幼稚園，點揀好。。。

janicelwy

好煩惱，屋企附近同成個鐘車程人人話好既名校，點揀好？出去讀，車程多好多，所以時間少左，放學回來都天黑了，小朋友做野慢都幾肯定日日趕趕趕。
留區讀，普通村幼，學術要求不太多，但有時間午睡成日去公園玩，多D親子時間。
為前途，出去讀應該更好，但佢仲係小朋友。。。。

JJ_KK

janicelwy 發表於 17-4-25 14:22
好煩惱，屋企附近同成個鐘車程人人話好既名校，點揀好？出去讀，車程多好多，所以時間少左，放學回來都天黑 ...

可以開名邊間名幼嗎？
看看是否值得長途跋涉去讀。

chingchingbb14

邊間名幼先？龍校就好值得。

fluty

chingchingbb14 發表於 17-4-25 15:55
邊間名幼先？龍校就好值得。

間間龍校都值？

janicelwy

回覆 chingchingbb14 的帖子

唔係龍校，所以自己入左都要努力架，我諗係要到叩門都會好D，不過時間少左係我最大顧慮。。。

chingchingbb14

回覆 fluty 的帖子

大部份都係值得。因為煩少好多

chingchingbb14

回覆 janicelwy 的帖子

其實係邊間名幼？SC？如果你目標係直資，咁就轉啦。其實好多小朋友都搭成個鐘校車。我小朋友今年都會由近屋企轉一間要成個鐘校車，但我無諗過唔轉。

Forgetmenot999

除非是龍幼，否則不值得跑到老遠去讀

day_bo

回覆 janicelwy 的帖子

搭一個鐘頭校車是很普遍，習慣了就可以，名幼的確叩門或考直私有著數。但你意思放學回來已天黑是否PM班? 如是，下年有冇機會轉AM?

deco99

janicelwy 發表於 17-4-25 14:22
好煩惱，屋企附近同成個鐘車程人人話好既名校，點揀好？出去讀，車程多好多，所以時間少左，放學回來都天黑 ...

你係度問都得不到答案，睇你自己點諗。好多小朋友搭一個鐘校車，但唔代表呢個係正常。我就接受唔到咁細個就山長水遠返學，所以揀近屋企，但我揀果個係私幼

hha

一個鐘車程係真係架車行一個鐘？定返學前一個鐘上校車？如果一個鐘前上校車，我會接受，因為其實校車通常早到學校，可能車程都係40分鐘左右。但凈車程都一個鐘的話，可能個半鐘前就要上校車，就真係太長。

creambun

如果你目標係區內津校，咁揀屋企附近那一間幼稚園。如果目標係熱門直資/私校，咁揀一間較有名氣的幼稚園比較好。

meihong

janicelwy 發表於 17-4-25 14:22
好煩惱，屋企附近同成個鐘車程人人話好既名校，點揀好？出去讀，車程多好多，所以時間少左，放學回來都天黑 ...

好睇家長點唸，我識人將軍澳去spk, 每朝7:20上車，真係1小時車程，有時1hr 15mins先返到，但名幼就唔捨得放棄。我自己小朋友坐校巴，9:00返學，8:00上車，其實8:50到學校，只係兜得多，但其實車程（的士計）20分鐘唔駛，鑚石山去九龍塘咋，如果好介意小朋友坐耐校巴就唔好勉強。不過，我個人認為，幼稚園階段坐校巴唔係乜大問題，我仔其實校巴上同d小朋友傾計、唱歌，攰就會瞓。我校巴ee好好，會教小朋友嘢，同學之間請食餅，我反而覺得個40mins係小朋友生活教育。

但我亦識人超級抗拒坐校巴，一定15分鐘內到學校先可以。

所以在乎家長心態，幼稚園3年教育直接影響升小，計計利弊，邊個先對小朋友好。

水皮仔

我女女果間幼稚園都要1小時車，有校車到樓下，都算名幼，最緊要適合小朋友，唔係好近都冇用

tkinwong

其實開名都無所謂，唔會有人認為你「曬命」。

想確定一下，你間名校係未英普為教學語言？是的話，而你又旨在在直私的話，咁就真係要㨂名校。

hedhed

睇下你指嘅「名」幼同你樓下間村幼爭幾遠先？

ume

睇家長選擇，我因為唔想小朋友咁細個就要坐保母車，並以就近入學為原則，最後我放棄咗龍幼，選擇咗村校，好多朋友都覺得我既選擇好奇怪，雖然都有朋友支持我。但選擇既時候真係有好大掙扎。不過選擇咗之後就向前看，不要回頭，反正路是自己行出來，不後悔、沒如果，就是了。