我的孩子會不會被斷錯症?

C93052322

上星期同仔去左評估中心度做自閉症評估，因他當天的表現算好合作，評估時人地叫佢做什麼他大部分都肯做，但就好少眼神接觸，叫他不是經常有反應，最後心理學家他有輕微自閉，建議他排I 位。因單對單training今星期四先開始上，呢段時間在家自己train佢坐定定，同埋眼神接觸，但他都很難坐定同望我們。他未懂說話，只外星語，而且那些基本的再見，早頭。。。的動作都不肯做，之前他有段時間識做動作bye-bye同放飛吻同說bye Bye night-night，最近叫他做什麼都不肯做，今天特登叫他的名叫左好多次都唔理人同望我們，在家玩隧道好多時都要放一些吸引到佢的東西在裡面佢才肯爬過去，沒有野的話佢采你都傻，在公園玩時只喜歡行坑渠蓋，極討厭玩滑梯，搖木馬，我覺得他的問題好像不似輕微，驚入I 位對佢幫助不大，雖然我仲未開始上training,但自己真的好擔心如果到時真的斷錯症便害了佢，你們點睇？

ncandtkh

入咗i位後如果i位老師覺得不合適可幫忙寫轉介信轉介去s位，用返舊number去排。好快有位。

C93052322

謝謝你的資料

KCHK

樓主， 放鬆小小先，以你小朋友呢個年紀想佢坐定定係有困難的， 就算正常的都未必可以坐咁耐， 不如等上左堂先同佢上家居訓練，因為我驚有反後果，怕小朋友以後好抗拒做訓練，心理學家覺得佢係輕微係因為佢聽得明指令又有做指令，如果你真係擔心你可以問下治療師意見（咁當然要上左一段時間先問啦），另外有無上感統治療呀？

C93052322

暫沒有上感統治療，今星期四在step上單對單的，請問感統治療那裡可以上，因佢只有２１個月，好多地方都要足兩歲才可以上,同埋好多地方都要等，我已幫佢排左耀能同協康密集式

lobb2015

C93052322 發表於 17-5-2 02:12
上星期同仔去左評估中心度做自閉症評估，因他當天的表現算好合作，評估時人地叫佢做什麼他大部分都肯做，但 ...

有時我都會咁諗。寧願個診斷係嚴重咗，治療重手咗，都好過診斷輕手咗，攪到做少咗治療。

lobb2015

C93052322 發表於 17-5-2 08:33
暫沒有上感統治療，今星期四在step上單對單的，請問感統治療那裡可以上，因佢只有２１個月，好多地方都要足 ...

你好叻。咁快做咗咁多嘢。
step 嘅感統係難排啲。
links 嘅職員同我講，唔知真唔真啦，佢話 step 嘅職業治療師人數比較少，所以會難排啲喎。
你繼續搵啦。週圍都排啦。

KCHK

C93052322 發表於 17-5-2 08:33
暫沒有上感統治療，今星期四在step上單對單的，請問感統治療那裡可以上，因佢只有２１個月，好多地方都要足 ...

我的確見到好多都要足2歲先有, 現在多點陪佢玩, 目的係佢會想同你玩(唔係迫佢同你玩)

zeta_leung

如果這段時間就要多點幫小朋友，我也覺得自已遲了點，早點知方向早點幫他。
有感統書可在家中玩

fishinlove

可排協康 感統建議先做評估再做訓練 因每個小朋友感統問題也不同