用戶登入
用戶名稱:
密      碼:
搜索
教育王國 討論區 海外留學 開始灰....我覺得我好似有點不自量力 !
查看: 10581|回覆: 48
go

開始灰....我覺得我好似有點不自量力 !

Rank: 6Rank: 6


5087
發表於 17-5-3 00:41 |顯示全部帖子
開始灰....我覺得我好似有點不自量力 !

Rank: 3Rank: 3


301
發表於 17-5-3 01:25 |顯示全部帖子

回覆樓主:

不要灰,路是人行出來的。
這裏的朋友都很善良,他們不斷的给你意見,我亦感受到他們的友善和無私。或者再試北愛那邊,這裏很多朋友的孩子都是在那兒,不錯呢。再者,讓孩子坐下直接跟爸爸講出心底話,亦讓爸爸静静的聆聽兒子的感受,你亦從旁講出利弊,我估定會打動爸爸的。學費方面 ,再考慮能否在各方面省減。嘗試過才作決定,不要輕言放棄。加油!

Rank: 9Rank: 9Rank: 9


22767
發表於 17-5-3 02:26 |顯示全部帖子
唔好咁容易灰心。你仔仔依家最需要係一個指路明燈同埋少少扶持/鼓勵。如果果陣我父母肯對我有少少信心同埋鼓勵,果三年嘅折磨其實應該冇咁痛苦。

不如搵個夜晚大家一齊坐低,落張紙出黎,寫低留港同出國嘅利與弊(先撇開所有個人情緒),然後三個人都各自準備一份 proposal 同埋一份心底話嘅信,如果留低香港會點計劃,去外國又點計劃,需要用幾多錢,幾多時間等等。如果要出國,邊 d 地方可以節省。呢個時候可以坦然畀仔仔知道父母份人工幾多、存款幾多,屋企各樣開支雜項要用幾多錢,一齊衡量。我阿爸都係畀我睇,要我清楚家庭狀況,咩計劃會比較對父母同自己都公平同開心。封信就可以表達自己嘅難言之隱,有時候講唔出口/未來得切講已經畀對方窒,可以講述心中感受同疑慮。點解咁多人會選擇寫信畀父母,因為面對面,有太多因素影響傾談內容,未講可能父母已經唔想聽。

呢個方法我同父母、同學都用於唔同地方,始終寫出黎,個個都明白對方觀點並可以質詢/欣賞。用口講,好容易越講越滲入個人情緒,會暴躁、頹廢,甚至發生爭執;用手寫,畀自己同其他人多 d 時間去衡量同思考,冇咁容易嗌交。

Rank: 12Rank: 12Rank: 12


54304
發表於 17-5-3 08:08 |顯示全部帖子
過客 發表於 17-5-3 00:41
開始灰....我覺得我好似有點不自量力 !

唔好灰心,可依照1998Ruby1998既建議做,試後可能有新進展,呢度會有好多人幫你,放心吧!

Rank: 6Rank: 6


5087
發表於 17-5-3 08:14 |顯示全部帖子
本帖最後由 過客 於 17-5-3 08:30 編輯

多謝你地,Lee度各 brother真係會釋出善意。尤其1998ruby1998, 你比左好多鼓勵我。

朋友1同我講:每年真係要預/用$40萬左右(重要唔係倫敦區),佢自己都係英國留學,讀完大學回港,用$真係倒水咁,咩都係要用$攪掂。如果你仔仔習慣左英國既學校生活,係冇辨法回港接受返香港既教育方式,叫我真係要三思。

朋友2同我講:佢雖然有 OEA津貼,有親戚做監戶人(食,住都不收$),但都真係好吃力,供左個仔差不多8年,去年大學畢業回港了,無底深潭終於可以脫離。不過佢話重有個細女,但佢話真係怕怕,所以唔喺細女面前再提留學2個字,免得惡夢又再開始。

爸爸朋友3,同爸爸講:朋友2個都係公務員,職位及人工都高,可以負擔得起,但真係樣樣都$,朋友爸唔願意比女出國,但朋友媽要,冇計。

以上朋友2,家庭收入每月多我倆公婆一個 double,佢都話供得吃力⋯真係有點嚇親。

至於爸爸呢…唔迫到埋身,佢係唔儲$既。爸爸話睇唔到仔仔過去會有所改變,同埋佢驚比左咁多$,冇回報(佢指丫仔做人及學業成績)。同埋起碼供10年8年,人老了,中途有事,點算?!


