你哋中學對操行既要求係點？

1998Ruby1998

回覆 greentea000 的帖子

要老師認為冇問題先得架嘛 ，有 d 老師真係一句笑話都接受唔到，搞搞震就更加唔得。
我好明白「唔合群」呢樣野，其實大多數人都係唔啱 key 或者怕醜，比較少人真係社交恐懼／焦慮症，遇到啱性格同興趣嘅就冇問題。我由小到大都唔多朋友，成日畀阿媽話我孤僻、唔合群、一定係我衰所以冇朋友同我玩／約出街，其實我興趣同普通人差得太遠，個個都鍾意動漫、韓星，但係我動漫淨係鍾意 Pokemon （唔多女仔有研究 Pokemon，佢地都鍾意青春少女果類），Harry Potter （好少人有深入研究），學俄文法文匈牙利文（個個都研究日文、韓文），打機（女校唔多人打機，個個都玩 IG），動物（同 National Geographic 果 d 內容一樣）。

我性格都尚算友善同埋好脾氣，不過因為興趣差太遠所以咪埋唔到堆，個個都覺得我怪。老師咪投訴我幼稚、唔合群，其實都唔關我事，係我唔好彩與唔到有同樣興趣嘅人。

我唯一問題就係如果要做 project，討論就討論，做野就做野，唔想傾閒計遊花園（林鄭上身），但係老師最鍾意跟座位、學號分組，唔畀自己分組，幾個女仔圍埋一齊，大部份時間都係講邊個韓星邊套劇，問佢地想做咩主題點分工又冇意見，踢極都唔郁，所以我情願一個人做，反正 group project 最尾都係我做曬。

所以我得到中學都係得兩三個朋友可以一拍即合，傾成日都冇問題，不過我地傾計都似大學研討會咁，而且我地都係唔鍾意行街睇野，如果要約出黎，一定要有明確目的（例如睇戲、展覽、音樂劇），做完即走唔會行街。

1998Ruby1998

回覆 IloveJJ 的帖子

有冇考慮過聖馬可／九華／SFXC／民生呢幾間？我知道後面三間係好學校同埋都難入。我朋友讀聖馬可，佢本身小學唔算乖但係唔係好活躍果隻，係果度讀得唔錯。

greentea000

1998Ruby1998 發表於 17-4-13 23:36
回覆 greentea000 的帖子

要老師認為冇問題先得架嘛 ，有 d 老師真係一句笑話都接受唔到，搞搞震就 ...

所以揀學校去避免呢類問題係無用 ，除非可以揀埋老師。執行標準係老師手上，可大亦可小。

1998Ruby1998

回覆 IloveJJ 的帖子

愛子心切，邊個父母唔想畀最好嘅環境仔女？不過有時候關心則亂，好容易踩太深。
邊間學校都總會有幾個「唔玩得」嘅老師，問題係多定少，同埋學校資源同校規。名校因為多菁英，老師唔習慣 d 唔坐定定做模範學生嘅小朋友。唯有做家長忍耐下，投訴就預左一定有，不過自己要睇開 d，自我安慰「係個老師太嚴格姐，佢淨係教一年，下年就換畫唔同架啦」
你仔仔都應該係未遇到啱 key 嘅人，呢個強求唔到，唯有隨遇而安。我同樣都係「如果冇討論價值／班組員太低能」，我真係會放棄唔同佢地講，自己睇書，寫文，畫畫（所以咪畀老師鬧囉 ），總之就係覺得同佢地傾好辛苦，既然如此，倒不如獨來獨往。

不過以大人角度去睇名校 Secrets 係真係會覺得班中學生好幼稚，咩 d FF 情節、暗戀明戀曬命，真係覺得好低能，有 d post 就 OK 但係大部份都係奇奇怪怪咁（其實應該係我奇怪）。不過現實又真係好多中學生都好似名校 Secrets 裡面嘅學生。所以埋唔到堆可能先係正常。

greentea000

IloveJJ 發表於 17-4-14 00:17
即係其實我呢個問題係無可避免，對嗎？因為睇下遇到咩老師?

除左無可避免，仲要諗下你係咪包辦太多。你仔唔想改變，其他人係改變唔到佢。你想避免投訴係一種遷就，進一步減少左你仔改變既機會，有違你一直唔想太保護個仔既做法。唔改變，又接受扣分、投訴，好合理。改變，換取加分，亦好正常。要唔要妥協，幾時妥協，係成長必經過程。當代價大到佢俾唔起 / 肉赤唔想俾，佢先會諗下需唔需要改變。

greentea000

1998Ruby1998 發表於 17-4-14 01:00
回覆 IloveJJ 的帖子

愛子心切，邊個父母唔想畀最好嘅環境仔女？不過有時候關心則亂，好容易踩太深。

當仔女越大個，父母對仔女本身可控制既野就越少，更何況學校、老師、同學呢Ｄ外在大環境。

greentea000

回覆 IloveJJ 的帖子

有無同老師表達過你自己想法？老師都有欺善怕惡既

little_yolky

IloveJJ 發表於 17-4-14 15:53
你指表達我覺得男仔有啲活躍都正常?

我無呀！一俾老師投訴，就驚!

乜你仔仔唔係好文靜咩?????? 我個拉二胡、一身好武功既文學男去咗邊度呀!!!!!!!!!!!!!!!!!!!!


BTW, 有無諗過DBS同LS, D男仔都相當活潑的, 讀得又玩得, 不過相當難考就是了。仲有, 嚴格既係天主教, 基督教學校相對寬鬆好多。

greentea000

回覆 IloveJJ 的帖子

負評係指買成績？
邊間直私無買呀！

sheepmydear

九華啦,自由度好高