06 年仔女入讀 K1 的(港島區)媽咪，大家入黎傾下！

jamiemum

Hi, hay03,

係呀, 維記的幼稚園就真的較小學及中學出名, 因為始終小學中學都較新, 無咩backgroud, 而且學費真的很貴, 幼稚園就3千幾, 小學就要成5千幾, 因為我朋友個仔就係在維記讀小二, 聽見呢個學費已經知唔係我杯茶啦, 其實我都有問過我朋友點解會比5千幾讀維記小學, 而唔選擇其他差唔多價錢而又有多年辦學經驗的國際小學, 佢解釋就係維記小學除咗英文仲可以學到中文, 佢唔想小朋友好似其他國際學校的學生咁, 淨係滿口英語, 唔識講廣東話, so far, 我而家見佢仔仔都真係講廣東話多, 亦好似一般小二學生咁, 唔講都唔知佢讀國際小學, 呢啲真係見人見智啦!

聽完您講您担心您的小公主較怕羞, 唔答問題, 就知真係每一位父母都有唔同的担心, 我就担心我的小公主太大胆, 佢成個男仔頭咁, 我成日要提醒佢唔好推人, 唔好爭人啲玩具玩, 真係激到我命都無, 比我寧願佢細胆啲, 怕羞啲, 起碼唔會咁難教, 真係家家有個難攪的B.....  

Anyway, 您開始報學校未呀? 好多我哋心儀的幼稚園都會在11,12月派表, 部份就已經由而家開始派表及報名, 我諗未來呢幾個月都會好煩好忙碌, 到時大家報吓料, 減吓壓... :

hay03

jamiemum,

其實有好多家長都讚維記小學好架，不過我比個 D 驚人學費嚇窒左呢，我揀維記讀 PN 坦白講係因為想黎緊考 K1 的學校幫到少少咁啦，唔知呢個想法係唔係錯誤。

唉，我寧願我的小主好似妳果個 B 咁主動咁活潑呀，唔怕同妳講，我個小主到依家開學三個星期，仲係喊住番學呀，我閉「藝」到不得了呀！都唔知佢幾時先至叫做適應學校生活呢！

我已經報左兩間真光啦，仲有係靈糧堂，咁妳又報左邊間呀？

jamiemum

Hi, Charlotte_mom,

哈, 點會鬧您呀, 多謝您比咁多關於各間幼稚園的料我哋就真啦, 如果唔係好似我呢類"十吓十吓"的mommy, 仲以為去Interview只需要陪坐咋, 原來我都要做功課, 不過您老公都答得好誠實喎, 真係貪佢學校夠大呀! 嘻..., 咁您囡囡而家讀咩幼稚園, 唔介意分享吓, 讀得開唔開心呀?

hay03

謝謝妳的寶貴資料！

亦提醒左我唔好好似妳老公咁答呀！

Charlotte_mom 寫道:
哈哈, 我都幾驚自己咁講俾人鬧(又話我抹黑又盛咁)
真架, 我預左晒d台辭, 點知間間都唔考家長, 考st paul時, 我已經有第二間offer, 又真係"神推鬼恐", 果日唔返工唔得, 咪叫我老公一個去lor
(我果時又真係笨既)
結果你估我老公點答? 佢夠膽死答人"因為你地學校大"
所以....唔收都好正常既.....

jamiemum

hay03,

唔駛太愁, 我每日都會送小女返學並在10:00左右去偷睇小女上堂情況, 我發現返學時好多都眼濕濕, 但當佢哋在上堂期間每一班的小朋友都玩得幾自在, 雖然好多時都係自己行嚟行去, 無咩social, 但喊的情況真係無咩喎, 可能係嗲家人, 您真係要放鬆啲, 加油呀!

我就報咗靈糧堂, 北角蘇浙, 愛群道呂郭碧鳳, 跟住嚟就係聖公會鐡崗, 聖瑪加利大, 聖心及聖保祿, 係咪好嚇人呢? 我老公都話駛唔駛報咁多呀? 但我就用大包圍囉, 到時再睇吓去唔去interview, 況且人哋唔一定收我個小公主, 都係多幾個chance好啲, 呢啲咪就係亞媽囉....!

dorchiu

jamiemum 寫道:
...其實我都好鍾意聖瑪加利大幼稚園, 因為留意到讀呢間幼稚園的小朋友都幾 smart, 但聽人講又係好難入, 您哋知唔知呢間interview會考啲咩呢? 請多多指教!