Rank: 12Rank: 12Rank: 12


54304
發表於 17-5-3 08:44 |顯示全部帖子
過客 發表於 17-5-3 08:14
多謝你地,Lee度各 brother真係會釋出善意。尤其1998ruby1998, 你比左好多鼓勵我。

朋友1同我講:每年真係 ...

以阿細北愛學校做例子,計過條數,扣除OEA及機票津貼,每年約$15-16萬,這數可負擔嘛?
另外,恕我以下言詞較嚴厲,如有得罪,請諒。
如果生孩子係諗住要回報的話,真的不要生,孩子和父母都會好辛苦,如只講回報,請將錢投資去股票、債券或黃金市場,如投資錯誤可轉市場,但投資係子女身上,如果錯誤的話,是否可以止蝕?掉佢地出街,唔再供養呢?所以,生孩子係令佢地有好既教育,有教養,做個有良心既好人,成人後照顧到自己,咁作為父母已心滿意足,如果要用利益回報來衡量,只能說句:祝你好運。

Rank: 6Rank: 6


5087
發表於 17-5-3 09:07 |顯示全部帖子
亮燈 發表於 17-5-3 08:44
以阿細北愛學校做例子,計過條數,扣除OEA及機票津貼,每年約$15-16萬,這數可負擔嘛?
另外,恕我以下言 ...
唔嚴勵。多謝意見。可能我表達錯誤。
爸爸指回報不是回報在父母身上,爸爸亦不是為養兒防老。只是用左咁多心血,最後仔仔都冇長進,會好灰。

而我既心態係咩都要去行動,去嘗試,有了親身經歴,做人先會大個,成熟。

Rank: 12Rank: 12Rank: 12


54304
發表於 17-5-3 09:25 |顯示全部帖子
過客 發表於 17-5-3 09:07
唔嚴勵。多謝意見。可能我表達錯誤。
爸爸指回報不是回報在父母身上,爸爸亦不是為養兒防老。只是用左咁多 ...

明白,我同意你既諗法,如果有能力而唔試,明知繼續落去又唔會有成果的話,點解唔試呢?
呢點就係我點解咁辛苦,節衣縮食都要送兩仔去英國讀書既原因,當然,我絕對唔知道佢地將來會點,但我地兩老已盡力而為,問心無愧就得。

Rank: 9Rank: 9Rank: 9


20786
發表於 17-5-3 09:30 |顯示全部帖子

回覆樓主:

小朋友肯去是成功第一步 ,真係買個希望,將來條路好行D。。。

Rank: 9Rank: 9Rank: 9


20786
發表於 17-5-3 09:54 |顯示全部帖子

回覆樓主:

本帖最後由 brother4 於 17-5-3 10:08 編輯

三個例子英國讀大學,一定貴。孩子在英讀英國預科書院itchen sixth form college 二年,每年學費包宿舍昰1萬五千鎊,二年共使3萬鎊估機票5萬港元,35萬讀咗二年,用非聯招報本地大學,得咗。。。間學校是朋友介紹但朋友佢有OEA,扣除約7千鎊一年免機票,估約16萬讀二年。。

點評

suemei    發表於 17-5-4 22:03

Rank: 4


566
發表於 17-5-3 10:19 |顯示全部帖子
過客 發表於 17-5-3 00:41
開始灰....我覺得我好似有點不自量力 !

去紐西蘭留學最平,每年20万可攪掂,英國係好貴㗎

Rank: 4


566
發表於 17-5-3 10:20 |顯示全部帖子
亮燈 發表於 17-5-3 08:44
以阿細北愛學校做例子,計過條數,扣除OEA及機票津貼,每年約$15-16萬,這數可負擔嘛?
另外,恕我以下言 ...

