P1 面試能力與 K1 果時嘅面試能力有掛鈎嗎

yiqiyihui

有D細路考k1 幾乎全軍覆沒。冇咩反應，唔答人，一舊雲咁有D就考邊間都收

咁我想問，到要考小一時，果D k1 失敗者有冇隨年紀變強?
而強者又keep住繼續強?

定還是三歲定八十，幾年後都唔好得幾多，要有心理準備細路唔係面試材料?

想過來人分享下，謝謝!

Jane1983

好睇家長呢2、3年花咗幾多心機。睇番轉頭，我覺得有長勝將軍；有K1和小一都唔掂；有考K靠文靜乖巧入名幼，但考小一反而平平；亦有考K麻麻，幾年生聚教訓，脫胎換骨。

不過點都好，仔女係自己的，一時得失，尤其係5歲的成敗，真係要睇開d。雖然我唔鍾意毛生，但佢講得啱，風物長而放眼量！

1998Ruby1998

呢個世界咩人都有，唔可以話「三歲定八十」，莫講話 K1 與 P1，有幾多人小學考得好好，中學跌到變籮底橙，又有幾多人小學徘徊留班邊緣，中學突然開竅，突飛猛進！我自己見得多。

當然，強者可以越強，但係唔代表弱者越弱，強者都有機會「人無千日好，花無百日紅」，而弱者都有翻身一日，呢個要靠父母呢幾年多帶仔女去見識世界，累積經驗同知識。小時候嘅一點失敗唔代表永遠都失敗，父母要睇開 d，自然仔女都會學識「小小苦楚等於激勵」。樓上引用毛生果句一樣，放寬視野，不要太過計較眼前得失。

greentea000

正確訓練一定有用，有準備一定比無準備好。

DengCK

人人不同。玉要打磨先能成為美玉。但石頭點打磨都只是石頭。

你聽過「書緣」嗎？

Mchacha

小朋友屬細B，當年考K1都不算好成績，有點認為細B點都有被標籤，加上兩歲多說話表達能力不及大B。
但今年小朋友剛考P1，結果都比大B的同學好，我覺得小孩大大下會追上年齡差距，加上自己培育，不需擔心。

asweetmom

讀書材料就聽過，面試材料真新鮮！(≧∇≦)

pizzafat

Mchacha 發表於 17-4-16 15:15
小朋友屬細B，當年考K1都不算好成績，有點認為細B點都有被標籤，加上兩歲多說話表達能力不及大B。
但今年小 ...

我小朋友都係細b呀，想請教應該點培育小朋友好？我地有伴讀、帶佢出去認識多d周圍環境、培養自理和同理心、禮貌

yiqiyihui

Jane1983 發表於 17-4-15 22:53
好睇家長呢2、3年花咗幾多心機。睇番轉頭，我覺得有長勝將軍；有K1和小一都唔掂；有考K靠文靜乖巧入名幼， ...

俾心機栽培就一定會，只怕效果如何又係另一回事。
邊個係毛生?

yiqiyihui

1998Ruby1998 發表於 17-4-15 23:21
呢個世界咩人都有，唔可以話「三歲定八十」，莫講話 K1 與 P1，有幾多人小學考得好好，中學跌到變籮底橙， ...

多謝提醒，我都明嘅。但始終面試技巧要有先gain到入好學校嘅入場券。
總之盡力啦!

yiqiyihui

asweetmom 發表於 17-4-16 18:07
讀書材料就聽過，面試材料真新鮮！(≧∇≦)

咁係好事，證明你未受過屢戰屢敗嘅打擊!

yiqiyihui

Mchacha 發表於 17-4-16 15:15
小朋友屬細B，當年考K1都不算好成績，有點認為細B點都有被標籤，加上兩歲多說話表達能力不及大B。
但今年小 ...

小朋友幾叻叻喎當初係輸年紀啫
年齡差距縮小佢就發揮得比其他人仲好
借問是男還是女?

1998Ruby1998

回覆 yiqiyihui 的帖子

面試好，固然好，但係要入到好學校裡面都要繼續好，唔係的話，你同仔女都辛苦。更何況，好學校大部份都係菁英雲集，你要預備仔女隨時做「墊底人」。呢個好多家長都唔係咁接受到。又唔一定面試先入到嘅，面試都唔會考十八般武藝啦。得閒帶仔女去海灘、濕地公園，開心之餘又學到野，暑假參加下服務中心嘅暑期班／參觀／日營，從中都會學到以禮待人、謙卑、體諒、面帶微笑。學校唔愁冇成績好學生，佢地最想要班有自理能力、自信、責任心、愛心、守規矩、唔生事、識得欣賞人好處嘅學生。就當自己係日本家庭咁湊小朋友。果陣我做 Helper，聽 d 家長，面試問題都係閒話家常，但係小朋友互動果陣就好容易睇得出性格同埋禮貌。同校長傾計，佢都話面試內容其實個個都差唔多（幾歲人仔，講黎講去都係萬變不離其宗），冇話邊個答得多就邊個好，但係佢最想睇到小朋友由心而發有禮貌（唔係機械人式禮貌）、保持笑容、有 eye contact（眼珠保持係中間，如果隔離有人講野就郁個頭）
其實其他學校老師質素比好學校更好。我自己讀 Band 1 讀左咁多年，外人成日以為學校老師一定好好，入讀一定成績都好好。結果？好多老師以為學生明白，所以唔教／水過鴨背，結果除左果班「強者」之外，好多人都唔識。同埋咁多菁英，如果你成績唔好，其實帶來好大壓力。唔係話唔好讀，不過如果你知道仔女唔屬於果個地方，資質唔係好高，唔受谷，不如唔好勉強入，除非你同仔女準備好日日奮鬥。

