英國留學, 監戶人係咪當一個好重要的角色?

過客

英國留學, 監戶人係咪當一個好重要的角色?  我有親戚在倫敦, 但倫敦附近 d 學校學費好費, 我負擔唔起, 北愛學校平好多, 但親戚話一來學校太遠, 二來北愛唔方便, 飛機冇直航, 三來車$ 都唔野小.........
我當然想搵親戚當監戶人, 但...........

brother4

不如直接問親戚附近有冇好學校介紹及平的?另附近日校可一問估一定平的但親戚肯全日照顧?

Umi

過客 發表於 17-4-14 21:05
英國留學, 監戶人係咪當一個好重要的角色?  我有親戚在倫敦, 但倫敦附近 d 學校學費好費, 我負擔唔起, 北愛 ...

監護人角色係重要的，學生係學校有咩事第一時間係要找佢，如果距離太遠，大家都不方便，距離最好1小時車程比較好！

過客

唔想打攪親戚, 只求親戚做監戶人.

請問你地既監戶人係咪用果邊 d 公司找的, 大約要幾 $ 一年? 監戶人跟得貼嗎?  會廣東話嗎?  我英文唔掂, 一定要用中文溝通.

brother4

考慮有提供監護人服務的寄宿學校，如Christ college中一及中二是69xx鎊一季，中三以上約9千鎊一季，另Campbell college有那服務的及平學費，詳細問agent,免費的，貨比三間便可。。不懂英文，交agent做中間人，有事經agent做，好過自己攪怕當怪獸家長。。。

bp123

回覆 過客 的帖子

其實樓主係咪只係有親戚係LONDON?

本人覺得監護人唔係太重要, 唔須要為左有親戚係倫敦做監護人而放棄北愛既選擇.

其實有無親戚照顧真係唔重要, 小朋友好快會適應, 小女中二到英國只係用左一年監護人公司, 之後識左啱傾既同學直到中7都係同學既家長做監護人, 比起親戚照顧好好多, 最直接係可以融入當地文化同生活, 其次在外人面前小朋友一定會減少依賴學習與人相處同獨立, 這不是我們家長想子女留學所得到的嗎?

小女已不是一個活躍同主動既人, 而認識既香港人中這個情況都好普遍, 所以不用擔心.

過客

多謝各位.

打算呀仔今年 9 月過去讀 Yr.9, 而家先開始找學校, 但因為咩都唔識, 時間又緊迫, 驚搵到一間唔好既學校比佢 (學校唔需要 Top 1, 只要佢讀得開心便可), 驚呀仔係學校唔適應 (因呀仔話而家 d 同學恰佢, 但佢又咩都唔肯講點蝦佢, 佢只係話想去外國讀)..所以想個監戶人可以幫我跟貼 d, 不時可以了解到呀仔係學校既情況, 所以想親戚幫下手, 但 London 果邊 d 學校真係好那利.

亮燈

過客 發表於 17-4-15 11:59
多謝各位.

打算呀仔今年 9 月過去讀 Yr.9, 而家先開始找學校, 但因為咩都唔識, 時間又緊迫, 驚搵到一間唔 ...

個人覺得，重點係阿仔點解俾人蝦？佢只係今年先開始有同學蝦佢？還是一向都有？可向阿仔了解，同時亦要向班主任了解下，睇下原因係乜？如果只係因為俾人蝦就要去外國讀書，咁只係逃避。試想想，如果去到外國讀書，又俾人蝦，咁點解決呢？要思考下啊！
依家先搵學校係會遲左，但可搵agent幫手，睇下有乜建議。

caerion

純屬個人意見，監護人角色重唔重要唔係重點，監護人費貴，先係重點，如果學校唔做監護人，每年要交差不多€1000 annual fee,另加half term 住宿,計budget 時記著計埋監護人費用，因為我覺得annual fee好無謂，如果筆錢係使在小朋友身上，無問題，但而家係比監護人公司，另每次監護人出動都要計錢，咁，如計埋落去可能同在London附近搵間學校差唔多錢，你去問下agent有d學校是學校做埋監護人，有親戚試過學長話做埋佢同另一個同學的監護人，因爲佢去讀書時只得13歲

過客

回覆 caerion 的帖子

多謝各位意見