大坑真光定高主教好?

asterion

好煩惱，好多人話女仔梗係揀真光，但阿女仲有個細佬跟尾。

車程唔係問題，因為只要決定到讀邊間，今年稍後就會搬近該幼稚園。

兩間各有好處；

真光
- 雖然小學唔再係100%必收，但比較有保障。相反高主教只有唔夠6成升讀小學部。
- 比較多興趣班
- Happy school，但英文堂比較少
- 中小學排名較佳。但中學部係女校，小學部男仔亦很少。

高主教
- 同一宗教
- 教得深D，唔太需要出去外補
- 多男同學，阿女同男仔比較玩得埋
- 校舍/班房環境唔錯

希望有用家可以分享心得，例如小朋友讀得開唔開心，老師係咪好有經驗/愛心等。謝謝!

lokkayung

女孩真光

dreamdream081

儘快決定，不要hold位，放位給其他家長

amoyresident

asterion 發表於 17-5-6 23:04
好煩惱，好多人話女仔梗係揀真光，但阿女仲有個細佬跟尾。

車程唔係問題，因為只要決定到讀邊間，今年稍後 ...

高幼家長一樣外補。女仔揀返坑真，有中學backup. 細佬自己再考高幼啦

foopopo

asterion 發表於 17-5-6 23:04
好煩惱，好多人話女仔梗係揀真光，但阿女仲有個細佬跟尾。

車程唔係問題，因為只要決定到讀邊間，今年稍後 ...

我都會揀真光。

高主教直升唔高，萬一原校升唔到又係煩。

高主教唔係必收細妹細佬，咁唔收細，咪一樣煩！？

攪掂家姐先，再諗細佬吧.....

煩一個，好過煩2個

monodad

女仔大多人會叫妳揀真光，但想講高主教siblings必收，而且女仔升高小應該未聽過唔收，當然，妳應可以選擇細佬讀真幼，然後小學再揾學校。

fruitfulsnoopy

高幼基本上係必收細佬妹的。有人細b，跑左去唔答問題都收。
不過高幼都唔難考，會否家姐讀真光，細佬到時考高幼。
Btw,高幼課程非常深，快，谷

monodad

Btw，識個女仔讀高幼，小學又考返入坑真。

asterion

多謝大家的意見。其實有個大問題係細佬係10月細B，真心冇信心佢可以考到高幼或其他較好的幼稚園。如果高幼係必收細佬妹，咁我信心就大好多了。

asterion

回覆 monodad 的帖子

即係佢放棄高主教小學寧願入坑真？

monodad

asterion 發表於 17-5-7 23:35
回覆 monodad 的帖子

即係佢放棄高主教小學寧願入坑真？

係，但佢冇細佬跟尾。其實有好多女仔高幼生都考到好嘅小學，唔一定要升高小。

monodad

亦都識個女仔放棄坑真幼讀高幼，小學考到幾間熱門直私，最後叩咗入地區一線頭津校。

asterion

有冇家長知道坑真細佬妹有冇優勢？

suzuki12

monodad 發表於 17-5-7 23:45
亦都識個女仔放棄坑真幼讀高幼，小學考到幾間熱門直私，最後叩咗入地區一線頭津校。
...

請問高幼英文水平如何？知道k2-k3才會每天有英文堂，是否全net教？k2 - k3 仍會教 phonics ? 到 k3 畢業時，佢地英文會教到哪個水平？

msdebbie

asterion 發表於 17-5-8 00:00
有冇家長知道坑真細佬妹有冇優勢？

有d優勢，始終僧多粥少，唔會係必收。
弟妹可能最後waiting入，但都唔係100%。

einsteinhui

高主教
1. 因為坑真出左名公平，未必收細恅妹
2. 女仔升高小機會超大，真係未聽過話唔收
3. 高小課程較深，出去考小學勝算較高

dreamdream081

asterion 發表於 17-5-6 23:04
好煩惱，好多人話女仔梗係揀真光，但阿女仲有個細佬跟尾。

車程唔係問題，因為只要決定到讀邊間，今年稍後 ...

本帖最後由 dreamdream081 於 17-5-8 15:16 編輯

兩間都上午？

asterion

坑真AM，高幼PM。
但由於諗住住近D，所以上下晝班都可以接受。

WinnieCatCat

1. 兩間幼稚園收唔收siblings，真係除左校長冇人可guarantee，加上政策可年年變。雖然樓上提及真幼唔一定收弟妹，但我認識的家長（數量唔算少）細佬妹都順利入讀真幼，當然我沒有問是否waiting入

2. 是否一定要諗埋細佬？定係先諗哪間適合家姐？你一仔一女考慮這兩間學校，咁你想家姐做男校女生，定細佬做女校男生？

3. 若論幼稚園課程，真幼偏淺，happy足3年，但中文程度是很好的，中文根基打得很好，英文則唔好諗住靠學校，如你直上真小已滿足唔一定要考到直私是ok的，若想考到直私一定要外補。高幼相對深d，英文好d，對考直私有利d，但我識兩個高幼男生一間直私也考唔到連高小也只有waiting， 結論可能是無論讀邊間家長如何裝備小朋友也很重要

5. 雖然宗教未必是你主要考慮，但當兩間學校相約，會否就用宗教決定？按你所述你們是天主教，真幼宗教氣氛很濃，很多親子功課也與基督教主題有關，你接受到嗎？

6. 你考這兩校我估你們住港島，又是天主教，你會否捨得為高小/真小放棄抽港島區天主教名校？除這兩間還有其他選擇嗎？

4. 若論小學，真小起碼初小階段唔算太深和谷。高小小一已頗深，唔係人人頂得順。但去到小六派位，兩間表現差不多。

5.

dreamdream081

einsteinhui 發表於 17-5-8 10:39
高主教
1. 因為坑真出左名公平，未必收細恅妹
2. 女仔升高小機會超大，真係未聽過話唔收

本帖最後由 dreamdream081 於 17-5-8 22:02 編輯

您大女讀坑真，细女今年入唔入到坑真？