就趁呢段時間，多 d 親子活動，畀個機會自己同仔女去互相了解一下。

asweetmom

回覆 1998Ruby1998 的帖子

[size=32.1072px]以禮待人、謙卑、體諒、面帶微笑、自理能力、自信、責任心、愛心、守規矩、唔生事、識得欣賞人好處嘅學生……呢堆條件，k1做到係神童，p1做到係資優。

yiqiyihui

1998Ruby1998 發表於 17-4-16 22:39
回覆 yiqiyihui 的帖子

面試好，固然好，但係要入到好學校裡面都要繼續好，唔係的話，你同仔女都辛苦。更 ...

Thanks! 好奇click入你的文章，年紀應該很輕, 但想法好有深度!
你對由邊方面培養小朋友的advice 也很有用，會記住，先謝過!!
你講嘅入名校要面對嘅問題我完全明白。當年母親就係費盡心思安排我入名校。所以名校同一般學校我都讀過。
以個人經驗就老師generally 名校好些, 尤其英文科的，沒得比。其他科目的則可能分別不太大。學習氣氛就名校是和普通學校不一樣，ideally, 在名校內遇強越強。在一般學校如果成班人hea 讀想唔hea都難 (大家會視之為異類)。(不過在今日香港可能不適用了，好似讀咩學校大家都好辛苦好大壓力, 國際學校除外)況且如先能入名校，唔適合再轉出嚟就總易過 vice versa.

1998Ruby1998

回覆 asweetmom 的帖子

當然唔係要你做到 100%，而係要小朋友主動講「唔該」、「多謝」，「對唔住」、「你好／再見」，唔會亂跑、坐定定（我呢 part 練左好耐），如果有人跌倒會即刻扶起佢。有自信係除左面對住面試老師之外，對任何人都唔好閃閃縮縮。除左呢樣野，如果有用櫈而且有移動到的話，記住問洗唔洗搬返好，有用埋檯的話，記住將凳輕手泊返好，行樓梯要靠右單行、輕腳步（最好聽唔到聲）。呢 d 全部我一年班九月份已經要全部學識。N 年前都要咁，依家更加會注意。

asweetmom

yiqiyihui 發表於 17-4-16 22:07
咁係好事，證明你未受過屢戰屢敗嘅打擊!

我自己知自己事，無優良遺傳基因俾幾個女，無謂k1推佢地去拼命，讀屋邨有學券幼稚園算。幼稚園三年先慢慢教，eye contact 教左成年先有些少效果，都唔好計其他。於是名小又無我地份啦，咪又讀屋邨小學囉！呢六年又教下，終於中學去到b1。我地奮戰十二年先成功，你唔使咁早灰心。

1998Ruby1998

回覆 yiqiyihui 的帖子

我都係經歷同埋目睹得太多彎路，唔想再有其他人踩落去，當局者迷，旁觀者清，有時候一句提醒可以幫到好大。
既然你都經歷過，相信你比好多人都更清楚名校同一般學校分別，不過 hea 就可以出淤泥而不染，睇下父母同老師支持夠唔夠。至於遇強越強，睇返小朋友本質同埋壓力來源。有好多人都會奮勇上進，但係我都見唔少人繼續跌。我自己就真係冇試過「遇強越強」嘅心理，但求無過，平穩過關就算，即使係我最擅長嘅英文科，同學高分過我，我冇諗過下次要擊倒佢，保持自己質素就得。

不過，家家有本難念的經，個個小朋友資質唔同，養育方式都唔一樣，但係最緊要都係教導小朋友以禮待人，負責老實。

asweetmom

回覆 1998Ruby1998 的帖子

沒有用的，大方向就是如此，逼住跟，大部分家長都無力抵抗。

pizzafat

asweetmom 發表於 17-4-16 23:27
我自己知自己事，無優良遺傳基因俾幾個女，無謂k1推佢地去拼命，讀屋邨有學券幼稚園算。幼稚園三年先慢慢教 ...

你呢個經歷真係好勵志，媽媽同小朋友都要好努力，多謝你