兩歲九個月大仔仔，鍾意排車車和固執，會是自閉嗎？

iris2014

講嘢-
基本上都算好好，會講句子，係發音唔正同埋有時講嘢又真又假咁撈埋一齊我地有時都唔知佢講真定講假，有眼神接觸，但陌生人同佢講嘢基本上佢唔會點應人

玩-
鍾意排車車，扮揸的士載人，佢問我地去邊，我地話要去A，佢會話要去B（佢心目中的地方），鍾意睇書，但好多時又係指定我要拎咩書同佢睇而佢又好堅持自己都要拎一本係手上，有時我講到一半佢就堅持要翻去下一頁。去公園會玩千秋滑梯搖搖板氹氹轉，但更鍾意執樹葉摵樹葉執石仔，要攀爬既玩意基本上唔會主動去玩，比較易既都要再三鼓勵才玩一兩次，在家有時會自轉

返緊n班，佢成日望住啲同學玩想一齊玩咁但又唔會出聲，教左佢主動開聲問，佢個排就間唔中會問，如果掉轉平時有人走埋去想同佢玩，佢可能會避開/望住我救助咁/或者講唔好、唔可以等等....

屋企見到地下有我啲頭髮會好唔鍾意好抗拒，見到街上既標誌會問係咩（如小心地滑、不准吸煙呢啲），之後行街見到就會指住泊戈佢識既講比我地聽

行路正常唔會用腳尖、瞓覺都算多每日約十三個鐘

脾氣我覺得整體算好算安靜，但一有嘢唔岩佢心欢巨就會易發脾氣，一發脾氣就好難定
停，有時只係為小事而開始發脾氣，例如流鼻水要用濕毛巾抹，唔要乾手巾（但有時又冇所謂）、某啲物件不停話唔係咁擺但我地擺黎擺去佢都話唔係，叫佢自己擺又話唔得

其實佢係性格固執定係有自閉傾向？有啲行為佢好似，但有啲又唔似......

Tarttatt

其實已經就黎3歲，唔好估估下，快啲評估一下，自閉症狀太廣，早啲搞清楚先幫到小朋友

mama.olive

iris2014 發表於 17-5-7 00:35
講嘢-
基本上都算好好，會講句子，係發音唔正同埋有時講嘢又真又假咁撈埋一齊我地有時都唔知佢講真定講假， ...

睇你講既癥狀都幾似ASD (自轉、排車同偏執)，不過A都有分唔同類別，輕微/高功能既ASD比較容易處理，建議盡早帶佢去做評估，ASD 3歲就可以確診了