樓主好似無OEA,,,,

Rank: 12Rank: 12Rank: 12


54304
發表於 17-5-3 10:23 |顯示全部帖子
emmafish 發表於 17-5-3 10:20
樓主好似無OEA,,,,

咁就約$25萬左右

Rank: 6Rank: 6


6521
發表於 17-5-3 11:41 |顯示全部帖子
我們早年取留學資料,真係估唔到咁貴,當時計完嚇一嚇。匯價是12.5 及最高見13.2。捱過頭一兩年,我們已習慣使錢像倒水。不過同老公計番條數,如果留港,這筆錢都是一家吃喝玩樂買名牌或輸股票。我唔信自己可以儲番個筆4百萬。

而且這裏有慳錢留學的家長做明燈,怎買平機票,電話咭,交通費...平有平去英國。

Rank: 6Rank: 6


5087
發表於 17-5-3 12:50 |顯示全部帖子
noel2010 發表於 17-5-3 11:41
我們早年取留學資料,真係估唔到咁貴,當時計完嚇一嚇。匯價是12.5 及最高見13.2。捱過頭一兩年,我們已習 ...
同你一樣, 唔迫埋身, 係冇動力去儲 $.
因為在冇壓力下儲 $, 唔知點解 d $儲極都冇進帳.

Rank: 3Rank: 3


416
發表於 17-5-3 12:55 |顯示全部帖子

回覆樓主:

樓主, 有沒有想過這個暑假給仔仔一個機會到外國讀summer couse?
畀他知道什麼叫做在外國生活和讀書。 另外 他回來後,你也可以看看他有什麼改變。 例如學習上、態度上有沒有進步。summer course 要選擇一些學術性比較多,不是只去玩或觀光。
我仔仔中二時的暑假突然話中三要去外國讀書。 我覺得如果唔畀機會佢去, 佢會埋怨我。 所以我就搵咗間學校,畀佢去咗兩星期。 結果他返嚟之後 ,同我講都係讀完中六再去。
現今年青人,如果做父母能力做到的話, 我都贊成畀個機會他們。 但結果或效果如何?大家都估估下!
不知這樣做對你是否可行?

Rank: 7Rank: 7Rank: 7


10848
發表於 17-5-3 13:15 |顯示全部帖子
emmafish 發表於 17-5-3 10:19
去紐西蘭留學最平,每年20万可攪掂,英國係好貴㗎
紐西蘭好,又有GCE讀。大學可以去歐洲讀,學費可以好平。

Rank: 6Rank: 6


5087
發表於 17-5-3 13:20 |顯示全部帖子
ThanThan2000 發表於 17-5-3 12:55
樓主, 有沒有想過這個暑假給仔仔一個機會到外國讀summer couse?
畀他知道什麼叫做在外國生活和讀書。 另外 ...
我仔學校每年都有 2 個 study trip, 1 個在學期內, 全校都要去, 一個係暑假去, 而今年學校攪既其中一個暑假團係去澳洲, 聽完講解後, 佢好期待可以出發, 但最後唔夠人, 唔成團, 佢好失望.  之後, 我係方間搵到去英國學電腦遊學團 (佢係打機痴, 而這個團是用電腦學寫 Game, 上午上課, 下午遊名勝, 而且又係去英國, 佢好有興趣想去), 團費唔包機票, 重要自己飛去英國集合, 我有 d 唔放心.  點知佢突然冇啦啦同我講, 佢想出國讀書, 所以遊學圑就暫時 hold 住先.   

Rank: 3Rank: 3


416
發表於 17-5-3 13:29 |顯示全部帖子
過客 發表於 17-5-3 13:20
我仔學校每年都有 2 個 study trip, 1 個在學期內, 全校都要去, 一個係暑假去, 而今年學校攪既其中一個暑假 ...

明白! 咁遊學團未必可行! 他是否9月升中三?中三係好難捱的一年。 太多科目要讀。

Rank: 6Rank: 6


5087
發表於 17-5-3 13:36 |顯示全部帖子
ThanThan2000 發表於 17-5-3 13:29
明白! 咁遊學團未必可行! 他是否9月升中三?中三係好難捱的一年。 太多科目要讀。
...
出年升中二, 你指香港中三好難捱?