黠樣供 ...英國留學, 1 年學費等要預$40萬左右, 真係唔野小

dlam141231

nintendo 發表於 17-5-4 10:41
看他人的例，可能非適合。網友仔女讀得好，當然開心 share ，但其實亦有唔少讀得麻麻，人地只係唔想提。 ...

實況就是這樣, 讀得麻麻的, 唔會上黎分享.  我外甥是其一, 佢父母達成共識送仔出國, 只係打工仔, 但唸住最多遲幾年退休都要送獨生子出國留學.  外甥唔笨, 但好心散, 學業成績欠佳, 當佢聽到可以出國留學, 都好雀躍.   但, 唉, 一言難盡, 讀到第三學期, 在不獲父母支持在學期中停學情況下, 也沒有知會父母和校方, 自己改了機票飛返香港.
.   另一位朋友的孩子, 同樣是獨生子, 也是在香港學業成績欠佳, 父母也有共識支持出國, 孩子也想去.  但去咗一年, 返港過完暑期, 臨上飛機, 就點都唔肯再飛返英國.   結果在家hea住, 無返學, 父母立起心腸, 要佢出去打工, 佢又肯去, 仲知道工作辛苦, 但年少沖動, 跟同事有沖突, 俾人圍打, 口腫面腫返屋企, 阿媽見到喊到收唔到聲.  後來又再要求父母俾多次機會俾佢再去英國, 結果第二次送出國.  

agchan

其實外國讀書未必hea, 只是要求不同，去之前要有心理傅道。讀書唔成，我左外國讀書時見得多，很多不敢回港。

過客

retriever 發表於 17-5-4 20:10
其實我唔明點解要瞓身， 瞓身先為佢好？

我係老餅，與其話我唔明白而家D 細路，可能我更唔明而家D  家長 ...

我都係老餅, 我都係從錯誤中學習, 不過係幾十歲先開始醒悟. 我覺得我年幼時浪費了很多時間, 一切都追唔返.
而且仔女覺得父母在身邊, 佢地會有依賴,     

過客

torunpoland 發表於 17-5-4 17:50
之前有家長都講過..... 呢次係背水一戰, 唔係話你個仔, 我係話你.

供得辛辛苦苦, 佢讀得成書, 孝順父母,  ...

多謝你咁直接.  
我就係好多野都想到盡處先去實行, 所以到而家都係原地踏步........
我都知冇咁大個頭, 唔好戴咁大頂帽, 所以咪上黎囉多 d 資料, 搵下有冇同道中人可以指教下我.

亮燈

過客 發表於 17-5-4 21:37
多謝你咁直接.  
我就係好多野都想到盡處先去實行, 所以到而家都係原地踏步........
我都知冇咁大個頭, 唔 ...

其實我都算係背水一戰，講真，我兩仔去英國讀書，一年要$5X萬，讀足咁多年，我唔敢計條實數，因為我冇咁多儲蓄，仲要扣埋OEA，每年實際俾$3X萬，叫做勉強應付到，於是乎膽粗粗就送佢地去。決定前亦會同佢地講：讀得一年得一年，我唔答應到會供完你地讀書，如果冇錢就返黎讀囉！
總之大家一齊努力，你地就努力讀書，父母就努力工作，每人盡自己既責任，希望可以完成呢得任務，
惟有咁講啦！

過客

亮燈 發表於 17-5-4 21:50
其實我都算係背水一戰，講真，我兩仔去英國讀書，一年要$5X萬，讀足咁多年，我唔敢計條實數，因為我冇咁多 ...

多謝亮燈兄.  我都係咁同個小朋友講, 小朋友都明白, 所以佢先話做 Part time 幫補........淨係 Lee 句既說話 (唔理佢係咪真心, 但佢肯講) 我都滿足啦.

retriever

過客 發表於 17-5-4 21:12
我都係老餅, 我都係從錯誤中學習, 不過係幾十歲先開始醒悟. 我覺得我年幼時浪費了很多時間, 一切都追唔返.
...

覺悟係靠佢自己，唔係父母直接安排到。

如果求昇大學，而家呢個香港社會，容許有多次機會，好話唔好聽，年青人來日方長，比中年人RETRY 既機會多得多。中老年人係用一蚊，無一蚊。

話說回頭，你俾佢HEA 到 DSE 先跌一骹，無論你忍心佢出來做學徒試下捱世界, 再自食其力儲錢進修，定慷慨送佢去讀預科或社區學院，條數跟而家初中送去都差好遠。


慎重！

ratafan

今時今日好多細路過英國的目的是對DSE 冇太大把握，或想在英國考A Level 上大學，希望上比較一缐頂尖大學，如果公務員的話希望唔好浪費個OEA. 大多數出國的家庭都不用擔心$。所以如果儲蓄不多，又人到中年，為了個十二三歲一句話而做此大決定要想清楚啊！或者可以先through agent 申請apply 幾間，看看囝仔的表現及能力和學校的comments,透過此過程亦可觀察兒子的態度才下決定。
莫講一百萬，過四十歲此年紀儲蓄冇一千萬也未必夠膽放個仔去英國留學成十年

過客

$1 千萬?????

nintendo

壓力，一班三四十人，個個都有。
只求合格 ( 或多少少 )，已經可以入 IVE 之類，又冇逼佢做狀元 5**，咁都做唔到？

有同學成績好，想去美國讀大學，有 ivy league 考埋收埋，但計唔掂數，
而家決定留香港， HKU 已收，佢會 master 先去。


仔女要生性，明父母難處，明知父母唔夠錢，要生性，唔好再 hea ，
最多比佢去讀大學。

亮燈

ratafan 發表於 17-5-5 08:08
今時今日好多細路過英國的目的是對DSE 冇太大把握，或想在英國考A Level 上大學，希望上比較一缐頂尖大學， ...

哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書，祝我好運吧！
講真，如果我有1000萬，我會選擇移民喇！

nintendo

ratafan 發表於 17-5-5 08:08
今時今日好多細路過英國的目的是對DSE 冇太大把握，或想在英國考A Level 上大學，希望上比較一缐頂尖大學， ...

一千萬 ?
咁又唔駛，但如係打份工，咁真係要有穩定收入。
樓主情形，真係有少少不設實際。

ratafan

nintendo 發表於 17-5-5 10:00
一千萬 ?
咁又唔駛，但如係打份工，咁真係要有穩定收入。
樓主情形，真係有少少不設實際。

我年紀大，又大洗，又不是公務員，(emoji)想make sure 退休有足夠$旁身....

brother4

亮兄x2 移民 ，1千萬可以投資移民，五年後可拿回及有居英權，好處冇要求學歷，英語能力，年齡，可享受當地医療〈全家)，18歲以下之子女可享有免費教育。。。

DoReMi媽媽

ratafan 發表於 17-5-5 10:23
我年紀大，又大洗，又不是公務員，(emoji)想make sure 退休有足夠$旁身....

其實當年我小朋友出國時，我老公都即鎖咗筆錢預嚟做小朋友出國讀書用，yr 9過去，連埋讀大學，一個孩子就要用起碼8年時間，仲未計佢可能會讀埋master，我哋都唔係公務員，亦唔想為咗供讀書而退休生活緊絀。

再講，我唔覺出國讀書可以hea讀，眼見小朋友啲香港同學，都係香港有名氣嘅學校過去的，唔係逃避香港教育先過去，一樣係有競爭，學校對學生亦有要求，達唔到標，學校會勸退學生離開，一樣有壓力，見過有啲學生有情緒病，厭食症，結果中途要回國。 雖然假期多，但返到嚟一樣喺香港補習（有啲專為海外留學生而設嘅補習中心），唔好以為哩啲係小數，哩啲補習中心嘅時間好多時都被約晒，有名氣嘅仲要半年前已跟學校calendar  被book晒堂，否則，放假前先約，都唔會俾到時間學生，可想而知需求幾大，仲要哩啲補習堂一點也不便宜。

3b

亮燈 發表於 17-5-5 09:52
哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書， ...

亮兄,  
你太太打政府工, 工作穩定性高, 每年又有OEA (大約7-8萬?), 加上你們兩公婆有共同理念, 互相支持. 小朋友如有特殊需要, 而香港學校卻支援不足, 尋求另外一個適合的地方給他們多一個選擇無可口非. 但是樓主經濟上不容許, 夫妻之間又沒有共識, 孩子是因為懶散而讀書成績一般, 你的例子跟樓主相差太遠了.

樓主,
經過幾日, 各位家長不吝惜地給你很多正/反(忠言逆耳)的意見, 希望你好好參詳一下, 選擇一個適合全家的方案.

basbyy

亮燈 發表於 17-5-5 09:52
哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書， ...

亮兄x3，仲要大年紀過亮兄
三年前，我安排亞女去英國讀書個戶口得 ratafan 講嘅 5%，好頭痕但為左子女將來都係要上，有OEA，但並唔係諗住唔好嘥，只係為子女前途， claim 政府10萬多D但要比返2萬幾蚊稅，呢三年靠繼續儲蓄同果舊錢平安渡過。

今年更膽大，安排埋個細仔過去，老公提早食糧攞左未夠7位數字嘅退休金（簽約仲有兩年做），炒左菲傭自己做埋亞四，手上嘅錢+繼續儲蓄+儲蓄保險到期，應該應付四年無問題。到時我都退休，亞女大學仲未畢業，亞仔仲未升大學，我份退休金比佢地完成學業應該無問題。有朋友話我地咁捨得比咁多錢仔女讀書，我話大家價值觀唔同，我嘅下屬捨得攞錢去買車供樓，佢地生活質素好過我，但我見到子女開開心心學習成長，我同老公都覺得好值得。

洋子

樓主,
其實如果經濟不寬裕的話, 真的不用這麼早考慮出去, 是否可以考慮先轉去國際學校讀呢? 一來費用一定比出國讀書便宜, 讀書壓力應該冇讀local school甘大. 二來又可以學好英文, 打好個底先, 為以後大些出國讀書打好基礎.

basbyy

樓主,

如果我無記錯，妳仔仔而家係中一，讀完中二，中三先過去都仲有好多時間，我都覺得首先係要夫妻間有左共識先，唔好諗一年幾多十萬，手上嘅錢幾多年用完，因為小朋友出左國，佢喺香港嘅學費、補習費、課外活動費，飯錢零用等等係節省左，呢條數其實唔係細數目架。

亮燈

3b 發表於 17-5-5 12:13
亮兄,  
你太太打政府工, 工作穩定性高, 每年又有OEA (大約7-8萬?), 加上你們兩公婆有共同理念, 互相支持. ...

3b：
你講得正確，如果我唔係有咁既條件，根本係冇可能送到佢地去英國讀書。首先要佢地想去，其次就係我地兩老同意及支持，之後計得掂條數就決定。
經濟條件：有OEA及機票津貼，住公屋(公務員福利)，兩老都準時出糧但並非薪高，未有OEA時，每年納稅約$3XXX左右。
我全份糧就俾佢地交學費，太太份糧就用作食宿之用。所以每月都係僅僅夠用。
至於將來退休，太太有長俸，我有公司公積金。所以我覺得可以亦希望完成到呢項壯舉。