今日放學坐地鐵，個仔俾人話

Shangrila

個仔K1，就快4歲。近來放學成日有個女同學要等埋我哋一齊坐地鐵。同學仔媽媽係大肚婆，就生得。

以往我同個仔坐地鐵，一定行到車尾等，一來無咁多人，二來小朋友有個位坐下會方便啲。我個仔有肌肉張力低嘅問題，更加好容易會嗌攰。

不過呢位媽媽唔想行，我哋惟有遷就佢。

今日坐地鐵又係同一個情況，車來到已經好多人，不過剛剛有一個空位，我哋當然係讓俾大肚媽媽坐，大肚媽媽個女好自然就坐低。大肚媽媽繼續企。

我個仔見到女同學坐低，就要逼埋一齊坐，女同學當然唔俾，我就嘗試拉開個仔。呢個時候，四週嘅人已經投以厭煩嘅目光。

擾攘一輪，坐旁邊有位好心伯伯就起身俾我個仔坐。但係我哋邊到敢坐？有位都係大肚婆坐先啦！我又將個仔拉開，過咗一段時間，見到旁邊又多一個位，我就由得個仔行去坐，呢個位係個女士讓出嚟嘅，點知我個仔一坐落去，嗰位女士就話佢，原來個女士只係想讓個位俾伯伯坐。

我見到咁嘅情況，當然即刻叫個仔起身，俾返個位伯伯，叫大肚媽媽坐低。

我個仔就開始扭計，又要我抱，個大肚媽媽就係咁話叫我個仔坐。我哋邊到敢？旁邊啲人已經係咁望住我哋兩母子。坐低仲得掂嘅！我已經講咗好多次，我哋唔坐，大肚媽媽雖然你好有愛心，但你可唔可以乖乖坐定，唔好再刺激我個仔？！如果唔係你個女次次都要爭位坐，我哋一向都係無位就乖乖企到落車。

終於我個仔扭到我要同佢中途落車。

lobb2015

咁不如唔好同佢地一齊走啦

Shangrila

lobb2015 發表於 17-5-9 14:09
咁不如唔好同佢地一齊走啦

唉...我都想，其實我個仔放學時已經話唔要同佢哋一齊，但人哋特登等我哋，除非我哋之後唔坐地鐵。佢連工人姐姐帶放學，行得好快，都要跟著。

我係咪應該直接同佢講？

lobb2015

佢係普通小朋友，唔係 SEN?

扮買嘢遲啲搭車啦

Shangrila

lobb2015 發表於 17-5-9 15:17
佢係普通小朋友，唔係 SEN?

扮買嘢遲啲搭車啦

我嗰個係ASD，佢嗰個唔係。

Tarttatt

大肚媽媽知唔知你仔仔係sen？
你坦白同佢講你仔仔嘅情況會好啲，
但如果你覺得唔講比較舒服就用盡藉口避開佢地，否則今日嘅情況會經常出現，你同仔仔都唔好受，無必要為左個外人令自己唔開心

Baby豬1209

不如搵D籍口避開佢，又或者改其他返屋企方法？

Activehealth

Shangrila 發表於 17-5-9 14:20
唉...我都想，其實我個仔放學時已經話唔要同佢哋一齊，但人哋特登等我哋，除非我哋之後唔坐地鐵。佢連工人 ...

直接同佢講，話阿仔怕醜, 唔想要女仔等佢。

好過等佢估估吓，大家都舒服啲。

Shangrila

Tarttatt 發表於 17-5-9 21:17
大肚媽媽知唔知你仔仔係sen？
你坦白同佢講你仔仔嘅情況會好啲，
但如果你覺得唔講比較舒服就用盡藉口避開 ...

嗰個媽媽知㗎！
我同c6傾過，佢都叫我暫時揾藉口避一避先，真係唔使為咗佢要自己同個仔唔開心。希望佢自己醒水，真係唔得先同佢講。

Shangrila

Activehealth 發表於 17-5-10 08:45
直接同佢講，話阿仔怕醜, 唔想要女仔等佢。

好過等佢估估吓，大家都舒服啲。

呢個有啲難，因為做咗同學差不多一個學年，我個仔佢都熟！(emoji)
依家佢都快到預產期，希望拖多兩個禮拜攪得掂啦！(emoji)

gigilovesnoopy

亞囡讀幼稚園時，我有一部輕型車仔，以防萬一。

Y123

直接同那位媽媽講,囝囝無位坐,但見你囡囡有,就會刺激到佢,而陌生人是不會,所以不想同行,到囝囝有一定的控制力才一齊走