 而且好冷淡地:"佢係咁衰架啦"
佢可以完全無放係心 , no hard feeling ,
小三時我,哥哥,哥哥同學,佢 4 個入戲院睇 mr.bean
我地三個睇到笑到咳 , 而佢就覺得一 d 都唔好笑 , 主角又無聊又低能
好多時我睇電視都睇到喊(我眼淺) , 佢係完全唔感動無感覺

就係因為佢咁冷淡的眼神表情 , 決絕的說話
所以老師同同學都覺得佢寸無禮貌
但我覺得佢係對佢覺得無所謂的野 "無感"
到底佢係咪有"情感障礙" , 佢係咪有病 ?
如果去做 IQ TEST 可唔可以測試埋 ?

Radiomama

Joey0722 發表於 17-5-19 12:38
其實我想佢做資優 TEST , 最主要想知佢有咩問題 , 可以點樣去教導佢融入"正常人"的社會 ...

IQ test 只是一個test, 只能提供一個分數，report也只是一個很技術、功能性的報告；CP會向你講解，但他不會是你的coach, 教你怎樣去教女。

女兒已是中學生，不會像小學階段一般被你牽著走；曾聽過有些少年人參加制服團體而變得開朗自信（雖然成績仍不太好），但起碼不再是宅男。也有少年人玩話劇、跳舞，總之各試各法。

如果真要「找」出女兒問題（可能根本無），不妨搵教育心理學家傾傾，再決定做那些評估。

szeching

Joey0722 發表於 17-5-19 13:29
佢中D唔中D小學時佢提起學校的事 , 個個同學佢都話 "我個 Friend..."
佢鐘意同人溝通 , 但佢好奇怪 , 出奇 ...

你有冇聽過「雙重特殊」，即是阿氏＋資優。有「雙重特殊」的小朋友，佢會有兩方面的特徵！
你阿女的性格有D似我阿女，又係在情感上好冷淡，佢唔係唔想同同班同學溝通，只是大家唔啱傾，所以佢寧願自己1人，結果學校冇乜朋友！

我諗如果你想找出原因，建議你找心理學家幫忙，睇吓心理學家有乜建議或做乜野評估！

YolandaTam

你問吓佢想唔想做先好喎。如果唔想，好似小女咁敷衍了事就嘥

Radiomama

YolandaTam 發表於 17-5-19 16:02
你問吓佢想唔想做先好喎。如果唔想，好似小女咁敷衍了事就嘥

講得啱，無朋友不熱情不等於有問題，少年人會這樣想。

學習動力需要遇上好老師才能助一把，可遇不可求。

但要考慮：若做了IQ test而分數不達資優，會對她是一個打擊嗎？少女心事最難測。

又或若發現是資優，她會怎樣看待自己？self esteem 會因此提高？

緊記：學校老師未必因分數（資優）而優待她的。

scyauchris

回覆 YolandaTam 的帖子

我都有問阿囡想唔想做, 大了真係唔係你叫佢做就肯。不過唔老實同佢講, 去到佢一定會知, 知道左失控就大鑊。我最近也考慮這個問題, 不過叫佢做IQ test, 又怕增加佢一壓力, 其實只是個數字, 是否應該撰擇唔知算。

Radiomama

scyauchris 發表於 17-5-19 17:01
回覆 YolandaTam 的帖子

我都有問阿囡想唔想做, 大了真係唔係你叫佢做就肯。不過唔老實同佢講, 去到佢一定 ...

小學生6、7歳，去做IQ test時儍吓儍吓，我只係話俾佢知，若想學多D科學實驗就合作同姐姐（CP)做一個test, 你答得越多，就越大機會被錄取。

試想，咁樣同中學生講，佢睬你都儍。

做完test之後，佢發現果個叫IQ test, 之後問我佢幾多分，係咪代表好叻；我同佢講分數不重要，你有興趣學習，mami總會幫你。（付鈔，一笑）

他已是中學生，同級至少有十位資優生，各人都是在小學時已知自己的情況，他們有被安排參加enhancement課程和活動，所以學習動力非常理想。

不過，有些叻的同學無做IQ test, 但老師同樣會給予機會。

scyauchris

回覆 Radiomama 的帖子

我個女就快10歲半啦！佢去到CP到一定知, 如果用個report報讀課程已不須要, 所以我還在考慮中。我女對IQ test 好抗拒, 佢認為是給有嚴重問題的小朋友做。不過可能做左, 份report將來可能有機會須要用。屋企人撰擇唔做, 因為唔知比較好。不過真係去做test, 就要我女同意。

Radiomama

scyauchris 發表於 17-5-19 18:14
回覆 Radiomama 的帖子

我個女就快10歲半啦！佢去到CP到一定知, 如果用個report報讀課程已不須要, 所以我 ...

你女女的情況，我都讚成不用特別去做IQ test。

Activehealth

其實聽落，十二歲女孩有學習障礙（懶散、遊魂、欠功課）及社交障礙（俾人話無禮貌、寸），捺除係唔係資優、做唔做IQ test, 係唔係都應該尋求協助解決問題呢？

雖然成績暫時仍可以，但以此程度高速下滑，難保去到DSE仍可過關，唔通到時才諗？

樓主自己好好想想，個女係你嘅，你唔幫佢邊個幫佢。

教育心理學家除做IQ test 外，仲有其他工具測試社交障礙、EQ、AQ 等。仲可以根據測試數據及實際情況，同家長學生一齊制定解決方案。

chowqv

做咗，真係唔等於有晒解決方法。
我個仔7歲做咗，係爭2分先至到資優。
份報告有建議（要求）學校要點幫個小朋友。拎住份報告，同精神科醫生講，可以打尖排期做訓練。（不過我個仔係A仔）

mama_papa

回覆 Joey0722 的帖子

如果唔怕驚動學校，可以問下學校可唔可以約見學校EP/CP，因為評估後EP/CP可能會有些建議，如果是駐校的比較容易傾。

piglet0529

想問你在中大定協康做的?

chowqv

piglet0529 發表於 17-5-24 04:13
想問你在中大定協康做的?

我係香港大學做。阿仔5歲申請，到7歲先有得做。