I know a bk mami who daughter had interview on last year.  Maybe I tried to call her to get more info if she's still remembered  

Charlotte_mom

我相信任何一個有腦筋既人, 都唔會咁答lor :evil: 俾佢激死
好彩我老公而家都識死, 黎梗考小一, 佢叫我教定佢d台辭, 弊在....我實在唔敢俾佢答任何一part呀
[quote]
hay03 寫道:
謝謝妳的寶貴資料！
亦提醒左我唔好好似妳老公咁答呀！
[quote]

jamiemum

Dorchiu,

Thanks for your kindly help.  You really a great BK mami, love to talk and share with you....

Charlotte_mom

有教育界人士話, 維記小學課程, 唔local唔國際, 想轉返去主流中學, 有d難度, 佢而家就黎有自己中學, 梗係安心d啦, 不過, 中學生出到黎成績點, 又真係無人知喇
而家教統局玩到個system咁樣, 有咩計丫, 無分入小學既(好似我咁)唯有早d"馬"住間私小附屬幼稚園eg st clare, 真光, st paul convent, 蘇淅, 維記, 起碼可以直升, 有個offer o係手都淡定d(雖然要俾錢) 有d私小, hold住offer都可以join大抽獎, 有d唔可以, 要八清楚
有d雖然係津小, 但好多時都收好多附屬幼稚園學生eg st joseph, 有d就小一仲小人數過k3, 真大鑊(eg st stephen girls), 所以真係要做足功課呀

Sindy

dorchiu 寫道:
[quote]
jamiemum 寫道:
...其實我都好鍾意聖瑪加利大幼稚園, 因為留意到讀呢間幼稚園的小朋友都幾 smart, 但聽人講又係好難入, 您哋知唔知呢間interview會考啲咩呢? 請多多指教!

[/quote]

只要係住係半山區,個細路唔出聲都收架,我親戚個女就係咁啦....佢仲淨係識普通話同上海話添

Cyrus

一口氣睇晒咁多頁，好多謝各位媽咪提供的資料。我諗個個媽咪都會大包圍，我更加要添因為我個仔係12月出世，更加難考學校，中西區又競爭大。

hay03

jamiemum,

謝謝妳的鼓勵，希望我個女快快趣趣愛上番學啦！真係好鬼羨慕妳可以去偷望個女上堂呢！我依家已經暫停送個女番學啦，因為實在太難忍受那難捨難離的感覺。

我都唔敢話妳報得太多學校啦，睇怕我同妳都差唔多架啦，諗住報左先啦，人地話收先至再考慮啦！呢啲咪就係亞媽囉！   

peggyhoho

我囝囝明日下午會去救恩面試,唔知救恩是否比禮賢會/聖士提反堂好,因我都想報呢兩間.

ahkc 寫道:
Hi jessicayin:
上星期已同仔仔去左救恩面試, 昨天已接到信說取錄佢讀上午班, 很高興啊!  

面試非常簡單, 老師同仔仔玩玩具,拼图, 多數問下這是什麽呀, 什麽顔色呀, 然後給他挑選鑰匙扣, 叫他說"多謝". (仔仔一直很合作和有回應, To My Surprise! 以爲佢會頑皮, 那時候又聽話, 小孩反應很難估計! 只可以順其自然!)

接著另一老師再同仔仔玩拼图, 認卡, 又問下"這是什麽呀" 等類似的問題.  (仔仔開始有D不感興趣, 不想答 ).  anyway, 面試很快結束, 只是10分鐘左右.  Good luck!

其實, 我還報左銅鑼灣靈糧堂, 但是路較遠, 還不知道去不去面試, (但是還未收到面試信...)

Best wishes
AHKC

jamiemum

Hi, hay03,

係呀, 今日我又去偷睇小公主的上堂情況, 仲比佢睇到我, 不過佢玩咁公仔, 唔係好理我囉! 而我偷睇埋其他班啲同學仔, 都無人喊喎, 所以您唔駛太担心您個小公主, 小朋友好快適應, 返學喊吓都係想嗲吓啫, 好似我個B咁, 頭都唔回, 就走咗入班房, 直情當亞媽無到, 您咪仲心痛.... 其實我要返工, 但因為公司就嚟執, 所以現在好得閒, 遲啲搵到新工, 就無咁得閒啦! 希望同小公主搵埋幼稚園先執啦!

Hi, Sindy,

聽完您咁講, 真係失望, 原來聖瑪加利大又係白鴿眼學校一間, 唉, 咁攪法, 真係唯有等中六合彩囉! 我都有聽啲朋友講話有幾間幼稚園係好睇家低, 住半山再加埋亞媽唔駛做, 未見已經有機會, 只要interview唔太差, 咁就一定無問題, 呢樣真係無計, 因為呢啲學校都唔愁無人報, 唯有睇亞女造化啦!

hay03

jamiemum,

謝謝妳報料呀！上星期我工人係學校唔敢行開半步呀，佢話係大堂都聽到我個女 D 喊聲呀！     

妳個女咪生性囉，唔需要妳擔心麻，放心啦，睇怕遲 D 妳收到哂所有學校通知收妳個女呀，到時妳有排頭痕呀！   

估唔到聖瑪加利大呢間學校都係咁，咁仲有邊幾間都係咁架，講黎聽下啦！

jamiemum

Hi, peggyhoho,

救恩在學術上好唔好過您講的另外兩間就唔知, 但學習氣氛就很開心, 因為我之前都講過我朋友個仔在救恩讀小三, 讀得好開心, 而功課亦無太大壓力, 所以我諗幼稚園應該更開心啦, 而佢又有小學及中學部, 將來可以直升, 但中學好似喺大埔, 所以我朋友都唔會預佢個仔讀救恩中學, 而小學學費就二千零蚊。

救恩是一間基督教學校, 都幾奉行宗教教學, 校長及老師很有愛心, 家長好多都係政府工務員, 有學費資助, 我朋友都係, 德行上的教育應該無問題, 我朋友個仔好有愛心, 好照顧小朋友, 但學術上就唔知可唔可以connect主流中學啦!

呢啲係個人意見..  

jamiemum

hay03,

我聽朋友講話 st.stephen girl (由K2開始, 沒有K1班, 我朋友個囡讀呢間, 住半山, 全職媽咪, 仲要靠人事先有得考), 北角蘇浙, st.paul convent(全職媽咪多可選上午班, 再職媽咪多在下午班), 聖心(最鍾意全職媽咪, 因聽聞功課多, 我朋友個細囡讀呢間, 朋友是全職媽咪), 呢啲料真係八返嚟, 唔知係咪確實, 如有知情者, 請多多補充!

不過我都相信唔係100%的學生都係咁樣評選, 始終人選您您選人, 但非我族類的小朋友(好似我呢類平民家庭), 可能就真係要小朋友interview當日表現要好出色先會有機會, 但呢樣咪就係最難囉, 我做佢亞媽都唔知佢邊分鐘好心情邊分鐘唔好心情, 又點可control佢在人前的表現, 仲要指定時間完成動作, 真係難上加難!  我個小公主, 我叫佢講佢唔講, 我叫佢唔好講佢就猛講, 紅色又話黃色, 但問我攞M&M食就識得問我攞咩顏色, 比錯佢都唔得呀, 您話點死...唉! 現代父母的十大難處之一......  

hay03

jamiemum,

st.stephen girl 都知佢巴閉架啦，好鐘意收大女家麻，仲要小朋友罰企添呀，又鐘意將學生同學生互相比較；聖心就聽聞上午班比下午班的程度深 D 個喎，上午班就讀高一個 Level；北角蘇浙呢，我朋友話想當年佢帶仔仔去面試，見到有家長係枱底塞左張一千蚊比個職員喎，但唔知點解會咁做架      

我都係平民家庭啦，真係要睇亞大小姐到時的表現啦！仲有 D 唔睇個小朋友表現，而係睇家長的表現呀！想水呀！

Cyrus

peggyhoho, 我聽日都去救恩交form，唔知interview難唔難呢？我個仔得21個月大，仲講緊BB話，我都唔知佢點考試！

jamiemum, 你d資料好詳細呀！起初我對救恩的認識真不多，而家好好了，真的要多謝你。St.Stephen Girls真係好鐘意收大女，而且都幾白鴿眼添！

dorchiu

原來聖瑪加利大又係白鴿眼學校一間===>  好似唔係咁     我識個 bk mami 佢住 discovery bay, 咪一樣得.  另外我同學個仔仔以前都係讀聖瑪加利大, 佢住太古城.  我相信唔會只收中高產家境